پرەزيدەنت اكىمدەرمەن كەزدەستى

1321
0
بولىسۋ:

ەلباسى نۇرسۇلتان نازارباەۆ وبلىستاردىڭ, استانا جانە الماتى قالالارىنىڭ اكىمدەرىمەن كەزدەسۋ وتكىزدى.

مەملەكەت باسشىسى جيىن بارى­سىندا وبلىستار مەن رەسپۋبليكالىق ماڭىزى بار قالالاردىڭ اكىم­دەرىنە ازىق-تۇلىك باعاسىنىڭ تۇراقتىلىعىن باقىلاۋ جانە تاريفتەردى رەتتەۋ ماسەلەسىن نازاردا ۇستاۋ قاجەتتىگىن ايتتى.
نۇرسۇلتان نازارباەۆ وبلىس­تاردا جىلىتۋ ماۋسىمىن ىركىلىسسىز جۇرگىزۋدىڭ ماڭىزدىلىعىن اتاپ وتتى.
سونداي-اق قازاقستان پرەزي­دەنتى ۇكىمەتكە وبلىستار اكىم­دە­رىمەن بىرلەسىپ, كوكتەمدەگى سۋ تاسقىنى قاۋپىنىڭ الدىن الۋ جانە ونى بولدىرماۋ جونىندە شارالار قابىلداۋدى تاپسىردى.
مەملەكەت باسشىسى ەرىگەن قاردىڭ سۋىن توعاندارعا جيناپ, ولاردى اۋىل شارۋاشىلىعى قاجەت­تىلىگىنە پايدالانۋ مۇمكىندىكتەرىن قاراستىرۋدى ۇسىندى.
– حالىق سانى ەكى مىڭنان اسا­­­تىن اۋىلدىق ەلدىمەكەندەردە جەر­­گىلىكتى وزىن-وزى باسقارۋ جۇيە­­­سى ەنگىزىلەتىن بولادى. بۇل – بيۋد­­جەت­­تىڭ تورتىنشى دەڭگەيى. جەر­گى­لىكتى جەرلەرگە سالىقتىڭ 7 تۇرىن جيناۋ مۇمكىندىگى بەرىلدى, سونداي-اق قاراجات شىعىسى 19 باعىت بويىنشا جۇزەگە اسىرىلادى. الدىن الا جاسالعان تالداۋ بويىنشا, اۋىلدىق وكرۋگتەردىڭ 11 پايىزى عانا وزدەرىن قامتاماسىز ەتىپ, وز كىرىسى ەسەبىنەن شىعىندارىن جابا الادى. سوندىقتان ۇكىمەت وبلىستار باسشىلارىمەن بىرلەسە وتىرىپ, وسى ماسەلەنى دە باقىلاۋعا الۋعا تيىس, – دەدى نۇرسۇلتان نازارباەۆ.
سونىمەن بىرگە, قازاقستان پرە­زيدەنتى ەلىمىزدى دامىتۋ جوبالارى مەن باعدارلامالارىنىڭ ماڭىزدى سيپاتقا يە بولىپ وتىرعانىن حالىققا كەڭىنەن تۇسىندىرۋ جانە بۇل ىسكە «نۇر وتان» پارتيياسىن تارتۋ قاجەتتىگىن اتاپ وتتى.
باسقوسۋ بارىسىندا استانا قالا­سىنىڭ, قىزىلوردا, قارا­عاندى جانە شىعىس قازاقستان وب­لىستارىنىڭ اكىمدەرى وڭىرلەردەگى احۋال تۋرالى باياندادى.

بولىسۋ:

پىكىر جازۋ


*