باعالاۋ جۇرگىزۋدىڭ ماڭىزدىلىعىنا توقتالدى

886
0
بولىسۋ:

مەملەكەت باسشىسى نۇرسۇلتان نازارباەۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى نۇرمۇحامبەت ابدىبەكوۆتى قابىلدادى. بۇل تۋرالى اقوردانىڭ باسپاسوز قىزمەتى حابارلادى.

كەزدەسۋ بارىسىندا ن.ابدىبەكوۆ نۇرسۇلتان نازارباەۆقا ەسەپ كوميتەتىنىڭ 2017 جىلعى جۇمىسىنىڭ نەگىزگى ناتي­جە­لەرى مەن الداعى كەزەڭدەگى مىندەتتەرى جو­نىن­دە باياندادى.
وتكەن جىلدىڭ قورىتىندىسى بويىن­شا بۇل ورگان 354 نىسانعا 25 تەكسەرۋ جۇر­گىزگەن. اۋديتورلىق ىس-شارالار ناتيجە­سىن­دە قايتارىلۋعا تيىستى 307,3 ميلليارد تەڭ­گەنىڭ 198,5 ميللياردى وتەلگەنىن ما­لىم­دەدى.
نۇرسۇلتان نازارباەۆ ەسەپ كوميتە­تىنە «مەملەكەتتىك اۋديت جانە قارجىلىق باقىلاۋ تۋرالى» زاڭ نورمالارىنىڭ جۇ­زەگە اسىرىلۋىن قامتاماسىز ەتۋدى تاپ­سىر­دى.
سونىمەن قاتار قازاقستان پرەزيدەنتى بيۋدجەت قاراجاتىن تيىمدى پايدالانۋ ىسى­نە ەسەپ كوميتەتى تاراپىنان نەعۇرلىم مۇ­قييات باعالاۋ جۇرگىزۋدىڭ ماڭىزدى­لىعى­نا توقتالىپ, زاڭبۇزۋشىلىققا جول بەر­مەۋ ۇشىن جۇيەلى شارالار قاراستىرۋ كە­رەك ەكەنىن ايتتى.
مەملەكەت باسشىسى ەسەپ كوميتەتىنىڭ وڭىر­دەگى تەكسەرۋ كوميسسييالارىنىڭ جۇ­مى­سىن ۇيلەستىرۋدە, سونداي-اق ولاردىڭ قىز­مەتىن جاقسارتۋ جونىندەگى ادىستەمەلىك جا­نە تاجىريبەلىك ۇسىنىمداردى ازىرلەۋ ىسىن­دە ماڭىزدى رول اتقاراتىنىن اتاپ وتتى.
كەزدەسۋ سوڭىندا نۇرسۇلتان نازارباەۆ مەملەكەتتىك اۋديت جانە قارجىلىق با­قى­لاۋ ورگاندارىنىڭ قىزمەتىن بۇعان دەيىن قابىلدانعان نورماتيۆتىك قۇقىقتىق اك­تىلەرگە جانە مەملەكەتتىك باعدار­لاما­لار­عا سايكەس جەتىلدىرۋ جونىندە بىرقاتار ناق­تى تاپسىرمالار بەردى.

بولىسۋ:

پىكىر جازۋ


*