ەلباسى پارتييا الدىنا مىندەت قويدى

1519
0
بولىسۋ:

پرەزيدەنت نۇرسۇلتان نازارباەۆ «نۇر وتان» پارتيياسىنىڭ ورتالىق اپپاراتىندا بولدى. مەملەكەت باسشىسى «نۇر وتان» پارتيياسى توراعاسىنىڭ بىرىنشى ورىنباسارى ماۋلەن اشىمباەۆتى تانىستىردى. ەلباسى سونداي-اق ەكى جىلداي وسى لاۋازىمدى اتقارىپ كەلگەن مۇحتار قۇل-مۇحاممەدكە سىڭىرگەن ەڭبەگى ۇشىن العىس ايتتى.

– مۇحتار قۇل-مۇحاممەد پارلامەنت سەناتىنىڭ دەپۋتاتى بولىپ تاعا­يىن­دا­-لۋىنا بايلانىستى پارتييا توراعاسىنىڭ بىرىنشى ورىنباسارى لاۋازىمىنان بوسا­تىلادى. وسى جاۋاپتى قىزمەتتە تاپسىر­مالاردى ورىن­داپ, ەلدى ارالاپ, جەرگىلىكتى جەرلەردە ساياساتتى تۇسىندىرىپ, كوپ جۇمىس اتقا­رىپ, قوسقان ۇلەسىڭىز بەن سىڭىرگەن ەڭبەگى­ڭىز ۇشىن العىس بىلدىرەمىن. ەكىنشىدەن, سە­ناتتىڭ دەپۋتاتى بولىپ تاعايىندالۋىڭىزبەن قۇتتىقتايمىن. ول – وتە جاۋاپتى, ابىرويلى قىزمەت. سەنات – بىزدىڭ ساياساتتى جۇرگىزەتىن, زاڭ قابىل­دايتىن ەڭ ۇلكەن ەلەك. وسىعان وراي پارتييا توراعاسى­نىڭ بىرىنشى ورىنباسارى لا­ۋازىمىنا ماۋلەن اشىمباەۆتى تاعايىنداۋ تۋرالى شەشىم قابىلداندى. ول بەس جىلدان استام پارلامەنت ماجىلىسىنىڭ دەپۋتاتى بولىپ, كوميتەت باسقاردى. مەن ونىڭ پارتييا مارتە­بەسى مەن رولىن ارتتىرۋعا ۇلكەن ۇلەس قوساتى­نىنا سەنىمدىمىن. جۇمىستارىڭىزعا ساتتىلىك تىلەيمىن! – دەدى نۇرسۇلتان نازارباەۆ.

ەلباسى «نۇر وتان» پارتيياسىنىڭ ال­دىن­دا تۇرعان قازىرگى مىندەتتەرگە ەرەكشە نازار اۋداردى. مەملەكەت باسشىسى ۇلتتىق ەكونو­ميكانى تورتىنشى ونەركاسىپتىك رەۆو­ليۋتسييا جاعدايىنا بەيىمدەۋ قاجەتتىگىن ايتتى.
– «نۇر وتان» پارتيياسى مەملەكەت ساياسا­تىن ايقىندايتىن ماڭىزدى ساياسي كۇشكە اينالدى. پارتييا بارلىق باعدارلاما­لارىمىزدى ىسكە اسىرۋعا اتسالىسىپ كەلەدى. ولاردىڭ تابىستى ورىندالۋى ۇشىن ەلىمىزدە قاجەتتىنىڭ بارلىعى بار. بىرىنشىدەن, بىز يندۋسترييالىق-يننوۆاتسييالىق باعدار­لاماعا مان بەرەمىز. ويتكەنى كومىرسۋتەكتى ەنەر­گەتيكانىڭ ۋاقىتى سوڭىنا تاياپ, مۇلدەم جاڭا داۋىر تۋىپ كەلەدى. بۇل بۇكىل الەمگە, سونىڭ ىشىندە بىزگە دە قاۋىپتەرى مەن مۇم­كىندىكتەرىن قاتار ۇسىنۋدا, – دەدى قازاقستان پرەزيدەنتى.
مەملەكەت باسشىسى وعان ەڭ الدىمەن, كادرلارىمىز دايار بولعانى جون ەكەندىگىنە ەكپىن تۇسىردى جانە ورتا بىلىم وردالارىندا دا, جوعارى وقۋ ورىندارىن دا وقۋ باعدار­لامالارى عارىشتىق جىلدامدىقپەن ىلگەرى وزعان جاڭا زامان قارقىنىنا ىلەسە الماي, كەشەۋىلدەپ قالىپ جاتقانىنا نازار اۋدارتتى.
ەلباسىمىزدىڭ بايلامىنشا, ازامات­تارىمىزدى بالا جاستان دارا تۇلعا بولۋعا, جاڭاشا وي ويلاپ, شەشىم قابىلداۋعا, ول ۇشىن قاجەتتى بىلىمدى يگەرۋ ۇشىن دەربەس ىزدەنىپ, تالاپ قىلۋعا ۇيرەتكەنىمىز ابزال. سوندا عانا ولار قازىرگى بۋىرقانعان بەلگى­سىزدىك پەن مۇمكىندىكتەر مۇحيتىندا ەركىن جۇزىپ, ومىردە وز ورنىن تابا الاتىن بولادى.
– ەگەر بىز الەمدىك دامۋدان قالىپ قوي­عىمىز كەلمەسە, وندا العا قاراي جىلدام قوز­عالۋىمىز قاجەت. سول سەبەپتى, بيىلعى جولداۋ وسى رەفورمالاردى ورىنداۋعا با­عىت­تالعان. «100 ناقتى قادام» ۇلت جوسپارى دا, يندۋس­ترييالاندىرۋ دا, بۇعان دەيىن قابىلدانعان بارلىق باعدارلامالارىمىز دا وسىنى نىساناعا الادى. ەندىگى ماسەلە – ولاردىڭ قالاي جۇمىس ىستەپ جاتقانىندا! بىز ەڭ قاجەتتى, ەكسپورتتىق ونىم شىعاراتىن كاسىپ­ورىنداردى سالۋىمىز قاجەت, – دەدى قازاقستان پرەزيدەنتى.
وسىعان بايلانىستى نۇرسۇلتان نازارباەۆ بارلىق مەملەكەتتىك جانە سالالىق باعدارلامالاردىڭ ساپالى ورىن­دالۋىنىڭ جانە ولاردىڭ ىسكە اسىرىلۋىنا باقىلاۋدى كۇشەيتۋدىڭ ماڭىزدى ەكەنىن اتاپ وتتى.
بۇل رەتتە مەملەكەتتىك باعدارلامالار اياسىندا ومىرگە جولداما الاتىن نىساندار مەن جوبا­لاردىڭ مازمۇنىنا, ورىندىلىعىنا جانە پەرس­پەكتيۆاسىنا رەۆيزييا جۇرگىزۋ جايى ايتىلدى.
مەملەكەت باسشىسى «نۇرلى جول» ينفرا­قۇرىلىمدىق دامۋ باعدارلاماسىن ىسكە اسىرۋدىڭ وزەكتىلىگىن اتاپ وتتى.
– ونىڭ قاجەتتىلىگى ەش كۇمان تۋدىر­مايدى. ەل وركەندەۋى ۇشىن اۆتوكولىك جولدارى دا, تەمىرجولدار دا, كوپىرلەر دە, تەڭىز پورت­تارى دا اردايىم كەرەك بولادى. بۇلار – كەز كەلگەن مەملەكەت ەكونوميكا­سىنىڭ كۇرە­تامىرى, – دەدى ن.نازارباەۆ.
ەل پرەزيدەنتى رۋحاني جاڭعىرۋ ماسە­لە­لەرى دە پارتييا نازارىندا بولۋعا تيىستىگىن اتاپ وتتى. ەلباسى بار­لىق مەملەكەتتىك باعدارلامالاردى ازىرلەۋ جانە ىسكە اسىرۋ ىسىندەگى پارتييانىڭ بەلسەن­دىلىگىن ارتتىرۋدىڭ ماڭىزدىلىعىنا نازار اۋ­داردى.
– بارلىعىنا پارتييا قاتىسۋى تيىس. وڭىر­لەردىڭ بارىندە بىزدىڭ پارتييا ۇيىم­دارى­مىز بار. ولار بەلگىلەنگەن مىندەتتەردى ىسكە اسىرۋدا بەلسەندى بولۋى تيىس, – دەدى قازاقستان پرەزيدەنتى.
سوڭىندا ەلباسى حالىق اراسىندا قولعا الىنعان شارالار مەن اتقارىلعان ىستەردى تۇسىندىرۋ جۇمىستارىن جۇرگىزۋدىڭ ماڭىز­دىلىعىنا دا توقتالدى.

ايحان شارىپ

بولىسۋ:

پىكىر جازۋ


*