ەلباسى «نۇر وتان» پارتيياسى توراعاسىنىڭ جاڭا بىرىنشى ورىنباسارىن تانىستىردى

1223
0
بولىسۋ:

مەملەكەت باسشىسى «نۇر وتان» پارتيياسىنىڭ ورتالىق اپپاراتىنا باردى, دەپ حابارلايدى AkordaPress.

نۇرسۇلتان نازارباەۆ اتقارعان جۇمىسى ۇشىن مۇحتار قۇل-مۇحاممەدكە العىس ايتىپ, پارتييا توراعاسىنىڭ جاڭا بىرىنشى ورىنباسارى ماۋلەن اشىمباەۆتى تانىستىردى.

اشىمباەۆ ماۋلەن ساعاتحانۇلى 1971 جىلى الماتىدا تۋعان. ال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن. ساياسي عىلىمدارىنىڭ كانديداتى.

ۋنيۆەرسيتەتتى بىتىرگەننەن سوڭ 1993-1994 جىلدارى باسپاسوز جانە بۇقارالىق اقپارات مينيسترلىگىنىڭ جۇيەسىندە جۇمىس ىستەدى.

1994-1995 جىلدارى – قازاقستان رەسپۋبليكاسى جوعارعى كەڭەس دەپۋتاتىنىڭ كومەكشىسى. 1995 جىلعى ماۋسىم – قاراشا ارالىعىندا – قاۋىپسىزدىك كەڭەسى اپپاراتىنىڭ كونسۋلتانتى.

1995-1999 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگى ساراپتاۋ جانە ستراتەگييالىق زەرتتەۋلەر ورتالىعىنىڭ باس ساراپشىسى, سەكتور مەڭگەرۋشىسى, وسى ورتالىق جەتەكشىسىنىڭ بىرىنشى ورىنباسارى.

1999-2000 جىلدارى – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى. 2000-2002 جىلدارى – قاۋىپسىزدىك كەڭەسى ساراپتاۋ ورتالىعىنىڭ مەڭگەرۋشىسى – قازاقستان رەسپۋبليكاسى پرەزيدەنتى جانىنداعى ستراتەگييالىق زەرتتەۋلەر ينستيتۋتىنىڭ ديرەكتورى.

2002-2005 جىلدارى – قازاقستان رەسپۋبليكاسى پرەزيدەنتى جانىنداعى ستراتەگييالىق زەرتتەۋلەر ينستيتۋتىنىڭ ديرەكتورى.

2005-2006 جىلدارى – قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى. 2006-2011 جىلدارى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى. 2012 جىلعى اقپان – 2016 جىلعى قاڭتار ارالىعىندا – V سايلانىمداعى قازاقستان رەسپۋبليكاسى پارلامەنتى ماجىلىسىنىڭ دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى.

2016 جىلعى 25 ناۋرىزدان باستاپ Vى سايلانىمداعى قازاقستان رەسپۋبليكاسى پارلامەنتى ماجىلىسىنىڭ دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى قىزمەتىن اتقارعان بولاتىن.

«قۇرمەت» جانە «پاراسات» وردەندەرىمەن ماراپاتتالعان. 2003 جىلى دجونس – حوپكينس ۋنيۆەرسيتەتىنىڭ حالىقارالىق زەرتتەۋلەر مەكتەبىندە (اقش) عىلىمي ستاجيروۆكادان وتتى.

2016 جىلى تافتس ۋنيۆەرسيتەتىنىڭ (Tufts University) جانىنداعى فلەتچەر اتىنداعى قۇقىق جانە ديپلوماتييا مەكتەبىن (The Fletcher School of Law and Diplomacy) بىتىرىپ, حالىقارالىق قاتىناستار ماگيسترى دارەجەسىن العان. اعىلشىن تىلىن ەركىن مەڭگەرگەن.

ۇيلەنگەن, ۇش بالاسى بار.

http://inform.kz

بولىسۋ:

پىكىر جازۋ


*