VII قىسقى ازيادا قالاي وتتى?

1656
0
بولىسۋ:

اق ازيادا ەلباسى نۇرسۇلتان نازارباەۆتىڭ «تاۋەلسىزدىك داۋىرى» كىتابىنىڭ 33 باستى ناتيجەسىنىڭ 21-تارماقشاسىندا جازىلعان. ەستەرىڭىزدە بولسا, 2011 جىلى قاڭتار-اقپان ايلارىندا استانا مەن الماتى قالالارى ازييا قۇرلىعى ومىرىندەگى سپورت سالاسىنىڭ قايناعان ورتالىعىنا اينالىپ, قازاقستاندا تۇڭعىش رەت VII قىسقى ازيادا ويىندارى وتكەن بولاتىن. سول كەزدە ەلىمىز 70 مەدال ەنشىلەپ, VII قىسقى ازييا ويىندارىنىڭ قورىتىندىسىندا قازاقستان سپورتشىلارى كوماندالىق ەسەپتە بىرىنشى ورىنعا شىقتى.

ازييا ويىندارى – ازييا ەلدەرىنىڭ سپورتشىلارى اراسىندا اربىر تورت جىل سايىن وتكىزىلەتىن سپورتتىق جارىس. VII قىسقى ازيادا ويىندارىنا الەمنىڭ 27 ەلىنەن مىڭنان استام سپورتشى قاتىستى. جارىستاردىڭ باعدارلاماسىنا 11 سپورت تۇرى ەنگىزىلدى: كونكي تەبۋ سپورتى, مانەرلەپ سىرعاناۋ, شايبالى حوككەي, دوپتى حوككەي (بەندي), شاڭعى جارىسى, بياتلون, تۇعىردان شاڭعىمەن سەكىرۋ, تاۋ شاڭعىسى, فريستايل, شورت-ترەك, شاڭعىعا لايىقتالعان قىسقى سپورتتىق سايىس. بارلىعى 69 مەدال جيىنتىعى ساراپقا سالىنىپ, بۇل قىسقى ازيادا تاريحىنداعى رەكوردتىق كورسەتكىش بولدى.
قازاقستان وسى ويىنداردا قىسقى ازيادادا التىن مەدال سانى بويىنشا رەكورد جاڭارتىپ, 32 التىن مەدال يەلەندى جانە جالپىكوماندالىق ەسەپتە ايقىن باسىمدىلىقپەن بىرىنشى ورىندى جەڭىپ الدى. بىزدىڭ قۇرامانىڭ قور­جىنىندا 70 مەدال بولسا, ونىڭ 21-ى – كۇمىس جانە 17-سى – قولا مەدال.
ەكىنشى ورىندى 13 التىن, 24 كۇمىس جانە 17 قولا مەدال الىپ, جاپونييا يەلەندى. ۇشىنشى ورىنعا 13 التىن, 12 كۇمىس جانە 13 قولا مەدال العان وڭتۇستىك كورەيا يە بولدى. تورتىنشى ورىندى 11 التىن, 10 كۇمىس جانە 14 قولا مەدالمەن قىتاي الدى.
مۇنداعى تاعى بىر تاريحي سات – قىسقى ازييا ويىندارى شەجىرەسىندە تۇڭعىش رەت الاۋ ەستافەتاسى ۇيىمداستىرىلدى. ەستافەتا وتى 2011 جىلعى 11 قاڭتاردا ازييا وليمپيادالىق كەڭەسىنىڭ شتاب-پاتەرى ورنالاسقان ال-كۋۆەيت قالاسىندا تۇتان­دىرىلىپ, 2011 جىلدىڭ 12 قاڭتارىندا الاۋ ۇشاقپەن قازاق جەرىنە جەتكىزىلدى. الماتىدان باستاۋ العان ەستافەتا رەسپۋبليكانىڭ بارلىق قالاسىن ارالاپ شىقتى. ساياحات بارلىعى 20 كۇنگە سوزىلىپ, 30 قاڭتاردا الاۋ استانا قالا­سىنا جەتكىزىلىپ, استانا ارەنا ستا­ديو­نىندا وتەتىن VII قىسقى ازييا ويىن­دارىنىڭ اشىلۋ سالتاناتى بارىسىندا ويىنداردىڭ باس قازاندىعى جاعىلدى. مۇنىڭ بارلىعى سپۋتنيك ارقىلى جەر-جەرگە تاراتىلىپ, ازييا ەلدەرىندە تەلەديدار ارقىلى كورسەتىلدى. جارىس بارىسىن شە­تەلدىك 2 مىڭنان استام جۋرناليست تاراتىپ, عالامشاردىڭ 500 ميلليوننان استام تۇرعىنى تاماشالادى.

قازاقستان وز تاريحىندا تۇڭعىش رەت ادامزاتتىڭ تەڭ جارتىسى مەكەندەيتىن الەمنىڭ ەڭ ۇلكەن قۇرلىعىنىڭ باستى سپورت باسەكەسى – VII قىسقى ازييا ويىندارىن وتكىزدى.

الماتىدا بالۋان شولاق اتىنداعى سپورت جانە مادەنيەت سارايىندا وتكەن VII قىسقى ازييا ويىندارىنىڭ جابىلۋ سالتاناتىندا ەلباسى نۇرسۇلتان نازارباەۆ تۇڭعىش رەت 69 مەدال جيىنتىعىنىڭ ساراپقا سالىنعانى ازييادا ۇشىن رەكورد ەكەنىن اتاپ وتكەن بولاتىن. «بىزدىڭ سپورتشىلار كومان­دالىق ەسەپتە تاماشا ناتيجەلەر كورسەتكەنىنە قۋانىشتىمىن. ازيادا كۇشتىڭ, ادەمىلىك پەن مارتتىكتىڭ ناعىز سالتاناتىنا اينالدى. بىز سپورتتى بەيبىتشىلىك پەن دوستىقتىڭ مەرەكەسىنە اينالدىردىق. وسى كۇندەرى ار ەلدەن كەلگەن مىڭداعان ادام بىر-بىرىمەن جۇزدەستى, اڭگىمەلەستى, بىرىن-بىرى تانىدى. كوپشىلىگى قازاقستاننان جاڭا دوستار تاپتى. بىزدىڭ بارىمىز, ار حالىقتىڭ وكىلدەرى, رۋحاني باي جانە جومارت بولا تۇستىك. بىز بىر-بىرىمىزدى جاقسى تۇسىندىك. وسىنى ازيادانىڭ باستى جەتىستىگى دەپ ساناۋعا بولاتىنىنا سەنىم­دىمىن!» دەگەن ەدى مەملەكەت باسشىسى.
ازيادانىڭ جارقىن سيمۆولى − قازاقستاندىق بارىس, بارلىعىمىز ۇشىن ىستىق ارى جاقىن بولا تۇستى. بۇگىنگى تاڭدا VII قىسقى ازييا ويىندارىنىڭ الاۋى تۇڭعىش پرەزيدەنت مۋزەيىنىڭ «قازاقستان­نىڭ سپورتتىق داڭقى» ەكسپوزيتسيياسىندا ساقتالعان.
ازيادا ويىندارىنىڭ وتكىزىلۋى ەڭ الدىمەن قازاقستان پرەزيدەنتى نۇرسۇلتان نازارباەۆتىڭ ساياسي ەرىك-جىگەرىنىڭ ارقاسى دەۋگە بولادى. الەمدىك قارجى داعدارىسىنىڭ سالدارلارىنا قاراماستان, مەملەكەت باسشىسىنىڭ تاپسىرماسى بويىنشا ازيادا ويىندارى ۇشىن ارنايى رەسپۋبليكانىڭ نەگىزگى ەكى قالاسىندا بىرەگەي سپورت كەشەنى سا­لىندى. بوي كوتەرگەن ول عيماراتتار بۇگىن­دە ەلدىڭ سپورت ينفراقۇرىلىمىنىڭ ماڭىز­دى ەلەمەنتتەرى بولا وتىرىپ, ازاماتتاردى سالاماتتى ومىر سالتىنا كەڭىنەن تارتۋ ىسىنە قىزمەت ەتۋدە.
استانادا «الاۋ» جاڭا مۇز ايدىنى سارايى سالىندى. كوپتەگەن حالىقارالىق ساراپشىلاردىڭ پىكىرى بويىنشا شورت-ترەك جانە مانەرلەپ سىرعاناۋدان جارىستار وت­كىزىلگەن «سارىارقا» رەسپۋبليكالىق ۆە­لو­ترەگى دە – الەمدەگى ەڭ ۇزدىك ۆەلوترەكتىڭ بىرى.
ازيادانىڭ قارساڭىندا الماتىدا ك-125, ك-95 حالىقارالىق شاڭعىمەن تۇعىردان سەكىرۋ كەشەنى سالىندى. حالىقارالىق شاڭعى سپورتى قاۋىم­داستىعى وتكىزەتىن جىلدىق ساۋالنامانىڭ ناتيجەسى بويىنشا قازاقستاننىڭ جاڭا كەشەنى 2010 جىلدىڭ ەڭ ۇزدىك ترامپلينى اتالدى. سونىمەن قاتار الماتىداعى تاۋ بيىگىندە ورنالاسقان «مەدەۋ» سپورت كەشەنى, «شىمبۇلاق» تاۋ شاڭعىسى بازاسى جانە ويىنداردىڭ جابىلۋ راسىمى وتكەن بالۋان شولاق اتىنداعى سپورت سارايى قايتا جاساقتالدى. شاڭعى جارىسىن, شاڭعىعا لايىقتالعان بياتلوندى وتكىزۋ ۇشىن الماتى وبلىسىندا شاڭعى-بياتلون ستاديونى سالىندى. بۇگىندە بۇل نىساندار حالىق يگىلىگىنە بەرىلىپ وتىر.

نۇراي راحىم

بولىسۋ:

پىكىر جازۋ


*