ەلباسى رەسەي ەلشىسىن قابىلدادى

1137
0
بولىسۋ:

پرەزيدەنت نۇرسۇلتان نازارباەۆ رەسەي فەدەراتسيياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ميحايل بوچارنيكوۆپەن كەزدەستى. بۇل تۋرالى اقوردانىڭ باسپاسوز قىزمەتى حابارلادى.

مەملەكەت باسشىسى قازاقستانداعى ديپلوماتييالىق ميسسيياسىنىڭ اياق­تا­لۋىنا بايلانىستى رەسەي فەدەرا­تسييا­سىنىڭ ەلشىسى م.بوچارنيكوۆپەن كەزدەستى.
نۇرسۇلتان نازارباەۆ م.بوچارني­كوۆتىڭ قازاقستان مەن رەسەي اراسىنداعى قارىم-قاتىناستى نىعايتۋعا قوسقان ۇلەسىن ەرەكشە اتاپ وتىپ, ونىڭ قازاق­ستانداعى ديپلوماتييالىق قىزمەتىنە ري­زاشىلىق بىلدىردى.
– سىز رەسەيدىڭ قازاقستانداعى ەلشىسى رەتىندە 11 جىل قىزمەت اتقاردىڭىز. بۇل جىلدار ىشىندە قازاقستان مەن رەسەي اراسىنداعى قارىم-قاتىناس نىعايدى. بىز ديپلوماتييالىق بايلانىس­تارى­مىزدىڭ 25 جىلدىعىن اتاپ وتتىك. وڭىرارالىق ىنتى­ماقتاستىعىمىز دا­مىپ, جوعارى دەڭگەي­دەگى ساپارلار مەن كەز­دەسۋلەرىمىز جيىلەي تۇس­تى. بىزدىڭ سە­رىكتەستىگىمىز – مەملە­كەتارالىق قارىم-قاتىناستىڭ جارقىن مىسالى, – دەدى قازاقستان پرەزيدەنتى.
مەملەكەت باسشىسى ەكى ەلدىڭ حا­لىقارا­لىق ارەنادا تابىستى ىقپالداس­تىق ورناتقانىن ايتتى.
– بىز حالىقارالىق دەڭگەيدە بىر-بىرى­مىزدى قولدايمىز. اقش-قا ساپارىم كەزىن­دە رەسەي مەن امەريكا اراسىنداعى قارىم-قاتىناس ماسەلەسىنە زور مان بەردىم, – دەدى نۇرسۇلتان نازارباەۆ.
ميحايل بوچارنيكوۆ ەكى ەل اراسىنداعى قارىم-قاتىناستاردىڭ جوعارى دەڭگەيدە دامىپ كەلە جاتقانىن ايتىپ, قازاق­ستاننىڭ جاھاندىق قاۋىپسىزدىكتى نىعايتۋ ىسىندەگى بەلسەندى قىزمەتىنە توقتالدى.
– قازاقستاندا 11 جىلدان استام ات­قارعان قىزمەتىم بارىسىندا ەلىڭىزگە دەگەن ريزاشىلىق سەزىمىم ارتا تۇستى. قا­زاقستاننىڭ بۇۇ قاۋىپسىزدىك كەڭەسىنە مۇشە بولۋى جانە بۇل ورگانعا توراعالىق ەتۋى ەلىڭىزدىڭ حالىقارالىق بەيبىتشىلىك پەن قاۋىپسىزدىكتى قامتاماسىز ەتۋ ىسىندەگى ماڭىزدىلىعىن كورسەتىپ وتىر, – دەدى رەسەي فەدەراتسيياسىنىڭ قازاقستانداعى ەلشىسى.
سونىمەن قاتار م.بوچارنيكوۆ ەكى ەل­دىڭ ەۋرازييالىق ەكونوميكالىق وداق اياسىن­­­­­­­داعى ىنتىماقتاستىعىنىڭ ناتيجە­لەرى مەن الداعى پەرسپەكتيۆالارىن اتاپ وتتى.
كەزدەسۋ سوڭىندا نۇرسۇلتان نازارباەۆ م.بوچارنيكوۆتى «دوستىق» وردەنىمەن ماراپاتتادى.

بولىسۋ:

پىكىر جازۋ


*