تسيفرلاندىرۋ باعدارلاماسى بەكىتىلدى

2119
0
بولىسۋ:

مەملەكەت باسشىسى نۇرسۇلتان نازارباەۆ پرەمەر-مينيستردىڭ ورىنباسارى اسقار جۇماعاليەۆتى قابىلدادى.

كەزدەسۋدە مەملەكەت باسشىسىنا «تسيفر­لى قازاقستان» مەملەكەتتىك باعدار­لاماسىنىڭ ىسكە اسىرىلۋ بارىسى جانە بۇعان دەيىن بەرىلگەن تاپسىرمالاردى ورىنداۋ ۇشىن اتقارىلعان شارالار جو­نىندە باياندالدى.
– تسيفرلاندىرۋدىڭ ارقاسىندا قا­زاقستان ەكونوميكاسى 30 پايىزعا وسۋى كەرەك, ول اقشاعا شاققاندا 2 تريلليون تەڭ­گەدەن اسادى, – دەدى قازاقستان پرە­زيدەنتى.
نۇرسۇلتان نازارباەۆ قازاقستاندا جيناقتالعان تاجىريبە مەن قۇزىرەتتىلىكتى ساقتاۋ ۇشىن تسيفرلاندىرۋ سالاسىنداعى مەملەكەتتىك تاپسىرىستاردى جۇزەگە اسىرۋ ماسەلەلەرىن سارالاۋعا وتاندىق بيزنەستىڭ قاتىسۋى قاجەت ەكەنىن اتاپ وتتى.
– تسيفرلاندىرۋ باعدارلاماسى بەكى­تىلدى. مەملەكەت وعان از اقشا بولىپ وتىر­عان جوق, سوندىقتان ولاردىڭ تيىمدى پاي­دالانىلۋىن قامتاماسىز ەتۋ كەرەك, – دەدى مەملەكەت باسشىسى.
اسقار جۇماعاليەۆ قازاقستان پرە­زيدەنتىنە «تسيفرلى قازاقستان» باعدار­لاماسىنىڭ ورىندالۋىنان كۇتىلەتىن ناتيجەلەر جونىندە مالىمدەدى.
– تسيفرلاندىرۋدى ەنگىزۋدىڭ ارقا­سىندا وندىرۋشى ونەركاسىپتە ونىمنىڭ وزىندىك قۇنى تومەندەپ, وندىرىس كولەمى ۇلعايادى. سونداي-اق ەلەكتروندى كوم­مەرتسييا سالاسىندا 200 مىڭعا جۋىق جاڭا جۇمىس ورنى اشىلادى دەپ وتىر­مىز. بىزدىڭ ەسەبىمىز بويىنشا تەك كە­دەن جانە سالىق قىزمەتتەرىن تسيفر­لان­دىرۋ ناتي­جەسىندە مەملەكەت قازىناسىنا 100 ميل­ليارد تەڭگەدەن استام قارجى تۇسەدى, – دەدى پرەمەر-مينيستردىڭ ورىن­باسارى.
سوڭىندا نۇرسۇلتان نازارباەۆ «جا­ھاندانۋ داۋىرىندەگى تسيفرلىق كۇن تارتىبى» اتتى حالىقارالىق فورۋمدى وتكىزۋگە دايىندىق جونىندەگى ەسەپتى تىڭداپ, بىر­قاتار ناقتى تاپسىرما بەردى.

بولىسۋ:

پىكىر جازۋ


*