Білім жүйесі бейімделеді

1421
0
Бөлісу:

Әл-Фараби атындағы Қазақ ұлттық университетінде Қазақстан Президентінің «Төртінші өнеркәсіптік революция жағдайындағы дамудың жаңа мүмкіндіктері» Жолдауы талқыланды. Мемлекет басшысы белгілеген негізгі басымдықтарды назарға ала отырып,  университет ұжымы цифрлы экономика жағдайындағы адами капиталдың қалыптасуына бағытталған шешуші қадамдарды бағдарлады.  

Университет қоғамдастығы мүшелері Елбасы Жолдауын Қа­зақстанның одан ары жаңғыруы бойынша жүйелі шараларды айқын­дап берген бірегей бағдарлама ре­тінде үлкен құлшыныспен және ықыласпен қабыл алды. Мемлекет басшысы алға қойған цифрландыру және цифрлы технологияларды өмірдің барлық саласына енгізу ғалымдар талқылауында басты тақы­рыпқа айналды.
Әл-Фараби атындағы ҚазҰУ ректоры Ғ.Мұтанов Жолдау алдағы қызметте және дамудың жаңа мүмкіндіктерін іздестіруде маңызды нұсқаулық болып табылатын­дығын атап өтті.
– Университеттер адами капи­талдың қалыптасуындағы маңызды субъектілер ре­тінде оның жаңа сапасын қамтамасыз етуі керек және қазақстандық қоғам жаң­ғы­руының қозғаушы күшіне айналуы
тиіс, – деді ол.
Сондықтан осы маңызды мін­детті сезіне отырып, оқу орны Al-Farabi University smart city жобасы аясында 4.0 универ­ситет жаңа ұрпақ университетінің үлгісін жүзеге асыруда.
Аталған үлгі Президент Жол­дауында қойылған тапсыр­маларға толықтай жауап береді. ҚазҰУ алғаш рет ТМД көлемінде «Цифрлы Қазақстан» республикалық бағ­дарламасы аясында цифрлы уни­вер­ситет үлгісін жасады және ЖОО қызметін автоматтандыруда ұлттық технология­лар­ды, кампус инфра­құрылымын бас­қаруда Smart технологияларды әрі талдамалы жүйе қалыптастыру үшін Big Data техно­логияларын енгізді. Бағ­дарламалық жасақтаманың ірі өндірушісі – Microsoft компания­сының жоғары білім берудің IT тұғырнамасы дамуының инно­ва­циялық векторын қалыптастыруда әріптес ретінде ҚазҰУ-ды таңдауы кездейсоқ емес.
ҚазҰУ Қазақстанда тұңғыш рет жаппай ашық онлайн курстарын бастады, бұл өз кезегінде ашық білім берудің ұлттық тұғырнамасын іске қосуға мүмкіндік берді. Аталған тұғырнама қазақстандық ЖОО-лардың бәсекеге қабілеттілігін арттыруға ықпал етеді.
«E-кампус» жобасы базасында универ­ситеттің технологиялық тұғырнамасының қалыптасуына Hewlett-Packard, Cisco, Koniсa Minolta, Fujitsu, Samsung, Alcatel, Касперский зертханасы, Microsoft, Intel, Huawei сынды ғылыми-білім беру орта­лықтары тың қарқын берді. ҚХР Ғылым академиясының Қашықтықтан зондтау және цифрлы Жер институтымен (RADI) бірге Жерді зондтаудың цифровиза­циялық орталығы құрылған. Гон­конг политех­никалық универ­ситетімен бірлесе Тех­нолофт Индустрия 4.0 – ғылыми-білім беру зертханасын құру бойынша жұмыс басталды.
Биыл ҚХР Үкіметінің гранты – суперкомпьютер базасы аясында Жібек жолы университеттер альянсының халықаралық ІТ технопаркі іске қосылады. Жоғары өндірістік суперкомпьютер ІТ-технопаркінің ядросы болады.
Бұл – ғылыми зертханалар жұмысы, дизайн зертханалары, 3D принтинг, инновациялық шеберханалар, коворкинг-орталық пен IGeneration бизнес-инкубатор шоғыр­ланған бірыңғай кластер. Бұл өндірістік индустрияның универ­ситеттермен жоғары өндірістік ақпараттық-коммуникациялық технология­ларды құрастыруды шешу мен қолдану саласында табысты бірігуін қамтамасыз етеді және Силиконды дала сынды жоғары технологиялар аймағын құруға мүмкіндік береді.
Президент атап өткендей, цифрлы дәуір жағдайында елдің жаңа индустрия­ли­зациялануында басты маңыздылық кадрлық қам­тамасыз ету болмақ. Осыған орай, ҚазҰУ-да ағымдағы оқу жылының екінші семестрінен бастап-ақ ақ­параттық технологиялар факультеті құрыла бас­тайды. Жаңа факультет құрылымы аясында Супер­ком­пьютерлік технология базасында мәліметтерді өндеу орталығы, Big Data салааралық зертханасы және Блокчейн зертханасы қарас­ты­рылған. Жолдауды жүзеге асырудағы университеттің жол картасы ая­сында 3D принтинг, онлайн-сауда, мобильді банкинг, денсаулық сақтау және білім берудегі цифрлы қызмет – келешегі зор өнеркә­сіптерді да­мытуға кадрларды дайын­дауға бағыт­талған жаңа білім беру бағдар­ламаларын енгізу қарас­тырылған. Бұл цифрлы дәуір жағ­дайында елдің жаңа индустриялиза­циялану қажеттілігіне білім беру жүйесін бейімдеуге қосқан ҚазҰУ-дың нақты үлесі болмақ.

Қаншайым БАЙДӘУЛЕТ 

 

Бөлісу:

Пікір жазу


*