فين قالاۋلىلارىمەن كەزدەستى

1308
0
بولىسۋ:

ماجىلىس توراعاسى نۇرلان نىعماتۋلين فين پارلامەنتىندەگى «فينلياندييا – قازاقستان» دوستىق توبىنىڭ توراعاسى ۆيللە سكينناري باستاعان دەلەگاتسييا وكىلدەرىن قابىلدادى. كەزدەسۋدە ەلباسىنىڭ بيىلعى جولداۋى اڭگىمە وزەگىنە اينالدى. تاراپتار قازاق-فين قارىم-قاتىناستارىن دا تىلگە تيەك ەتتى.

قازاقستان پرەزيدەنتى تاياۋدا قازاق­ستان حالقىنا ارناعان كەزەكتى جول­داۋىن­دا مەم­لە­كەت الدىندا تۇرعان ون باسىم با­عىتقا توقتال­عا­نىن اتاپ وتكەن نۇرلان نىع­ماتۋ­لين, اسىرە­سە, تسيفرلاندىرۋ جانە جاڭا تەحنولوگييا­لاردى ەندىرۋ ماسەلەلە­رىنە بارىنشا كوڭىل بو­­لىن­گەنىن ايتتى. سون­دىق­تان ماجىلىس توراعاسى في­نليان­­دييا­­لىق ارىپتەستەرىمەن بىرگە, اتالعان سا­لا­نى زاڭ­نا­مالىق تۇرعى­دان قامتاماسىز ەتۋ جايىن تالقىعا سالدى.
ويتكەنى نۇرلان زايروللاۇلىنىڭ باي­­لا­مىن­شا, فينلياندييا الەمدەگى جاڭا­شىل مەم­لە­كەت­تەردىڭ «وندى­عىنا» كىرەدى. تيى­سىنشە, ين­نو­ۆاتسييا­لىق ەكونوميكانى زاڭ­نامالىق قام­تاماسىز ەتۋ سالاسىنداعى فين تا­جى­ري­­بەسى ەلى­مىز ۇشىن قىزىعۋشىلىق تۋ­دىرادى. پالاتا سپي­كەرى ىن­تى­­ماق­تاس­تىق جونىندەگى پارلا­مەنت­تىك توپ­تار­دىڭ وزارا ىس-قيمىلى بۇل پرو­تسەس­كە ۇلكەن ۇلەس قو­ساتىنىنا ەكپىن تۇسىردى.
وز كەزەگىندە مارتەبەلى مەيمان ۆيللە سكين­­ناري قازاقستان پرەزي­دەن­تى جول­داۋى­­نىڭ جانە ول قۇجاتتا بەل­گى­لەن­گەن باعىت­­تار­دىڭ ماڭىز­دى­لى­عىن باسا ايتىپ, بۇل سالادا بىرلەسە قيمىل­داۋ ۇشىن ورتاق ار­نالار بار ەكە­نىن نۇسقادى. فين پارلا­مەنت­­­شى­سى­نىڭ پىكى­رىن­شە, بۇل, بىرىنشى كە­زەكتە, يننو­ۆا­تسييا­­لىق سا­لا­لارعا جانە وسى باعىت­تاعى بىرلەسكەن جو­بالارعا, سون­داي-اق تسيفرلاندىرۋعا, تازا تەح­نو­لوگييالار مەن اقىلدى قالالارعا قاتىستى.
جۇزدەسۋشىلەر قازاقستان مەن في­ن­ليان­­دييا ىن­تىماقتاستىعىنىڭ سترا­تەگييا­لىق سيپاتقا يە ەكەنىن اتاپ وتە كەلىپ, ەكى­جاقتى قارىم-قا­تى­ناس­تار­دىڭ بىرىزدى دا­مۋىنا سەنىم بىلدىردى.
نۇرلان نىعماتۋليننىڭ ايتۋىن­شا, ۇدايى كەز­دەسۋلەر تاجىريبەسىن جالعا­س­تىر­­عان فين دە­پۋتاتتارىنىڭ بىز­دىڭ ەلى­مىزگە ساپارى پار­لا­مەنتارا­لىق تيىمدى ىق­پالداس­تىقتىڭ دامۋىن كۋا­لان­دىرادى.
ەرىك ەردەنوۆ

بولىسۋ:

پىكىر جازۋ


*