مەديتسينا ۇيىمدارى جەكەگە وتۋدە

1221
0
بولىسۋ:

قارجى مينيسترلىگى رەسپۋبليكالىق مەنشىكتەگى دەنساۋلىق ساقتاۋ وبەكتىلەرىن ساتۋ بويىنشا وتكەن جىلدىڭ قورىتىن­دىسىن شىعاردى. جەكەشەلەندىرۋدىڭ 2016-2020 جىلدارعا ارنالعان كەشەندى جوس­پا­رىنا سايكەس, رەسپۋبليكالىق مەنشىكتەگى دەن­ساۋلىق ساقتاۋ سالاسىنداعى 5 وبەكتى جە­­كەنىڭ قولىنا كوشكەن. ونىڭ ىشىندە ەكەۋى – ىرى نىسان. ولار وتكەن جىلعى جەلتوق­ساندا سا­تىلدى. جالپى العاندا, مەم­لەكەتتىك مەدۇيىمداردى ساۋداعا شىعارۋدان بىلتىر 18 ميلليارد 246 ميلليون تەڭگە تۇسكەن.

ەلباسى «100 ناقتى قادام» ۇلت جوس­پارىندا مەديتسينا سالاسىندا مەم­لەكەتكە قولداۋ بولار جەكە سەكتوردى وركەندەتۋگە باعىتتالعان مىندەت قويعانى مالىم. اتاپ ايتقاندا, ۇلت جوسپارىنىڭ 81-شى قادامى «جەكەمەنشىك مەديتسينانى دامىتۋدى», «مەديتسينالىق مەكەمەلەرگە كورپوراتيۆتىك باسقارۋدى ەنگىزۋدى» كوزدەيدى. بۇل ۇشىن باسەكەلەستىك ەسەبىنەن قىزمەتتىڭ قول­جەتىمدىلىگى مەن ساپاسىن كوتەرۋ ماقساتىندا الەۋمەتتىك مەديتسي­نالىق ساقتاندىرۋ جاعدايىنداعى باس­تاپقى مەديتسينالىق الەۋمەتتىك كومەكتى قارجىلاندىرۋ «باسەكە ەسەبىنەن مەدي­تسينالىق ۇيىمداردىڭ كورپوراتيۆتىك باسقارۋ قاعيداتتارىنا كوشۋىن قامتا­ماسىز ەتپەك». سونداي-اق مەملەكەتتىك مە­ديتسينالىق ۇيىمداردى جەكەشەلەن­دىرۋدى ىنتالاندىرۋ, ونىڭ ورنىنا مەم­لەكەتتىك ەمەس كلينيكالار ارقىلى تەگىن مەديتسينالىق كومەكتىڭ كەپىلدەن­دىرىلگەن كولەمىن بەرۋدى كەڭەيتۋ جۇزەگە اسىرىلۋدا.
سونىمەن قارجى مينيسترلىگىنىڭ دەرەگىنشە, 2017 جىلى «ۇلتتىق عىلىمي مەديتسينالىق ورتالىق» اق-ى 6 ميلليارد تەڭگەگە وتكىزىلگەن. ول ەكى كەزەڭدى راسىم­دەر ارقىلى كونكۋرس تۇرىندەگى ساۋدا-سات­تىقتا ساتىلدى. بۇل رەتتە جاڭا قوجايىن­عا ور­تالىقتىڭ قىزمەت بەيىنىن جانە كور­­سە­تىلەتىن مەديتسينالىق قىزمەتتەردى كەم دەگەندە 5 جىل ىشىندە ساقتاۋ شارتى قويىلىپ وتىر.
تاعى بىر ىرى نىسان – «قازمەدتەح» اق-ىنىڭ اقىرعى باعاسى 5 ميلليارد 801 ملن تەڭگەنى قۇرادى. ونىڭ قىزمەت بەيىنىن جانە «قازمەدتەح» اق قىزمەتىنىڭ الەۋ­مەتتىك باعىتتىلىعىن, ونىڭ ىشىندە «قار­جى ليزينگىنىڭ بۇرىن جاسالعان شارتتارى بويىنشا ليزينگ سىياقىسى مولشەر­لە­مەسىن ۇلعايتپاۋ», «cەنىمگەرلىك باسقارۋ مەرزىمى كەزىندە دەنساۋلىق ساقتاۋ مەم­لەكەتتىك ۇيىمدارى ۇشىن ليزينگ ۇسىنۋ­دىڭ قولدانىستاعى شارتتارىن ساقتاۋ» تالابى قويىلعان. وسىلايشا, ۇيىم «كەيىننەن ساتىپ الۋ» قۇقىعىمەن ازىرگە 3 جىلعا cەنىمگەرلىك باسقارۋعا بەرىلدى.
اۋ باستا ۇيىم 6,8 ميلليارد تەڭگەگە ساۋداعا قويىلعان بولاتىن. تۇسىندىرە كەتەر جايت, قازاقستاندا اۋرۋحانالار مەن ەم­حانالار ۇشىن دارى-دارمەكتەردى جەتكىزۋگە «سق-فارماتسييا», ال مەدي­تسينالىق تەح­ني­كانى, قۇرال-جابدىقتاردى ساتىپ الۋعا – «قازمەدتەح» جاۋاپ بەرەدى. 2010 جىلى قۇرىلعان كومپانييا مەدتەحنيكانى ساتىپ الىپ, ارى قاراي دەنساۋلىق ساقتاۋ ۇيىم­دارىنا ليزينگ نەگىزىندە بەرەدى.
وتكەن جىلى «اكادەميك ب.جاربو­سىنوۆ اتىنداعى ۋرولوگييا عىلىمي ورتالىعى» اق-ى دا جەكە سەكتورعا كەتتى, ول تەندەر ارقىلى 1 ميلليارد 105 ملن تەڭگەگە ساتىلدى. وعان دا «نەگىزگى قىزمەت بەيىنىن 10 جىل ىشىندە ساقتاۋ شارتى» بەكىتىلگەن.
بۇدان بولەك, «قۇرمەت بەلگىسى» وردەنىنە يە «قازاق كوز اۋرۋلارى عى­لىمي-زەرتتەۋ ينستيتۋتى» اق مەملە­كەتتىك مەكەمە بولۋدان قالدى. ول دا تەندەردە 2 ميلليارد 300 ملن تەڭگەگە ساتىلدى. كوز كلينيكاسى نەگىزگى قىزمەت بەيىنىن 10 جىل ىشىندە ساقتاۋعا مىندەتتى.
«وڭتۇستىك قازاقستان مەملەكەتتىك فارماتسەۆتيكا اكادەميياسى» بۇدان قىم­باتىراققا, 3 ميلليارد 40 ملن تەڭگەگە جەكەشەلەندىرىلدى. اكادەمييا نەگىزگى قىز­مەت بەيىنىن 10 جىل بويى ساقتاۋعا تيىستى.
مينيسترلىكتىڭ حابارلاۋىنشا, جەكەشەلەندىرۋدىڭ 2016-2020 جىلدارعا ارنالعان كەشەندى جوسپارىنىڭ جۇزەگە اسىرىلۋ كەزەڭىندە تۇتاستاي العاندا, رەسپۋبليكالىق مەنشىكتەگى دەنساۋلىق ساقتاۋ سالاسىنداعى 9 وبەكتى 23 ميلليارد 434 ملن تەڭگە سوماسىنا ساتىلعان.

 

ايحان شارىپ

بولىسۋ:

پىكىر جازۋ


*