ەلباسى جاڭاجىلدىق بالعا قاتىستى

1058
0
بولىسۋ:

مەملەكەت باسشىسى نۇرسۇلتان نازارباەۆ ەحرو كونگرەسس ورتالىعىندا وتكەن استاناداعى جاڭاجىلدىق قايىرىمدىلىق بالىنا قاتىستى. بۇل تۋرالى اقوردانىڭ باسپاسوز قىزمەتى حابارلادى.

ەلباسى كەشكە قاتىسۋ­شىلارعا ارناعان سوزىندە جاڭا جىل مەرەكەسى اردايىم كوتەرىڭكى كوڭىل-كۇي مەن با­قىتتى بولاشاققا دەگەن ۇمىت سىيلايتىنىن اتاپ وتتى.
– وتىپ بارا جاتقان جىل جار­قىن جانە اۋقىمدى وقيعا­لارىمەن ەستە قالادى. قىسقى ۋنيۆەرسيادا مەن حالىقارالىق ەحرو – 2017 كورمەسى قازاق­ستان­دىقتارعا جانە شەتەلدىك قوناقتارعا سپورت پەن تەحنولو­گييانىڭ تاماشا مەرەكەسىن تارتۋ ەتتى. بىز يسلام ىنتى­ماق­­تاستىعى ۇيىمىنىڭ سام­مي­تىن جوعارى دەڭگەيدە وتكىز­دىك, – دەدى قازاقستان پرەزيدەنتى.
ەلباسى بۇۇ قاۋىپسىزدىك كەڭەسىندە ەلىمىزدىڭ بەيبىت باس­تامالارىن ىلگەرىلەتۋ ما­سەلە­لەرىنە جانە الداعى جىلى قازاقستاننىڭ وسى حالىقارا­لىق ۇيىمعا توراعالىق ەتۋىنىڭ پەرسپەكتيۆالارىنا ەرەكشە توقتالدى.
– بۇل – الەمنىڭ ەكى جۇزگە جۋىق ەلىنىڭ جاس مەملەكەتكە بىل­دىرگەن ايرىقشا سەنىمى. كە­لەسى جىلى قازاقستاندا الەم­دىك جانە داستۇرلى دىندەر كوش­باسشىلارىنىڭ سەزى, ازييا­داعى وزارا ىقپالداستىق جانە سەنىم شارالارى جونىندەگى كەڭەس, سونداي-اق باسقا دا كوپتەگەن ماڭىزدى ىس-شارالار وتەدى. بۇل جەڭىستەردىڭ بار­لىعى – ارقايسىمىزدىڭ كۇش-جىگەرىمىز بەن قاجىرلى ەڭبەگى­مىزدىڭ ناتيجەسى. اربىر ازاما­تى­مىز قازاقستاننىڭ جەتىس­تىك­تەرىنە قاتىسى بار ەكەنىن سەزىنگەنى ماڭىزدى, – دەدى مەملەكەت باسشىسى.
سوڭىندا نۇرسۇلتان نازارباەۆ كەشكە قاتىسۋشى­لاردى كەلە جاتقان جاڭا 2018 جىلمەن قۇتتىقتاپ, بارشا قازاقستاندىقتارعا زور دەن­ساۋلىق, قۋانىش پەن شاتتىق تىلەدى.
– بارىمىزدىڭ ۇيىمىز مەيىرىم شۋاعىنا بولەنىپ, باق-بەرە­كەگە تولى بولسىن! – دەدى قا­زاقستان پرەزيدەنتى.
جاڭاجىلدىق بالدى وتكى­زۋدەن تۇسكەن قاراجات قايى­رىم­دىلىق ماقساتقا باعىت­تالاتىن بولادى.

بولىسۋ:

پىكىر جازۋ


*