قۋاتتى اسكەر – قۋاتتى قازاقستان

1247
0
بولىسۋ:

ەلباسى نۇرسۇلتان نازارباەۆ قورعانىس مينيسترلىگىنىڭ باسشىلىق قۇرامىمەن كەزدەستى.

كەزدەسۋ بارىسىندا مەملەكەت باسشى­سىنا قازاقستان رەسپۋبليكاسى قارۋلى كۇشتەرىنىڭ ەلىمىزدىڭ قورعانىس قابىلەتىن نىعايتۋ مەن اسكەرىمىزدىڭ جاۋىنگەرلىك دايىندىعىن ارتتىرۋ ماسەلەلەرى بويىن­شا 2017 جىلى اتقارعان جۇمىستارىنىڭ قورىتىندىسى جونىندە باياندالدى.
نۇرسۇلتان نازارباەۆ ارمييامىز قۇ­رىلعاننان بەرگى 25 جىل ىشىندە اۋماقتىق تۇتاستىعىمىزدىڭ, مەملەكەتىمىزدىڭ ەكو­نوميكالىق تۇرعىدان وركەندەۋى مەن بەدەلىنىڭ نىعايا تۇسۋىنىڭ كەپىلىنە اي­نالعانىن اتاپ وتتى.
– بىز بيىل مەملەكەتىمىزدىڭ اسكەري قۇرىلىمىنىڭ باعىتى مەن ونى ارى قاراي دامىتۋدىڭ مىندەتتەرى بەلگىلەنگەن ۇلتتىق قاۋىپسىزدىك ستراتەگيياسىن, اسكەري دوكتري­نانى, قارۋلى كۇشتەردى دا­مىتۋدىڭ تۇ­جىرىمداماسىن بەكىتتىك. وسى قۇجاتتاردى ىسكە اسىرۋ ناتيجەسىندە 2020 جىلعا قاراي قارۋلى كۇشتەرىمىزدىڭ قۋاتى اسكەرىمىزدىڭ جاۋىنگەرلىك الەۋەتىنىڭ ارتۋى ەسەبىنەن بىر جارىم ەسە وسۋگە تيىس. ارناۋلى وپەرا­تسييالار كۇشىنىڭ مۇم­كىندىكتەرى ۇش ەسە ارتاتىن بولادى, – دەدى قازاقستان پرەزيدەنتى.
سونداي-اق مەملەكەت باسشىسى قا­زاق­ستان رەسپۋبليكاسى قارۋلى كۇشتەرى كيبەراسكەرىنىڭ باسقارۋ پۋنكتىن ارالاپ كورىپ, اقپاراتتىق جۇيەلەردىڭ كيبەرقور­عانىسىن قامتاماسىز ەتۋدىڭ قازىرگى مۇمكىندىكتەرىمەن تانىستى.
سوڭىندا نۇرسۇلتان نازارباەۆ ەلى­مىزدىڭ قارۋلى كۇشتەرىن ودان ارى دامىتۋ جونىندە بىرقاتار ناقتى تاپسىرما بەردى.

بولىسۋ:

پىكىر جازۋ


*