ماڭىزدى قاۋلىلاردى قارادى

1009
0
بولىسۋ:

جوعارعى سوت توراعاسى جاقىپ اسانوۆ جوعارعى سوت ورگانىنىڭ كەزەكتى جالپى وتىرىسىن وتكىزدى. ونىڭ جۇمىسىنا جوعارعى سوتتىڭ القا توراعالارى مەن سۋديالارى, عىلىمي-كونسۋلتاتيۆتىك كەڭەس مۇشەلەرى, سونداي-اق كونستيتۋتسييالىق كەڭەستىڭ, باس پروكۋراتۋرانىڭ, ۇلتتىق قاۋىپسىزدىك كوميتەتىنىڭ, ىشكى ىستەر, ادىلەت مينيسترلىكتەرىنىڭ, سىبايلاس جەمقورلىققا قارسى ىس-قيمىل جونىندەگى ۇلتتىق بيۋرونىڭ, سونداي-اق مەملەكەتتىك كىرىستەر كوميتەتىنىڭ وكىلدەرى قاتىستى.

كۇن تارتىبىنە سايكەس, جوعارعى سوت ورگانىنىڭ ەكى نورماتيۆتىك قاۋلىسىنىڭ جوباسى تالقىلاندى. جوعارعى سوت توراعاسى وز سوزىندە جوعارعى سوتتىڭ «قىلمىستىق جازا تاعايىنداۋدىڭ كەيبىر ماسەلەلەرى تۋرالى» 2015 جىلعى 25 ماۋسىمداعى №4 نورماتيۆتىك قاۋلىسىنا وزگەرىستەر مەن تولىقتىرۋلار ەنگىزۋ تۋرالى» نورماتيۆتىك قاۋلىنىڭ جوباسىنا نازار اۋدارتا كەلە, ەنگىزىلەتىن تۇزەتۋلەر قوسىمشا جازا تاعا­يىن­داۋ كەزىندە تۋىندايتىن ماسەلەلەردى شەشۋگە مۇمكىندىك بەرەتىنىن اتاپ وتتى.
جوعارعى سوت سۋدياسى مەيرام جاڭ­عۇتتينوۆ اتالعان جوبانى تانىستىرا كەلە, جوبا قىلمىستىق كودەكستىڭ 48, 49, 50 جانە 55-شى باپتارىن قولدانۋ كەزىندە بىرىڭعاي سوت پراكتيكاسىن قامتاماسىز ەتۋگە باعىت­تالعانىن ايتتى. جوبادا «سوت تالقى­لاۋىنىڭ شەگى ايىپتاۋ اكتىسىندە كور­سە­تىلگەن نەگىزدەمەلەرمەن شەكتەلەتىندىگى», كامەلەتكە تولماعاندارعا تاعايىندالاتىن جازا مەرزىمىن ەسەپتەۋ تارتىبى, مۇلىكتى تاركىلەۋ, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ايىرۋ, ناگرادالاردان, اتاق­تاردان, سىنىپتىق شەننەن, ديپلوما­تييالىق دارەجەدەن نەمەسە بiلiكتiلiك سى­نىبىنان ايىرۋ سەكىلدى قوسىمشا جازا تۇرلەرىن تاعايىنداۋ ماسەلەلەرى رەگلا­مەنتتەلگەن.
جوعارعى سوت سۋدياسى نۇرييا سيسەنوۆا جوعارعى سوتتىڭ «قازاقستان سوتتارىنىڭ ازاماتتىق ىستەر بويىنشا سوت شىعىندارى تۋرالى زاڭداردى قولدانۋى تۋرالى» 2006 جىلعى 25 جەلتوقسانداعى №9 نورماتيۆتىك قاۋلىسىنا وزگەرىستەر مەن تولىقتىرۋلار ەنگىزۋ تۋرالى» نورماتيۆتىك قاۋلىنىڭ جوباسىن تانىستىرا كەلە, ونىڭ وزەكتى­لىگىنە توقتالدى. ونىڭ پىكىرىنشە, نورما­تيۆتىك قاۋلى جاڭادان قابىلدانعان ازاماتتىق پروتسەستىك كودەكستىڭ نورمالا­رىن قولدانۋ بارىسىندا سوتتارعا تالاپ ارىز بەن سوت شىعىس­تارىنىڭ باعاسىنا قاتىستى پراكتيكالىق كومەك كورسەتەدى.
جوعارعى سوت ورگانى سۋديالارىن جو­عارعى سوتتىڭ جالپى وتىرىسى تورالقاسىنا جىبەرۋ ماسەلەسى دە قارالدى. «سوت جۇيەسى جانە سۋديالاردىڭ مارتەبەسى تۋرالى» كونستيتۋتسييالىق زاڭنىڭ نورمالارىنا سايكەس, 2018 جىلدىڭ قاڭتارىندا جوعارعى سوتتىڭ ۇش سۋدياسىنىڭ جالپى وتىرىس تورالقاسىنداعى ەكى جىلدىق وكىلەتتىك مەرزىمى اياقتالادى.
القالىق ورگاننىڭ قاتىسۋشىلارى جالپى وتىرىستىڭ تورالقا قۇرامىنا جوعارعى سوت سۋديالارى گۇلجان الماعام­بەتوۆا, اقىلتاي قاسىموۆ پەن ۇلبوسىن سۇلەيمەنوۆانى قابىلداۋ تۋرالى ج.اسانوۆتىڭ ۇسىنىسىنا داۋىس بەردى.

 ايحان شارىپ

بولىسۋ:

پىكىر جازۋ


*