قۇتتىقتاۋلاردا ەسەپ جوق

1072
0
بولىسۋ:

مەملەكەت باسشىسى نۇرسۇلتان نازارباەۆتىڭ اتىنا قازاقستان رەسپۋبليكاسىنىڭ تاۋەلسىزدىك كۇنىنە وراي شەت مەملەكەتتەردىڭ باسشىلارىنان قۇتتىقتاۋ جەدەلحاتتار كەلىپ تۇستى.

رەسەي فەدەراتسيياسىنىڭ پرەزيدەنتى ۆلاديمير پۋتين وزى­نىڭ قۇتتىقتاۋ جەدەلحاتىندا: «قازاقستان الەمدىك ارەنادا جوعارى بەدەلگە يە بولىپ, حالىقارالىق وزەكتى ماسەلەلەردى شەشۋگە, اسىرەسە, بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە, سونداي-اق استانا پرو­تسەسى اياسىندا ەلەۋلى ۇلەس قوسىپ كەلەدى», — دەپ اتاپ وتكەن.
قىتاي حالىق رەسپۋبليكاسى­نىڭ توراعاسى سي تسزينپين وزى­نىڭ قۇتتىقتاۋ جەدەلحاتىندا: «سىزدىڭ ەلىڭىز تاۋەلسىزدىگىن جا­رييا­لاعاننان كەيىنگى 26 جىل ىشىن­دە ساياسي تۇراقتىلىقتى قامتا­ما­سىز ەتۋدە, ەكونوميكانى دامى­تۋدا, حالىقتىڭ ومىرىن جاق­سارتۋدا جانە مەملەكەتتىڭ حالىقارالىق بەدەلىن كوتەرۋدە زور جەتىستىككە جەتتى. سونداي-اق مەملەكەت قۇرۋ ىسىندە دە ايتار­لىقتاي تابىسقا كەنەلدى», — دەپ اتاپ كورسەتكەن.
امەريكا قۇراما شتاتتارى­نىڭ پرەزيدەنتى دونالد ترامپ قۇتتىقتاۋ حاتىندا: «قازاقستان تاۋەلسىزدىك العاننان بەرگى 26 جىل بويى امەريكا قۇراما شتاتتارى ەلدەرىڭىزدىڭ ەگەمەندىگىن, تاۋەل­سىزدىگىن جانە اۋماقتىق تۇتاستى­عىن مويىنداپ كەلەدى. قازاقستان رەسپۋبليكاسىنىڭ بۇۇ قاۋىپ­سىزدىك كەڭەسىندەگى الداعى توراعا­لىعى مەن ەنەرگەتيكا سالاسىن­داعى ىنتىماقتاستىق ارقىلى ەكى ەل اراسىنداعى ەكونوميكالىق بايلانىستار نىعايا تۇسەدى دەپ ويلايمىز», — دەپ اتاپ وتكەن.
سونداي-اق مەملەكەت باس­شى­سى مەن قازاقستان حالقىن تۇركييا پرەزيدەنتى رەدجەپ تايىپ ەردو­عان, فرانتسييا پرەزيدەنتى ەما­نۋەل ماكرون, وزبەكستان پرەزي­دەنتى شاۆكات ميرزيەەۆ, پولشا پرەزيدەنتى اندجەي دۋدا, بەلگييا كورولى فيليپپ, يسپانييا كورولى VI فەليپە, ساۋد ارابيياسىنىڭ كورولى سالمان بەن ابدەل ازيز ال-ساۋد, ۆەنگرييا پرەزيدەنتى يانوش ادەر, ۇندىستان پرەزيدەنتى رام ناتح كوۆيند, بىرىككەن اراب امىرلىكتەرى پرەزيدەنتى حاليفا بەن زايد ال-ناھايان, پاكىستان پرەزيدەنتى مامنۋن حۋسەين, سلوۆاكييا پرەزيدەنتى اندرەي كيسكا, ۋكراينا پرەزيدەنتى پەتر پوروشەنكو, حورۆاتييا پرە­زيدەنتى كوليندا گرابار-كيتا­روۆيچ, ساۋد ارابيياسى كورول­دىگىنىڭ تاق مۇراگەرى, مينيسترلەر كەڭەسى توراعاسىنىڭ ورىنباسارى, قور­عانىس مينيسترى مۇحاممەد بەن سالمان بەن ابدەل ازيز ال-ساۋد, بىرىككەن اراب امىرلىكتەرى­نىڭ ۆيتسە-پرەزيدەنتى, پرەمەر-مينيسترى, دۋباي امىرلىگىنىڭ بي­لەۋشىسى, شەيح مۇحاممەد بەن را­شيد ال-ماكتۋم, بىرىككەن اراب امىرلىكتەرى قارۋلى كۇشتەرى جوعارعى باس قولباس­شىسىنىڭ ورىنباسارى, شەيح مۇحاممەد بەن زايد ال-ناھايان تاۋەلسىزدىك كۇنى مەرەكەسىمەن قۇتتىقتاپ, باق-بە­رەكە تىلەپ, ەلىمىزدىڭ وسىپ-ور­كەندەۋىنە نيەتتەستىك بىلدىردى.

بولىسۋ:

پىكىر جازۋ


*