تاۋەلسىزدىگىمىزدىڭ باستى قۇندىلىعى – ازاماتتار

1551
0
بولىسۋ:

ەلباسى نۇرسۇلتان نازارباەۆ استاناداعى تاۋەلسىزدىك سارايىندا وتكەن قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى قابىلداۋعا قاتىستى. بۇل تۋرالى اقوردانىڭ باسپاسوز قىزمەتى حابارلادى.

مەملەكەت باسشىسى جيىنعا قاتىسۋ­شىلاردى جا­نە قازاقستان حالقىن ۇلتتىق مەرەكەمىز – تاۋەلسىزدىك كۇنىمەن قۇت­تىقتادى.
– بۇل كۇنى ۋاقىت ولشەمىنە باعىنا قويمايتىن ماق­تانىش, قۋانىش پەن تولقىنىس وزارا ۇيلەسىم تاۋىپ, ەرەكشە سەزىمگە بولەيدى, – دەدى قازاقستان پرەزيدەنتى.
ەلباسى تاۋەلسىزدىك جىلدارىندا قازاقستان جىل­دام وسۋگە قول جەتكىزىپ قانا قويماي, الداعى ۋاقىتتا ورنىقتى دامۋ ۇشىن بەرىك نەگىز قالاعانىن ايتتى.
– بۇعان دەيىن تاريحىمىزدا بولماعان كاسىپكەرلەر شوعىرى قالىپتاستى. 1,2 ميلليوننان استام قازاق­ستاندىق جەكە كاسىبىن جۇرگىزىپ, بارلىق ۇلتتىق كىرىستىڭ تورتتەن بىرىن قامتاماسىز ەتىپ وتىر, – دەدى نۇرسۇلتان نازارباەۆ.
مەملەكەت باسشىسى «نۇرلى جول» باعدارلاماسى كەلەشەكتىڭ ينفراقۇرى­لىمدىق دايىندىعىن قامتا­ماسىز ەتكەن ارى داعدارىسقا قارسى شەشىم بولعانىن اتاپ وتتى.
نۇرسۇلتان نازارباەۆ قازاقستاننىڭ حالىق­ارالىق ارەناداعى جەتىستىكتەرىنە جەكە توقتالدى.
– ەلوردامىزدا ەحرو حالىقارالىق ماماندان­دى­رىلعان كورمەسى وتكىزىلدى. بيىلدىڭ وزىندە قا­زاقستان دۇنيەجۇزىلىك ۋنيۆەرسيادانى, شانحاي ىنتى­ماقتاستىق ۇيىمىنىڭ تاريحي سامميتىن, يسلام ىنتى­ماقتاستىعى ۇيى­مىنىڭ عىلىم جانە تەحنولو­گييالار جونىندەگى بىرىن­شى سامميتىن, سيريياداعى جاعدايدى بەيبىت رەتتەۋگە ارنالعان كەلىس­سوزدەردى وتكىزدى. ال 2018 جىلعى قاڭتار ايىندا ەلىمىز بۇۇ قاۋىپسىزدىك كەڭەسىنە توراعالىق ەتەدى, – دەدى مەملەكەت باسشىسى.
قازاقستان پرەزيدەنتى «100 جاڭا ەسىم» جوباسىنا قاتىسۋشىلارمەن كەزدەسۋ وتكىزگەنىنە توق­تالىپ, تاۋەلسىز­دىگىمىزدىڭ باستى قۇندىلىعى ازاماتتار ەكەنىن اتاپ وتتى.
– بۇلاردىڭ ۇستاناتىن ومىرلىك قاعيداسى – مەم­لە­كەتتەن تالاپ ەتە بەرمەي, وعان وزىنىڭ يدەيالارىن, شىعارماشىلىق ەنەرگيياسىن, قاجىرلى ەڭبەگىن ار­ناۋ. مىنە, بىز قول جەتكىزگەن تابىستىڭ ناعىز شىنايى مانيفەسى – وسى! تاۋەلسىزدىكتىڭ ۇرپاعى – وسىلار, – دەدى نۇرسۇلتان نازارباەۆ.
مەملەكەت باسشىسى وزىق دامىعان 30 ەلدىڭ قاتا­رىنا قوسىلۋ ۇشىن سان جاعىنان وسۋدەن ساپالىق وزگەرىستەرگە كوشۋدىڭ ماڭىزدى تالاپ ەكەنىن ايقىن­داپ بەردى.
– قازاقستاندى قالىپتاسقان مەملەكەت رەتىندە نىعايتىپ, بىز بۇكىلىن قامتيتىن جاڭعىرۋعا, تاۋەلسىز قا­زاق­ستاننىڭ جاڭا تۇرپاتىن جاساۋعا كىرىستىك. سول ۇشىن ساياسي, ەكونوميكالىق جانە رۋحاني جاڭعىرۋ ۇدە­رىسىن باستاپ كەتتىك, – دەدى قازاقستان پرەزيدەنتى.
نۇرسۇلتان نازارباەۆ «رۋحاني جاڭ­عىرۋ» قوعام­دىق سانانى جاڭعىرتۋ باعدارلاماسىن ىسكە اسىرۋ ماسەلەسىنە توقتالدى.
– بيىل ەل بولىپ الاشوردانىڭ 100 جىلدىعىن اتاپ وتتىك. قازاق الىپبيىنىڭ لاتىن گرافيكاسىنا وتۋى جونىندەگى اسا ماڭىزدى شەشىم قابىلدادىق. لاتىن قارپىنە كوشۋدىڭ تەرەڭ تاريحي قيسىنى بار. بۇل – اتا-بابا ارمانىنىڭ ورىندالۋى عانا ەمەس, كەلەر ۇر­پاقتى بولاشاققا باستايتىن جول, – دەدى مەملەكەت باسشىسى.
سوڭىندا پرەزيدەنت قاتىسۋشىلاردىڭ بارىن تاۋەلسىزدىك كۇنىمەن تاعى دا قۇتتىقتاپ, ساياسي تۇراق­تىلىق, قوعام مەن حالقىمىزدىڭ بىرلىگى ۇشىن جۇر­گى­زىلىپ جاتقان ساياساتقا تولىق قولداۋ كورسەتۋ – ەلى­مىز­دىڭ تابىستى بولۋىنىڭ باستى كەپىلى ەكەنىن اتاپ وتتى.

بولىسۋ:

پىكىر جازۋ


*