نيۋ-يوركتەن نۇرتورە جۇسىپ حابارلايدى: قازاقستان – الەم نازارىندا

1388
0
بولىسۋ:

نيۋ-يوركتە مادەنيەت جانە سپورت مينيسترلىگى مەن قازاقستاننىڭ بىرىككەن ۇلتتار ۇيىمىنداعى تۇراقتى وكىلدىگىنىڭ مۇرىندىق بولۋىمەن Photo Fest KZ حالىقارالىق فوتوفەستيۆالى وتتى.

اتالعان شارا ەلىمىزدىڭ تاۋەل­سىزدىك كۇنىنە ورايلاسىپ ۇيىمداس­تىرىلدى. «قازاقستان الەم فوتو­گرافتارىنىڭ كوزىمەن» تاقىرى­بىنداعى فوتوكورمەگە ەلىمىزدىڭ فوتوگرافتارىنان وزگە اقش, فرانتسييا, تۇركييا, يتالييا, رەسەي سىندى ەلدەردىڭ كاسىبي مامان­دارىنىڭ 100-دەن استام جۇمىس­تارى قويىلدى.
اتاپ ايتقاندا, ەلىمىزگە ەتەنە تانىس فوتوگرافتار اسىلحان ابدىرايىم, ەربولات شادراحوۆ, شۇكىر شاحاي, تۇرار قازانعاپ, جەڭىس ىسقاباي, سارسەنبەك قى­زايبەك, ەرلان ومار, ايبەك احانوۆ, ماكسيم روجين, اقادىل رىسماحان, التىنبەك قارتاباي, سابي ماەمەروۆ, ماقسات شاعىر­باەۆتاردىڭ جۇمىستارى بار.
كورمەنى 500-دەن استام ادام تاماشالادى. ونىڭ ىشىندە شەتەل­دىك ديپلوماتييالىق, ەلشىلىك وكىل­دەرى مەن قالا قوناقتارى بار. وسىعان دەيىن EXPO – 2017 حالىقارالىق مامانداندىرىلعان كورمەسى اياسىندا شەتەلدىڭ ۇزدىك فوتوگرافتارى استانادا جينال­عان بولاتىن. ول كەزدەسۋ ما­دەنيەت جانە سپورت مينيسترلىگىنىڭ قولداۋىمەن ۇيىمداستىرىلعان. اتالعان شارا شەڭبەرىندە كاسىبي ماماندار تەك EXPO كورمەسىن تاماشالاپ قانا قويماي, ەلىمىزدىڭ وزگە دە ايماقتارىنا جول تارتقان ەدى. ساپار بارىسىندا كورىكتى جەر­لەردى ەستەلىككە سۋرەتكە تۇسى­رىپ, سونىڭ ناتيجەسىندە «قا­زاق­ستان الەم فوتوگرافتارىنىڭ كو­زى­مەن» اتتى كىتاپ باسىلىپ شىقتى.

بولىسۋ:

پىكىر جازۋ


*