ەلباسى «استانا» كلۋبىن قۇتتىقتادى

مەملەكەت باسشىسى نۇرسۇلتان نازارباەۆ «استانا» فۋتبول كلۋبى كومانداسىنا قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپاسوز قىزمەتى حابارلادى.
ەلباسى جەدەلحاتىندا «استانا» فۋتبول كلۋبىن ەۋروپا ليگاسىنىڭ پلەي-وفف كەزەڭىنە شىعۋىمەن قۇت­تىقتادى.
«سىزدەردىڭ تابىستارىڭىز كو­مان­دانىڭ ويىنىن زور قىزىعۋ­شىلىقپەن ارى ۇمىتپەن باقىلاپ جۇرگەن ميلليونداعان قازاقستان­دىقتارعا قۋانىش سىيلادى.
سىزدەردىڭ جەتىستىكتەرىڭىز قازاق­ستاندا فۋتبولدى جانە سپورت سا­لاسىن ودان ارى دامىتۋعا تىڭ سەرپىن بەرەتىنى سوزسىز. ەلوردامىز استا­نانىڭ 20 جىلدىعى قارساڭىنداعى بۇل جەڭىستىڭ ەرەكشە سيمۆولدىق مانى بار» دەلىنگەن جەدەلحاتتا.
سوڭىندا قازاقستان پرەزيدەنتى كوماندا مۇشەلەرىنىڭ بارىنە زور دەنساۋلىق پەن اماندىق تىلەپ, العا قويعان ماقساتتارىنىڭ ورىندا­لۋىنا نيەتتەستىك بىلدىردى.