ىسكەرلىك ساپارمەن نەمىس بيزنەسمەندەرى كەلدى

1300
0
بولىسۋ:

قازاقستان پرەزيدەنتى نۇرسۇلتان نازارباەۆ گەرمانييا فەدەراتيۆتىك رەسپۋبليكاسىنىڭ ىسكەر توپتار وكىلدەرىمەن كەزدەستى.

كەزدەسۋگە گەرمانييا ەكونوميكاسى شى­عىس كوميتەتىنىڭ توراعاسى ۆولفگانگ بيۋحەلە, «كناۋف» كومپانيياسىنىڭ يەسى نيكولاس كناۋف جانە گەرمانييا فەدەراتيۆتىك رەس­پۋب­ليكاسىنىڭ قازاقستان رەسپۋبليكاسىنداعى ەلشىسى رولف مافاەل قاتىستى.
مەملەكەت باسشىسى استاناعا ىسكەرلىك سا­پار­مەن كەلگەن نەمىس بيزنەسمەندەرىنە تا­بىس تىلەدى.
– استاناعا قوش كەلدىڭىزدەر. سىزدەردىڭ دە­لەگاتسييالارىڭىز مىقتى قۇراممەن كەلىپتى. سىز­­دەر ۇكىمەتتە كەزدەسۋلەر وتكىزىپ, قا­زاق­ستان­نىڭ بيزنەسمەندەرىمەن دە جولىعاسىزدار. بۇل كەزدەسۋدىڭ جەمىستى بولاتىنىنا سە­نىم­دىمىن, – دەدى نۇرسۇلتان نازارباەۆ.
قازاقستان پرەزيدەنتى بيىلعى قازان ايىن­دا سوچي قالاسىندا گەرمانييا فەدەرا­تيۆ­تىك رەسپۋبليكاسى ىسكەر توپتار وكىلدەرى­مەن وتكىزگەن كەزدەسۋىنىڭ ناتيجەلى بولعانىن اتاپ وتتى.
سونداي-اق مەملەكەت باسشىسى قازاق­ستان­دا جۇمىس ىستەپ جاتقان نەمىس كومپا­نييا­لارىنىڭ كوپ ەكەنىن ايتىپ, ەكى ەلدىڭ ىسكەر توپ­تارى اراسىنداعى ىنتىماقتاستىقتى نى­عايتۋدىڭ ماڭىزدىلىعىنا نازار اۋداردى.
گەرمانييا ەكونوميكاسى شىعىس كومي­تە­تىنىڭ توراعاسى ۆولفگانگ بيۋحەلە كەزدەسۋگە مۇم­كىندىك تۋعىزعانى ۇشىن نۇرسۇلتان نازارباەۆ­قا العىس ايتىپ, سوچي قالاسىنداعى كە­لىسسوزدەر بارىسىندا قول جەتكىزىلگەن ۋاع­دالاستىقتارعا توقتالدى.
– قازاقستان مەن گەرمانييا اراسىندا قار­قىندى ەكونوميكالىق قارىم-قاتىناس ور­نادى. ونىڭ دامۋى 2017 جىلى وڭ ناتيجە كور­سەتىپ وتىر. بۇل رەتتە گەرمانيياعا قا­زاق­ستان­نان كەلەتىن يمپورتتىڭ كولەمى ارتا تۇس­كەنىن اتاپ وتكەن جون, – دەدى ۆ.بيۋحەلە.

بولىسۋ:

پىكىر جازۋ


*