ەلباسى قىرعىز پرەزيدەنتىمەن كەزدەستى

1442
0
بولىسۋ:

بەلارۋس ەلىنە جاساعان رەسمي ساپار اياسىندا قازاقستان پرەزيدەنتى نۇرسۇلتان نازارباەۆ قىرعىزستان پرەزيدەنتى سوورونباي جەەنبەكوۆپەن ەكىجاقتى كەزدەسۋ وتكىزدى. 

– بىرىنشىدەن, شىن جۇرەكتەن سوورونباي شارىپۇلىن سايلاۋ­داعى جەڭىسىمەن قۇتتىقتايمىن. الىستا جۇرسەك تە, بىز وسىندا كەزدەستىك. ەكىنشىدەن, بىز ەكى ەل اراسىنداعى تۋىسقاندىق, باۋىرلىق قارىم-قاتىناستاردى قالپىنا كەلتىرەمىز دەپ كەلىسىمگە كەلدىك. مۇنى ەكى ەل دە قالايدى. شەكاراداعى جاعدايدىڭ نەدەن شىققانىن بىلەمىز. جاعداي رەتكە كەلەدى, – دەدى نۇرسۇلتان نازارباەۆ.
مەملەكەت باسشىسى جۋىق ارادا قازاقستانعا قىرعىز­ستاننان ارنايى دەلەگاتسييا كەلىپ, قازاقستان ۇكىمەتىمەن بىرلەسە وتىرىپ جول كارتاسى بويىنشا ەكى مەملەكەت ارا­سىندا تۋىنداعان داۋلى ماسە­لەلەردى شەشۋگە كىرىسەتىنىن جەتكىزدى. سونىمەن قاتار قازاقستان پرەزيدەنتى مەم­لە­كەت­تەر ارا­سىنداعى داۋ-دا­مايعا نۇكتە قويۋ ۇشىن سوورونباي جەەن­بەكوۆ­تى ەلىمىزگە رەسمي ساپارمەن كەلۋگە شاقىرعانىن دا ايتتى. كەز­دەسۋگە قاتىستى قىرعىزستان پرەزيدەنتى دە پىكىرىن بىلدىردى.
– بىز تۋىنداعان ماسەلەلەردى تالقىلاپ, شەشىم قابىلدادىق. ەكى ەل ۇكىمەتى جول كارتاسىن دايىندايدى. وسىدان سوڭ كوپ ساۋال شەشىمىن تابادى دەپ وتىرمىز. شەكاراعا قازاقستان جاعىنان دا, قىرعىزستان جاعى­نان جانە ەاەو تاراپىنان دا باقىلاۋ قويىلادى. بىزگە شەكارا اشۋىن وتىندىم. جاۋاپ­كەرشىلىكتى وز موينىما الدىم. راقمەت, نۇرسۇلتان ابىشۇلى, – دەدى سوورونباي جەەنبەكوۆ.
كەزدەسۋ سوڭىندا مەملەكەت باسشىسى ەلدەرىمىزدىڭ قارىم-قاتىناسى تاتۋ كورشىلىك سيپاتتا ەكەنىن اتاپ وتىپ, تۋىنداعان بارلىق ماسەلەنى سىندارلى جولمەن شەشۋگە نيەتتى ەكەنىن بىلدىردى. ەكىجاقتى كەزدەسۋ وتكىزۋگە قىرعىزستان تاراپى وتىنىش بىلدىرگەن.

ا. قازبەكۇلى

بولىسۋ:

پىكىر جازۋ


*