مەموراندۋمعا قول قويدى

1304
0
بولىسۋ:

قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى د.مىڭباي, ماجىلىستەگى قحا-نىڭ دەپۋتاتتىق توبىنىڭ جەتەكشىسى س.ابدراحمانوۆ جانە اسسامبلەيانىڭ باسقا دا مۇشەلەرىنەن قۇرالعان دەلەگاتسييا رەسمي ساپارمەن رەسەي استاناسى ماسكەۋدە بولدى. ىسساپار شەڭبەرىندە قازاقستان حالقى اسسامبلەياسى مەن رەسەيدىڭ ۇلتتار ىسى جونىندەگى فەدەرالدىق اگەنتتىگىنىڭ اراسىندا ىنتىماقتاستىق تۋرالى مەموراندۋمعا قول قويىلدى.
مەموراندۋمدا ەتنوسارالىق قاتىناستار سالاسىندا مەملەكەتتىك ساياساتتى ىسكە اسىرۋ, ناسىلگە, ۇلتقا, تىلگە جانە دىنگە نەگىزدەلگەن كەم­سىتۋشىلىكتىڭ بارلىق نىساندارىنىڭ الدىن الۋ, بىرلەسكەن الەۋمەتتىك-مادەني ىس-شارالار, عىلىمي كون­فەرەنتسييالار مەن سەمينارلار وتكىزۋ, عىلىمي ەڭبەكتەردى, بىرلەسكەن زەرت­تەۋلەردى شىعارۋ جانە تاعى باسقا وزىق تاجىريبەلەرمەن الماسۋ ماسەلەلەرى قاراستىرىلعان.
قول قويۋ راسىمى بارىسىندا قازاقستان حالقى اسسامبلەياسى توراعاسىنىڭ ورىنباسارى د.مىڭباي بەيبىتشىلىك پەن كەلىسىمنىڭ قازاقستاندىق مودەلىنىڭ نەگىز قۇراۋشى قاعيداتتارىنا, قازاقستاندا باسەكەگە قابىلەتتى جانە قازىرگى زامانعى ۇلتتى قالىپتاستىرۋعا باعىتتالعان قوعامدىق سانانى جاڭعىرتۋ باع­دارلاماسىنىڭ ىسكە اسىرىلۋىنا جەكە توقتالدى.
وز كەزەگىندە رەسەي ۇلتتار ىستەرى جونىندەگى فەدەرالدىق اگەنتتىگىنىڭ باسشىسى ي.بارينوۆ رەسەيدە ەتنوسارالىق قاتىناستاردى ۇيلەستىرۋ بويىنشا جۇرگىزىلىپ جاتقان جۇمىس تۋرالى ايتا كەلىپ, تاراپتاردىڭ سەرىكتەستىك قاعيداتتارىندا قوعامدىق-ساياسي, مادەني-اعارتۋ, عىلىمي جانە اقپاراتتىق سالالاردا وزارا ىس-قيمىلىن ۇيىمداستىرۋ – مەموراندۋم­نىڭ مانى.
سونداي-اق قحا وكىلدەرى بىرقاتار كەزدەسۋلەر وتكىزدى. رەسەي مەملەكەتتىك جانە قوعام قايراتكەرى ر.اۋشەۆپەن كەزدەسۋ بارىسىندا د.مىڭباي ونى «رۋحاني جاڭعىرۋ» باعدارلاماسىنىڭ «تۋعان جەر» جوباسىن ىسكە اسىرۋدىڭ نەگىزگى باعىتتارى تۋرالى حاباردار ەتىپ, بۇل جاي قازاقستاندا تۋىپ-وسكەن
ر.اۋشەۆتىڭ قىزىعۋشىلىعىن وياتتى.
ساپار سوڭىندا دەلەگاتسييا «ەتنوالەم» ەتنوگرافييالىق پاركىنىڭ جۇمىسىمەن تانىسىپ, رەسەيلىك ارىپ­تەستەردى قازاقستان حالقى اسسامبلەيا­سىنىڭ كەزەكتى سەسسيياسىنا قاتىسۋعا شاقىردى.

ەرشاي ازىرەت

بولىسۋ:

پىكىر جازۋ


*