جاڭا باعدار – تىڭ نارىق

740
0
بولىسۋ:

جۋىردا «قازاقستان تەمىرجولى» ۇك» اق «باكۋ – تبيليسي – كارس» باعدارىن جالعايتىن قازاقستاندىق پويىز مەرسينگە جەتتى دەگەن قۋانىشتى حابار ايتقان بولاتىن. بۇل تەمىرجول جەلىسى ورتالىق ازييا ارقىلى قىتاي مەن ەۋروپا اراسىندا, سونىمەن قاتار يران, پارسى شىعاناعى ەلدەرىنە, پاكىستانعا جانە ۇندىستانعا تۇراقتى تاۋار تاسىمالداۋعا مۇمكىندىك بەرەدى.

اتالعان جوبانىڭ قىزىلوردا وبلىسى ۇشىن وراسان زور پايداسى بولماق. ويتكەنى سىر وڭىرىنىڭ ونىمدەرى جوعارىدا اتالعان ەلدەرگە ەكسپورتتالۋدا. قازىر اۋىل شارۋاشى­لىعى ونىمدەرىن ساتۋ نارىعىن كەڭەي­تۋ بويىنشا جۇمىستار اتقارىلۋدا. تارقاتىپ ايتار بولساق, قىتايعا جىلىنا 5 مىڭ توننا, تۇركيياعا جىلى­نا 1 مىڭ توننا جانە يرانعا جىلىنا 8 مىڭ توننا كۇرىش جىبەرۋ بويىنشا كەلىسسوزدەر جۇرگىزىلگەن. كوپ جىلداردان بەرى قوردالانىپ كەلگەن باقشالىق داقىلدار ەكسپورتى دا قولعا الىندى.
ۇكىمەتتىڭ قولداۋىمەن وبلىستىڭ بۋفەرلىك ايماقتان شىعۋى مالدى ەكسپورتتاۋعا مۇمكىندىك بەردى. بۇگىن­دە توقتى-تورىمنىڭ العاشقى پار­تييا­­سى يرانعا جونەلتىلدى. جىل اياعى­نا دەيىن اتالعان ەلگە 10 مىڭ باس قوي ەكسپورتتالادى دەپ كۇتىلۋدە. بولا­شاقتا ەكسپورتقا ەت جانە ەت ونىم­دەرىن شىعارۋ كوزدەلىپ وتىر.
ايماقتىڭ اۋىل شارۋاشىلىعى سالاسىنىڭ ەكسپورتتىق الەۋەتىنە «باكۋ – تبيليسي – كارس» باعدارى تىڭ سەرپىن بەرەرى سوزسىز. ماماندار بۇل – باعداردىڭ جىلدىق الەۋەتى 10 ميل­ليون توننا جۇك تاسىمالداۋعا جەتەدى دەپ بولجاپ وتىر. ولاي بولسا, جاڭا جوبا ايماق الەۋەتىن ارتتىرا تۇسۋگە سەپتىگىن تيگىزەرى انىق.

نۇرالي ساعات,
قىزىلوردا وبلىسى

 

بولىسۋ:

پىكىر جازۋ


*