ەلشىلەردى قابىلدادى

829
0
بولىسۋ:

سەنات توراعاسى قاسىم-جومارت توقاەۆ پولشانىڭ قازاقستانداعى ەلشىسى سەليم حازبيەۆيچتى ونىڭ وتىنىشى بويىنشا قابىلدادى. پارلامەنتتىڭ جوعارعى پالاتاسىنىڭ باسشىسى پولشا قازاقستاننىڭ ەۋروپالىق وداقتاعى ماڭىزدى ارىپتەستەرىنىڭ بىرى ەكەنىن اتاپ وتتى.

قاسىم-جومارت كەمەلۇلى پار­لا­مەن­تا­را­لىق ۇنقاتىسۋعا قارقىن بەرۋ جانە ەكى­جاق­تى وزارا ىس-قيمىل­دى ورىستەتۋ جايىنا توق­تالدى. «پار­لامەنت سەناتى ەكى ەل ارا­سىن­دا­عى ەكونوميكالىق ىنتى­ما­ق­تاس­تىق­تى دا­مىتۋعا جاردەمدەسۋگە ازىر», – دەدى ول.
ق.توقاەۆ مەملەكەت باسشىسى ن.نازارباەۆ­تىڭ 2016 جىلى پول­شا­عا بارعان ساپارى ناتيجەلى بول­عانىن, ساپار با­رىسىندا جالپى سو­ماسى 845 ميلليون دول­لاردى قۇ­راي­تىن كەلىسىمدەر مەن ينۆەس­تي­تسييالىق جوبالارعا قول قويىلعانىن اتاپ وتە كەلىپ, EXPO – 2017 حا­لىق­ارالىق كور­­­مەسى اياسىنداعى پول­شانىڭ ۇلتتىق كۇن­دەرىنە قا­تىس­قا­نى ۇشىن پرەزيدەنت ا.دۋدا باس­­­تاعان پولشا باسشىلىعىنا ال­­عىس بىل­دىردى.
جۇزدەسۋدە دىنارالىق ىن­تى­ماق­تاستىقتى دا­مىتۋ ماسەلەلەرى دە تال­قىلاندى. س.حاز­بيە­ۆيچ الەمدىك جانە داستۇرلى دىندەر لي­دەرلەرىنىڭ سەزد حاتشىلىعىنىڭ باسشىسى بو­لىپ تابىلاتىن سەنات توراعاسىنا پو­­لشادا 10 جىلدان بەرى جۇمىس ىس­تەپ كەلە جات­قان كاتوليكتەر مەن مۇسىلماندار كەڭە­سىمەن وزارا ىس-قي­مىل مۇمكىندىگىن قاراس­تىرۋ­دى ۇسىن­دى. وز كەزەگىندە ق.توقاەۆ ال­داعى جىلى قازاندا استانادا وتەتىن كە­زەكتى سەزگە دايىندىق اياسىنداعى ىن­تى­ماقتاستىققا شاقىردى: «بىز ۇنقاتىسۋدىڭ كەز كەلگەن تۇرىن جاق­تايمىز», – دەدى ول.
سول كۇنى ق.توقاەۆ ىلتيپات بىل­دىرىپ كەل­گەن فرانتسۋز رەسپۋبليكا­سى­نىڭ قازاق­ستانداعى ەلشىسى في­ليپپ مارتينەنى دە قابىلدادى جانە وعان ىزگىلىكتى ىستە تابىستى بولۋىنا تى­لەكتەستىگىن بىلدىردى: ەلشى مىرزا بيى­ل­عى قازان ايىندا وسى لاۋا­زى­مىنا تا­عايىندالعان بولاتىن. سە­نات توراعاسىنىڭ ايتۋىنشا, قا­زاق­ستان ىرى جانە ماڭىزدى حالىقارالىق فورۋمدار وتەتىن ورىن رەتىندە ديپ­لو­ماتتارعا زور ىقىلاس تانىتادى.
ەكىجاقتى قاتىناستاردىڭ جوعا­رى دەڭ­گەيىن اتاپ وتكەن ق.توقاەۆ فرانتسۋز پار­لا­مەنتشىلەرىن استا­نا­عا ساپارلاپ كەلۋگە شا­قىردى: «باي­لانىستار كوپ ارى جيى بولعان سايىن ەلدەرىمىز اراسىنداعى ىن­تى­ماق­تاستىق تا ناتيجەلى بولا تۇسەدى», – دەدى ول.
سەنات باسشىسى بۇۇ رەسمي تىل­دەرى­نىڭ بىرى رەتىندەگى ماڭىزىن اتاپ وتە كەلىپ, قا­زاقستاندا فرانتسۋز تىلى­نىڭ كەڭىنەن قانات جايۋىنا جار­دەمدەسۋ تۋرالى نيەتىنە قولداۋ بىل­دىردى. ونىڭ ايتۋىنشا, دوستىق پەن ىن­تىماقتاستىقتى نىعايتۋ فران­تسييانىڭ ما­دەني قۇندىلىقتارىن ىلگەرىلەتۋگە, گۋ­ما­نيتارلىق باي­لا­نىستاردى تەرەڭدەتۋگە ىق­پال ەتەر ەدى. مۇنى ەستىگەن فرانتسييا ەل­شىسى قا­زاقستان باسشىلىعىنىڭ وسى كوز­قا­راسى ۇشىن العىس ايتتى جانە وز ەلىن­دە قا­زاق ستۋدەنتتەرىنىڭ ۇكىمەت پەن جەكە سەك­توردان بولىنەتىن گرانت­تار مەن ستيپەنديياعا وقۋ مۇمكىندىگىن الاتىنىن اتاپ وتتى.
ف.مارتينە ەكى ەل اراسىنداعى ستراتە­گييا­لىق ارىپتەستىكتى نىعايتۋعا جار­دەمدە­سەتىن فرانتسييا مەن ورتا­لىق ازييا اراسىندا جاڭا سيپاتتاعى ىنتىماقتاستىق ازىرلەنىپ جات­قانى تۋرالى سەنات توراعاسىن حاباردار ەتتى.

ايحان شارىپ

بولىسۋ:

پىكىر جازۋ


*