جەمقورلىققا جەڭىلدىك جاسالمايدى

1200
0
بولىسۋ:

ەلباسى نۇرسۇلتان نازارباەۆ مەملەكەتتىك قىزمەت ىستەرى جانە سىبايلاس جەمقورلىققا قارسى ىس-قيمىل اگەنتتىگىنىڭ توراعاسى قايرات قوجامجاروۆتى قابىلدادى. بۇل تۋرالى اقوردانىڭ باسپاسوز قىزمەتى حابارلادى.

كەزدەسۋدە قايرات قوجامجاروۆ مەملەكەت باسشىسىنا اگەنتتىكتىڭ بيىلعى 10 ايدا اتقارعان قىزمەتىنىڭ ناتيجەلەرى جونىندە باياندادى.
نۇرسۇلتان نازارباەۆ قوعامدا سىبايلاس جەمقورلىققا توزبەۋشىلىكتى قالىپتاستىرۋدىڭ ماڭىزدىلىعىن اتاپ وتتى.
– سىبايلاس جەمقورلىققا قارسى ىس-قيمىل تۋرالى زاڭدى قابىلداعان كەزدە كىمدە-كىم سىبايلاس جەمقورلىق قىلمىسىن جاساسا, ەشكىمگە دە جەڭىلدىك جاسالماي­تىنىن جانە جازادان قۇتىلمايتىنىن ەسكەرتكەن بولاتىنمىن. سوڭعى جىلدارى بۇل باعىتتا كوپ جۇمىس اتقارىلدى, – دەدى قازاقستان پرەزيدەنتى.
ەلباسى بيۋدجەت قارجىسىن تيىمدى ارى اشىق پايدالانۋ قاجەتتىگىن ايتتى.
ق.قوجامجاروۆ مەملەكەت باسشىسىنا سىبايلاس جەمقورلىققا قارسى ساياساتتى جۇرگىزۋ بارىسىندا قابىلدانىپ جاتقان شارالار جونىندە مالىمدەپ, ونىڭ ىسكە اسىرىلۋىنا, حالىقارالىق ساراپشىلار قاۋىمداستىعى تاراپىنان جوعارى باعا بەرىلگەنىنە نازار اۋداردى.
– سوڭعى 10 ايدا 3 400 قىلمىستىق ىس قوزعالىپ, ونىڭ بىر مىڭى سوتقا بەرىلدى. 15 ميلليارد تەڭگە كولەمىندە كەل­تىرىلگەن شىعىننىڭ 11 ميللياردى مەملەكەتكە قايتارىلدى. قۇنى 7 ميلليارد تەڭگەدەن اساتىن مۇلىككە تىيىم سالىندى, – دەدى اگەنتتىك توراعاسى.
كەزدەسۋ سوڭىندا نۇرسۇلتان نازارباەۆ بىرقاتار ناقتى تاپسىرما بەردى.

بولىسۋ:

پىكىر جازۋ


*