جوبا جەمىسىن بەرە باستادى

969
0
بولىسۋ:

قازاقستان پرەزيدەنتى نۇرسۇلتان نازارباەۆ Royal Dutch Shell كونتسەرنىنىڭ باس اتقارۋشى ديرەكتورى بەن ۆان بەردەنمەن كەزدەستى.

كەزدەسۋ بارىسىندا تاراپتار ەلىمىزدىڭ مۇناي-گاز سەكتو­رىنداعى قازىرگى احۋال مەن ىنتىماقتاستىق پەرسپەك­تيۆا­لارىن, سونىڭ ىشىندە قارا­شىعاناق پەن قاشاعان جوبا­لارىن ودان ارى دامىتۋ ماسەلە­لەرىن تالقىلادى.
مەملەكەت باسشىسى Royal Dutch Shell كونتسەرنى حالىقارا­لىق EXPO – 2017 مامانداندى­رىلعان كورمەسىن ۇيىمداستىرۋعا بەلسەندى اتسالىسقانىن ايتىپ, كومپانييا باسشىلىعىنا ريزا­شىلىق بىل­دىردى.
بەن ۆان بەردەن نۇرسۇلتان نازارباەۆقا كەزدەسۋگە مۇم­كىندىك تۋعىزعانى ۇشىن العىس ايتىپ, قا­زاقستان جۇرتشى­لىعىن حا­لىقارا­لىق كورمەنىڭ تابىستى وتۋىمەن قۇتتىقتادى.
– سىزدى EXPO كورمەسىنىڭ تابىستى وتۋىمەن قۇتتىقتايمىن. كورمەدەگى ەڭ تارتىمدى پا­ۆيلون – «نۇر الەم» سفەرا­سىندا بولدىم. ودان العان اسەرىم دە كەرەمەت, – دەدى كون­تسەرننىڭ باس اتقا­رۋشى ديرەك­تورى.
بەن ۆان بەردەن بيىلعى 18 قا­راشادا اتالعان كەن ورىن­دارىنا قاتىستى ونىمدى بولۋ تۋرالى كەلى­سىمگە قول قويىل­عا­نىنا 20 جىل تولاتىنىن ايتىپ, ولاردى ىسكە اسىرۋدا قازاقستان پرەزيدەنتىنىڭ ەرەكشە رول اتقارعانىن اتاپ وتتى.
– بۇل جوبالار وتە جاقسى جانە تيىمدى بولىپ شىقتى. بار­لىق شىعىندار دەر كەزىندە وتەلدى, ەندى تابىس تابۋ ۇشىن جۇمىس ات­قارىلۋدا, – دەدى مەم­لەكەت باس­شىسى.

بولىسۋ:

پىكىر جازۋ


*