ار سالادا بىرلەسكەن جۇمىسقا شاقىردى

1079
0
بولىسۋ:

سەنات توراعاسى قاسىم-جومارت توقاەۆ سەربييا حالىقتىق سكۋپششيناسىنىڭ توراعاسى ماييا گويكوۆيچپەن كەلىسسوز جۇرگىزدى. وندا تاراپتار ەكىجاقتى نەگىزدەگى جانە حالىقارالىق ۇيىمدارداعى پارلامەنتارالىق بايلانىستاردى, سونداي-اق ساياسات, ساۋدا-ەكونوميكالىق, كولىك جانە يندۋسترييا-يننوۆاتسييا سالاسىنداعى ىنتىماقتاستىق ماسەلەلەرىن تالقىلادى.

قاسىم-جومارت كەمەلۇلى قازاقستان مەن سەربييانىڭ ارا­سىن­داعى ىنتىماقتاستىقتى دامى­تۋداعى مەملەكەت باسشىلا­رىنىڭ كەزدەسۋلەرى مەن كەلىسسوز­دەرىنىڭ شەشۋشى ماڭىزىن اتاپ وتتى. جۇزدەسۋشىلەر ەكىجاقتى كەشەندى بايلانىستاردى نىعايتۋ ۇشىن پارلامەنتارالىق وزارا ىس-قي­مىلدىڭ ەرەكشە ماڭىزىنا قا­تىستى ورتاق پىكىرگە كەلدى. دەپۋ­تاتتىق دوستىق توپتارىنىڭ جەلىسى بويىنشا پارلامەنتارالىق باي­لانىستاردى ورىستەتۋ تۋرالى ۋاعدالاستىققا قول جەتكىزىلدى.
ق.توقاەۆ استاناعا العاش رەت قادام باسقان م.گويكوۆيچتى قازاقستاندا مەملەكەت باسشى­سىنىڭ باستاماسى بويىنشا جۇزەگە اسقان ەكونوميكالىق جانە ساياسي رەفورمالاردىڭ بارىسى تۋرالى حاباردار ەتتى.
– رەفورمالار – بىزدىڭ پرەزي­دەنت ن.نازارباەۆتىڭ بەرىك ۇستا­نىمى, ول ىس جۇزىندە الەمدىك اۋ­قىم­داعى كورنەكتى رەفورماتور بولىپ سانالادى, – دەدى سەنات توراعاسى.
ەلىمىزدىڭ ينۆەستيتسييالىق زاڭ­ناماسى جانە ەكونوميكالىق جوس­پارلارىمەن جۇزدەسۋشىنى تانىس­تىرا كەلىپ, ق.توقاەۆ سەربتىڭ بيز­نەس وكىلدەرىن قازاقستانداعى جوبالار بويىنشا بىرلەسە جۇمىس ىستەۋگە شاقىردى. سەنات باسشى­سىنىڭ پىكىرىنشە, اۋىل شارۋا­شىلىعى, قۇرىلىس, تۋريزم جانە كولىك-لوگيستيكا سالالارىنداعى ىنتى­ماقتاستىق ەكى جاقتىڭ دا ىقىلاسىن تۋعىزاتىن بولادى.
تاراپتار تالقىلانعان ماسە­لەلەر بويىنشا كوزقاراس­تاردىڭ ۇقساستىعىنا توقتالا كەلىپ, حالىق­ارالىق سالادا بىر-بىرىنە قولداۋ بىلدىرۋدى جالعاستىرۋ جايىندا ايتتى.

دايىنداعان ايحان شارىپ

بولىسۋ:

پىكىر جازۋ


*