بۇۇ-داعى سالتاناتتى ەلباسى اشادى

951
0
بولىسۋ:

سەنات توراعاسى قاسىم-جومارت توقاەۆ بۇۇ باس حاتشىسىنىڭ ارناۋلى وكىلى, بۇۇ ورتالىق ازيياعا ارنالعان پريۆەنتيۆتىك ديپلوماتييا جونىندەگى ايماقتىق ورتالىعىنىڭ (واپداو) باسشىسى ناتاليا گەرماندى قابىلدادى.

مارتەبەلى مەيماندى وسى جاۋاپتى لاۋازىمعا تاعايىندالۋىمەن قۇتتىقتاعان سەنات توراعاسى اتالعان ورتالىقتىڭ پرەزيدەنت ن.نازارباەۆتىڭ باستاماسى بويىنشا قۇرىلعانىن, بۇۇ واپداو شتاب-پاتەرى بەيتاراپ تۇركىمەنستاننىڭ استاناسىندا ورنالاسقانىن, ول وسى حالىقارالىق ۇيىمنىڭ ناتيجەلى قىزمەتى ۇشىن كوپتەگەن ىس اتقارعانىن اتاپ وتتى.
جۇزدەسۋشىلەر كوپتەگەن ادام قۇربان بولاتىن جانە ماتەريالدىق شىعىن اكەلەتىن قاقتىعىستار مەن سوعىستاردى بولدىرماۋدا تيىمدى قۇرال رەتىندە الدىن الۋشى, ياعني پريۆەنتيۆتىك ديپلوماتييا­نىڭ ماڭىزى ارتا تۇسكەنى تۋرالى ورتاق پىكىر بىلدىردى. ق.توقاەۆ بۇۇ باس حاتشىسى­نىڭ وسى باعىتتاعى كۇش-جىگەرىن قازاق­ستان­نىڭ قولدايتىنىن ايتتى.
تاراپتار ورتالىق ازيياداعى بارلىق وزەكتى ماسەلەلەردى شەشۋدە, اتاپ ايت­قان­دا, سۋ توڭىرەگىندەگى جانە اۋعان­ستانعا كومەك­تەسۋدەگى بىرلەسكەن ىس-قيمىلدىڭ كەلەشەگىن تالقىلادى.
قاسىم-جومارت كەمەلۇلى بۇۇ ايماقتىق ورتالىعىنىڭ كۇن تارتىبىن جانە بۇۇ ورتالىق ازيياعا ارنالعان پري­ۆەن­تيۆتىك ديپلوماتييا جونىندەگى ايماق­تىق ورتا­­لىعىنىڭ 2018-2020 جىلدارعا ارنال­عان ىس-قيمىل باعدارلاماسىن ىسكە اسىرۋ جو­نىندەگى كۇش-جىگەردى قازاقستان قول­داي­تىنىن اتاپ وتتى. سەنات باسشىسى ايماقتىق قاۋىپسىزدىك پەن تۇراقتىلىقتى قامتاماسىز ەتۋ, ورتالىق ازيياداعى ەكو­نو­ميكالىق ىنتىماقتاستىقتى دامى­تۋ قازاقستاننىڭ بۇۇ قاۋىپسىزدىك كەڭەسىن­دەگى جۇمىسىنىڭ باسىمدىقتارى ەكەنىن اتاپ وتتى.
بۇۇ قاۋىپسىزدىك كەڭەسىنە قازاق­ستان­نىڭ الداعى ۋاقىتتاعى توراعالىق ەتۋى اياسىن­دا 2018 جىلى قاڭتاردا وتكىزىلۋى كوز­دە­لىپ وتىرعان جوعارى دەڭگەيدەگى پىكىر­سايىس اۋعانستانداعى احۋالدى رەتتەۋ جول­دارىن ىزدەستىرۋگە ارنالادى. سەنات تورا­عاسى قازاقستاننىڭ بۇۇ قاۋىپسىزدىك كەڭە­سىنە توراعالىق ەتۋ سالتاناتىن مەم­لەكەت باسشىسى اشاتىنىن حابار­لادى.
ق.توقاەۆ جاھاندىق قاۋىپسىزدىككە ىقپال ەتەتىن كەزدەسۋلەر مەن كەلىسسوزدەر وتىپ جۇرگەن استانانىڭ حالىقارالىق بەدەلدى ورتالىق رەتىندەگى ماڭىزىن دا اتاپ وتتى. سيريياىشىلىك كەلىسسوزدەردىڭ ناتيجەسى وعان دالەل بولىپ وتىر.
ن.گەرمان بۇۇ ورتالىق ازيياعا ارنال­عان پريۆەنتيۆتىك ديپلوماتييا جونىندەگى ايماقتىق ورتالىعىنىڭ وڭىردەگى قىزمە­تىن قولداۋعا قوسقان زور ۇلەسىنە وراي قازاق­ستانعا العىس ايتىپ, ايماقتىق جانە جاھاندىق ىنتىماقتاستىقتى نىعايتۋعا باعىتتالعان استانانىڭ حالىق­ارالىق باستا­مالارىنا جوعارى باعا بەردى.
ەرىك ەردەنوۆ

بولىسۋ:

پىكىر جازۋ


*