ۇزدىك ەڭبەككەرلەر ماراپاتتالدى

772
0
بولىسۋ:

مەملەكەتتىك حاتشى گۇلشارا ابدى­قالىقوۆا ەلوردادا وتكەن «جالپىعا ورتاق ەڭبەك قوعامىنا قاراي» اتتى رەسپۋبليكالىق فورۋمعا قاتىستى. جيىنعا سونداي-اق پارلامەنت دەپۋتاتتارى, پرەزيدەنت اكىمشىلىگىنىڭ, ۇكىمەتتىڭ, ورتالىق جانە جەرگىلىكتى اتقارۋشى ورگانداردىڭ, حالىقارالىق ۇيىمداردىڭ, بيزنەس قوعامداستىقتىڭ, كاسىپوداقتاردىڭ وكىلدەرى جانە قالىڭ جۇرتشىلىق شاقىرىلدى.

فورۋمدى اشقان گۇلشارا ابدىقالىقوۆا مەم­لەكەت باسشىسى «بولاشاققا باعدار: رۋ­حاني جاڭعىرۋ» اتتى باعدارلامالىق ما­قا­لا­سىندا «قازىرگى تاڭدا تەك جەكە ادام ەمەس, تۇ­­تاس حالىق باسەكەلىك قابىلەتىن ارتتىرسا عا­نا تابىسقا جەتۋگە مۇمكىندىك الادى» دەپ اتاپ وتكەنىن ايتتى. مەملەكەتتىك حاتشى كە­لە­­شەكتە ۇلتتىڭ تابىسقا جەتۋى ادامي كا­پي­تالدىڭ ساپاسىمەن ولشەنەتىنىن اتاپ وتتى.
گۇلشارا ابدىقالىقوۆا جالپىعا ورتاق ەڭ­بەك قوعامى يدەياسىنىڭ ماقساتتارىنا جەت­كىزەتىن بىرقاتار مەملەكەتتىك جانە سا­لا­لىق باعدارلامالاردىڭ ورىندالۋ نا­تي­جەلەرىنە توقتالدى.
– مەملەكەت, جەكەمەنشىك سەكتور جانە كا­سىبي بىرلەستىكتەر ىنتىماقتاستىعىنىڭ تە­تىكتەرىنە نەگىزدەلگەن الەۋمەتتىك-ەڭبەك قا­تىناستارىنىڭ جاڭا مودەلى قولدانىسقا ەن­گىزىلدى. مەملەكەتتىك جانە ۇكىمەتتىك باع­دار­لامالار اياسىندا بيىل 290 مىڭ جۇمىس ور­نى اشىلدى. 500-گە جۋىق كاسىبي ستاندارت ازىرلەندى, – دەدى گۇلشارا ابدىقالىقوۆا.
مەملەكەتتىك حاتشى ىرى جانە ورتا كا­سىپ­ورىنداردىڭ شامامەن 90 پايىزىندا, سون­داي-اق شاعىن كاسىپورىنداردىڭ 30 پايىزدان استامىندا الەۋمەتتىك-ەڭبەك قاتىناستارىن رەت­تەيتىن ۇجىمدىق شارتتار بار ەكەنىن اتاپ وتتى.
– ەلىمىزدە جاڭا جوبا – تەگىن كاسىبي بىلىم بە­رۋ ىسى قولعا الىندى. جاستار ۇشىن وزىنىڭ ەڭ­بەكتەگى العاشقى ماماندىعىن مەملەكەت ەسە­بىنەن يگەرۋ مۇمكىندىگى پايدا بولدى, – دەدى گۇلشارا ابدىقالىقوۆا.
فورۋم اياسىندا «ەڭبەك جولى» اتتى رەس­پۋبليكالىق كونكۋرستىڭ جەڭىمپازدارىن ما­راپاتتاۋ راسىمى وتتى. وعان 329 ادام قاتىس­تى. ناتيجەسىندە, «ۇزدىك ەڭبەككەرلەر اۋلەتى» نو­ميناتسيياسى بويىنشا اقتوبە وبلىسىنان تە­مىرجولشى جۇبانىشەۆتار وتباسى, «جۇ­مىس ىستەيتىن جاستاردىڭ ۇزدىك تالىمگەرى» نو­ميناتسيياسى بويىنشا باتىس قازاقستان وب­لىسىنان ەنەرگييا كاسىپورنى وندىرىستىك-تەح­نيكالىق قىزمەت بولىمىنىڭ باستىعى تىلەك حارين, «ۇزدىك جاس قىزمەتكەر» نوميناتسيياسى بويىن­شا وڭتۇستىك قازاقستان وبلىسىنان مۇ­عا­لىم نۇرسۇلتان ابباسوۆ, «جاس ۇرپاقتى ەڭ­بەككە باۋلۋداعى ۇلەسى ۇشىن» نوميناتسيياسى بويىنشا وڭتۇستىك قازاقستان وبلىسىنان بالاباقشا مەڭگەرۋشىسى نۇرجامال تولەۋوۆا جەڭىمپاز اتاندى.
سونىمەن قاتار قازاقستاننىڭ قالىپ­تاسۋى مەن دامۋىنا ۇلەس قوسقان ەل ەكونو­مي­كا­سىنىڭ تۇرلى سالاسىنىڭ ارداگەرلەرى «ەڭ­بەك ارداگەرى» مەدالىمەن ماراپاتتالدى. فو­رۋم سوڭىندا قازاقستاندىق تانىمال ەست­رادا ارتىستەرىنىڭ قاتىسۋىمەن كونتسەرت وتتى.

ايحان شارىپ

بولىسۋ:

پىكىر جازۋ


*