ەلباسى جاڭا الىپبيدى بەكىتۋ تۋرالى جارلىق دايىنداۋدى تاپسىردى

1190
0
بولىسۋ:

مەملەكەت باسشىسى پرەزيدەنت اكىمشىلىگىنىڭ باسشىسى ادىلبەك جاقسىبەكوۆ پەن پرەزيدەنت اكىمشىلىگى باسشىسىنىڭ بىرىنشى ورىنباسارى مارات تاجيندى قابىلدادى, دەپ حابارلايدى اقوردانىڭ باسپاسوز قىزمەتى.

كەزدەسۋدە نۇرسۇلتان نازارباەۆ لاتىن قارپىنە نەگىزدەلگەن قازاق الىپبيىنىڭ سوڭعى جوباسى قىزۋ تالقىلانىپ, قوعام تاراپىنان قولداۋ تاپقانىن اتاپ وتتى.

– لاتىن قارپىنە نەگىزدەلگەن قازاق الىپبيىنىڭ ۇسىنىلعان جوباسىن بەكىتۋ تۋرالى جارلىق شىعارۋ قاجەت. كوميسسييا جۇمىسىن اياقتادى. سوڭعى نۇسقا جارييالاندى. عالىمدار, تىلتانۋشىلار, ساياساتكەرلەر, جاستار جانە قازاقستان حالقى اسسامبلەياسىنىڭ وكىلدەرى ورتاق مامىلەگە كەلدى. جالپى, قوعام قولداپ وتىر, – دەدى قازاقستان پرەزيدەنتى.

مەملەكەت باسشىسى قازاق الىپبيىن لاتىن قارپىنە كەزەڭ-كەزەڭمەن جانە جۇيەلى تۇردە كوشىرۋدىڭ ماڭىزدىلىعىنا نازار اۋداردى.

سونىمەن قاتار, ەلباسىعا مەملەكەتتىك تىلدى لاتىن قارپىنە كوشىرۋ جونىندەگى جوبانى ىسكە اسىرۋ ۇشىن قۇرىلعان جۇمىس توبىنىڭ اتقارعان قىزمەتى تۋرالى باياندالدى.

بولىسۋ:

پىكىر جازۋ


*