وزارا سەنىمگە نەگىزدەلگەن بايلانىس

1220
0
بولىسۋ:

ەلباسى نۇرسۇلتان نازارباەۆ بىرىككەن اراب امىرلىكتەرىنە ساپارمەن بارىپ, ابۋ-دابيدىڭ تاق مۇراگەرى, بىرىككەن اراب امىرلىكتەرىنىڭ قارۋلى كۇشتەرى جوعارعى باس قولباسشىسىنىڭ ورىنباسارى, شەيح مۇحاممەد بەن زايد ال-ناھايانمەن كەزدەستى. بۇل تۋرالى اقوردانىڭ باسپاسوز قىزمەتى حابارلادى.

كەزدەسۋدە مەملەكەت باسشىسى قا­زاقستان مەن بىرىككەن اراب امىرلىكتەرى اراسىنداعى قارىم-قاتىناس وزارا سەنىمگە نەگىزدەلگەنىن اتاپ وتىپ, ونى ارى قاراي تا­بىستى دامىتۋدىڭ ماڭىزدىلىعىنا نازار اۋداردى.
– سىزدەر بىزدى حالىقارالىق ارەنادا دا, ەكونوميكادا دا اردايىم قولداپ كەلەسىزدەر. وسى جىلدار ىشىندە سىزدەرمەن دوستىق قارىم-قاتىناس ورناتتىق. قازاق­ستانعا ەرەكشە كوڭىل بولىپ وتىرعان­دارىڭىز ۇشىن ريزاشىلىعىمدى بىلدى­رەمىن, – دەدى مەملەكەت باسشىسى.
قازاقستان پرەزيدەنتى قازىرگى ۋاقىتتا ەكونوميكانىڭ تۇرلى سەكتورلارىندا, سونىڭ ىشىندە مۇناي حيميياسى, اۋىل شارۋا­شىلىعى جانە اتوم ونەركاسىبى سالا­لارىندا بىرقاتار بىرلەسكەن جوبا­لاردى ىسكە اسىرۋ جوسپارلانىپ وتىرعانىن ايتتى.
نۇرسۇلتان نازارباەۆ مۇسىلمان ەلدەرى اراسىندا زاماناۋي تەحنولوگييالاردى دامىتۋ جاعىنان بىرىككەن اراب امىر­لىك­تەرى كوش باستاۋشىلاردىڭ بىرى بولىپ وتىرعانىن اتاپ وتتى.
– «بولاشاقتاعى وزگەرىسكە ساي بو­لامىن دەسەڭ, بۇگىن وزىڭ وزگەر» دەگەن دانا سوز بار. سىزدەر سول جولدان تايماي كەلە­سىزدەر, – دەدى مەملەكەت باسشىسى.
ابۋ-دابيدىڭ تاق مۇراگەرى ەكىجاقتى بايلانىستار سەرپىندى دامىپ كەلە جات­قانىن ايتىپ, نۇرسۇلتان نازارباەۆتىڭ ەكى ەل اراسىنداعى قارىم-قاتىناستى نىعايتۋ ىسىندەگى بەلسەندى رولىنە توقتالدى.
– بىز كوپ نارسەنى سىزدەردەن ۇيرەنىپ كەلەمىز. سىزدىڭ رەفورمالارىڭىز ۋاقىت تالابىنا ساي جۇرگىزىلۋدە. قازاقستان سىزدىڭ كورەگەن ساياساتىڭىزدىڭ ارقاسىندا تۇراقتى دامىپ كەلەدى, – دەدى شەيح مۇحاممەد بەن زايد ال-ناھايان.
كەلىسسوزدەر بارىسىندا تاراپتار حا­لىقارالىق جانە وڭىرلىك كۇن تارتىبىندەگى وزەكتى ماسەلەلەردى دە تالقىلادى.

بولىسۋ:

پىكىر جازۋ


*