شەتەلدىك تاسىمالداۋشىلار تەكسەرىلۋدە

634
0
بولىسۋ:

قىرعىز تاسىمالداۋشىلارى قازاقستان زاڭناماسىن جيى بۇزادى. بۇگىن ورتالىق كوممۋنيكاتسييالار قىزمەتىندەگى بريفينگتە ينۆەستيتسييالار جانە دامۋ مينيسترى جەڭىس قاسىمبەك وسىنداي مالىمدەمە جاسادى.

«وتكەن اپتادا 835 قىرعىز اۆتوكولىك قۇرالدارى تەكسەرىلىپ, ناتيجەسىندە 117 زاڭ بۇزۋشىلىعى تىر­كەلدى. ياعني, اربىر 6-7-شى قىرعىز اۆتوكولىگى قازاقستان اۋ­ماعى ارقىلى زاڭ بۇزۋشىلىقپەن وتەدى. قىرعىزستاندىق تاسى­مالداۋ­شى­لار جىبەرەتىن نەگىزگى زاڭ بۇزۋشى­لىعى – تاسى­مالداناتىن جۇك قۇ­جاتتارىنىڭ جوقتىعى. مۇنداي دەرەك – 56», – دەيدى مينيستر. وسىعان سايكەس بىز كولىك كومي­تەتىنىڭ احۋالدىق ورتالىعى باسشىسىنىڭ مىندەتىن اتقارۋشى قۋانىش ەرمۇحانوۆ مىرزاعا حابارلاسىپ مان-جايدى بىلمەك بولدىق. ونىڭ ايتۋىنشا, بيىل قىرعىزستاندىق تاسىمال­داۋ­شىلار كوپتەگەن زاڭ بۇزۋشى­لىقتارعا جول بەرگەن ەكەن.
– بيىل جىل باسىنان بەرگى تەكسەرۋ ناتيجەلەرى بويىنشا كولىكتىك باقىلاۋ بەكەتتەرىندە 60 مىڭعا جۋىق اۆتوكولىك تەكسەرىلگەن بولاتىن. تەكسەرۋدىڭ ناتيجەسىندە 2,5 مىڭنان اسا زاڭ بۇزۋشىلىقتار انىقتالدى, ونىڭ ىشىندە مىڭعا جۋىق بۇزۋشىلىق قىرعىزستاندىق تاسىمالداۋشىلارعا تيەسىلى, ورتاشا بۇل 30-40 پايىز. وتكەن اپتانىڭ ناتيجەلەرى بويىنشا بىز تالداۋ جۇرگىزىپ, زاڭ بۇزۋشىلىقتار بويىنشا قىرعىز تاسىمالداۋ­شىلارىنىڭ ۇلەسى 60 پايىزعا وسكەنىن انىقتادىق. دەمەك, ولار حالىقارالىق اۆتوموبيل تاسىمال نارىعىنان بولەك بىزدىڭ ىشكى تاسىمال نارىعىمىزعا دا ەنگەنىن ايقىنداپ وتىر, – دەيدى ول.
جەڭىس قاسىمبەكتىڭ اي­تۋىنشا, قازاقستان رەسپۋبليكا­سىنىڭ اۆتوموبيل جولدارى بويىنشا تراكتور مەن جارتىلاي تىركەمە قۇرامىنداعى اۆتوپو­يىزدىڭ رۇقسات ەتىلگەن ماسساسى 40 توننادان اسپاۋى تيىس. شىن مانىسىندە قىرعىز رەسپۋبلي­كاسىنىڭ كولىك تاسىمالداۋ­شىلارى شامادان تىس جۇكتەمەنى 5, تىپتى 7 تونناعا دەيىن اسىرىپ جىبەرەدى.
– بۇل حالىقارالىق جانە ىشكى تاسىمال نارىعىنا تىكەلەي اسەر ەتەدى. مىسالى, ىشكى نارىقتا تاسى­مالدى جۇزەگە اسىرۋعا بولماي­دى. بىراق قىرعىزستاندىق تاسىمالداۋشىلار ونىمەن دە اينالىسىپ جۇر. جۇكتى كورسە­تىلگەن كولەمنەن اسىرىپ الىپ وتۋگە بولمايدى, بىراق ولار بەلگىلەنگەن مولشەردەن ارتىق جۇك تاسىمالى ۇشىن رۇقسات ال­ماعان بولىپ شىعادى. وسى تالاپتاردىڭ ورىندالۋى ەكى ەلدىڭ ۇكىمەتتەرى اراسىندا 2014 جىلى 22 مامىردا جاسالعان كەلىسىممەن بەكىتىلگەن. سونداي-اق ەۋرازييالىق ەكونوميكالىق وداقتىڭ كەلى­سىمشارتىنا سايكەس «وسى وداققا مۇشە ەل ەگەر باسەكەگە قارسى ىستى جۇزەگە اسىرعان جاعدايدا وسى كاسىپكەرلىك سۋبەكتىسىنە قاتىستى ايىپپۇل سانكتسييالارى» قولدا­نىلادى دەلىنگەن, – دەيدى قۋانىش ەرمۇحانوۆ.
ودان بولەك, حالىقارالىق تاسىمال كەزىندە شەتەلدىك تاسىمالداۋشىلارعا ارناۋلى رۇقسات قۇجاتى قاجەت. بۇل رەتتە ەۋرازييالىق ەكونوميكالىق وداقتىڭ شەڭبەرىندە وعان مۇشە ەلدەر رۇقساتسىز جۇك تاسىمالداي الادى. وداقتان تىس شەتەلدىك تاسىمالداۋشى ۇشىن, سونداي-اق تۇراقتى ەمەس جولاۋشىلار تا­سىمالىن جۇرگىزگەندە دە تيىستى رۇقسات قاجەت. كوميتەت جۇرگىزگەن تەكسەرۋ ناتيجەلەرى مۇنداي رۇقسات قۇجاتتارى قىرعىزستاندىق تا­سىمالداۋشىلاردا جوق ەكەنىن كورسەتىپ بەردى.
احۋالدىق ورتالىقتىڭ وكىلى قازاقستاننىڭ اۆتوموبيلدىك جولدارىمەن جۇرۋگە ارنالعان ولشەمدەردەن, ياعني, بەلگىلى پارامەترلەردەن ارتىق كولەمدە جۇك تاسىمالداۋ وقيعالارىندا سالىق كودەكسىندە كورسەتىلگەن مولشەرلەمەلەر بويىنشا الىم سوماسى تولەنگەننەن كەيىن كولىك قايتا جىبەرىلەتىنىن ايتتى.
– بۇل الىم اۋىر سالماقتى جۇك قۇرامىنىڭ اۆتوموبيل جولدارى ارقىلى وتۋى سالدارىن وتەۋ ماقساتىندا الىنادى. كەيبىر قۇجاتتاردا جۇكتىڭ باسقا سالماعى كورسەتىلەدى, ناقتى ولشەپ كورسەك, ول سالماق سايكەس كەل­مەيدى. بۇل جەردە شەكارا قىزمەتى بولسىن, مەملەكەتتىك كىرىستەر ورگاندارى بولسىن كونتراباندا دەرەگىنە سايكەس وزدەرىنىڭ قۇزىرەتتىلىگىنىڭ شەڭبەرىندە ىس قوزعاۋى مۇمكىن. بىز وز تاراپى­مىزدان اسىرىپ جۇك تيەگەنى جانە رۇقساتسىز جۇك تا­سىمالداعانى ۇشىن جاۋاپكەر­شىلىككە تارتامىز, – دەپ قورى­تىن­دىلادى ق.ەرمۇ­حانوۆ. ما­­مان­داردىڭ سوزىنە سەنسەك, بۇگىندە قىرعىزستاندىق جۇك تا­سىمالداۋشىلار وسى نەگىزگى ۇش زاڭ بۇزۋشىلىققا جول بەرۋدە.

كاميلا دۇيسەن

 

بولىسۋ:

پىكىر جازۋ


*