ۆەتنام تاجىريبەسى قىزىقتى

955
0
بولىسۋ:

ماجىلىس توراعاسى نۇرلان نىعماتۋلين ەلىمىزگە تۇڭعىش رەت رەسمي ساپارمەن كەلگەن ۆەتنام سوتسياليستىك رەسپۋبليكاسىنىڭ ۇلتتىق جينالىسىنىڭ تورايىمى نگۋەن تحي كيم نگانمەن كەزدەستى.

تاراپتار ەكى ەلدىڭ دامۋ تا­جىريبەسىندە ەرەكشە ماڭىزعا يە دىنارالىق جانە ەتنوسارالىق كەلى­سىمگە ايرىقشا نازار اۋداردى. نۇرلان نىعماتۋلين مەن نگۋەن تحي كيم نگاننىڭ پىكىرىنشە حالىقتار مەن تۇرلى دىندەر وكىلدەرىنىڭ وزارا تۇ­سىنىستىگى, سەنىمى جانە سىيلاستى­عى – الەمدەگى تىنىشتىق پەن بەيبىت­شىلىكتىڭ كەپىلى.
ماجىلىس باسشىسى قازاقستان پرەزيدەنتى نۇرسۇلتان نازارباەۆ­تىڭ ەكى ەل اراسىنداعى قارىم-قا­تىناستى تەرەڭدەتۋگە زور كوڭىل بولە­تىنىن العا تارتتى. نۇرلان زايرول­لاۇلى ساۋدا-ەكونوميكالىق بايلانىستار ەلدەرىمىزدىڭ قارىم-قاتىناسىنداعى باسىم باعىتتاردىڭ بىرى ەكەنىن ايتتى. وسى رەتتە, اسىرەسە, اۋىل شارۋاشىلىعى, كولىك-لوگيس­تيكا سالالارىنداعى ىنتى­ماق­تاستىقتى دامىتۋدىڭ ماڭىزى زور.
بۇگىندە ەۋرازييالىق ەكونومي­كالىق وداق اياسىندا قازاقستاندا ۆەتنامدىق كومپانييالاردىڭ تيىمدى جۇمىس جاساۋىنا ۇلكەن مۇمكىندىكتەر پايدا بولدى. وعان اتالعان وداق پەن ۆەتنام اراسىنداعى ەركىن ساۋدا ايماعى تۋرالى كەلىسىم ناقتى دالەل. سونىمەن بىرگە, تۋريزم سالاسىندا دا ەكى ەل ىنتىماقتاستىعىن نىعاي­تۋدىڭ الەۋەتى جوعارى. ماجىلىس توراعاسى وسى ورايدا ۆەتنامدىق تاراپتىڭ قازاقستان ازاماتتارى ۇشىن بىرجاقتى تارتىپپەن ۆيزاسىز رەجيم ەنگىزۋ ۇسىنىسىن قولداۋعا بولاتىنىن اتاپ وتتى.
وز كەزەگىندە مارتەبەلى مەيمان بىزدىڭ ەلىمىزدىڭ قوناقجايلىعىنا العىس بىلدىرە كەلە, قازاقستاننىڭ از ۋاقىت ىشىندە ەكونوميكادا, ساياساتتا, ديپلوماتييادا جەتىستىكتەرگە جەت­كەنىن, سونىڭ ىشىندە, كەرەمەت قالا استانانىڭ تۇرعىزىلۋىن جوعارى باعالادى. مارتەبەلى مەيمان پرەزيدەنت نۇرسۇلتان نازارباەۆتىڭ باسشىلىعىمەن بىزدىڭ ەلىمىز بۇدان دا زور تابىستارعا جەتەرىنە, جاڭا بيىكتەردى باعىندىرارىنا سەنىم بىلدىردى.
ەكى ەلدىڭ ۇقساس ۇستانىمدارى بەيبىتشىلىك پەن كەلىسىمگە نەگىزدەل­گەنىنە ەكپىن تۇسىرگەن ۆەتنام ۇلتتىق جينالىسىنىڭ تورايىمى وزىنىڭ ىس-ساپارى تىكەلەي ەكىجاقتى قاتىناستى تەرەڭدەتۋگە باعىتتال­عانىن باسا ايتتى. ول سونداي-اق ەكونوميكالىق دامۋ بويىنشا قازاقستاننىڭ ورتالىق ازييادا كوشباسشى ورىن الاتىنىن, بۇل ەلىمىزدىڭ مول الەۋەتىن كۋالاندى­راتىنىن, سونىمەن قاتار شەتەلدىك ينۆەستورلار ۇشىن كەپىل بولىپ سانالاتىنىن اتاپ وتتى.
حالىقارالىق كۇن تارتىبىن تالقىلاۋ بارىسىندا نۇرلان نىعماتۋلين مەن نگۋەن تحي كيم نگان قازاقستاننىڭ جانە ەلباسى­نىڭ باستامالارىنىڭ بىتىمگەرشىلىك سيپاتىنا نازار اۋدارتتى.
پارلامەنتارالىق ديپلو­ماتييانىڭ ماڭىزدىلىعىن باعام­داعان ولار پارلامەنتتىڭ بەيىندى كوميتەتتەرى, سونداي-اق دوستىق توپتارى اراسىنداعى ىنتى­ماقتاستىقتى كەڭەيتۋ قاجەتتىگىن جاقتادى. ن.نىعماتۋليننىڭ اي­تۋىنشا, الەۋمەتتىك-ەكونوميكالىق وسىمگە قولايلى ينۆەستيتسييالىق احۋال تۇزۋگە, يننوۆاتسييالىق تەحنو­لوگييالاردى ەندىرۋگە سەپتەسەتىن رەفورمالاردى زاڭنامالىق سۇيە­مەلدەۋ بويىنشا ۆەتنامدىق دەپۋ­تاتتاردىڭ تاجىريبەسى – قازاق­ستاندىق پارلامەنتشىلەر ۇشىن قىزىقتى ارى قۇندى.
تاراپتار بىرەگەي ۇلگى بولىپ ەسەپ­تەلەتىن قازاقستان حالقى اسسامبلەياسى, قازاقستاندا وتكەن EXPO كورمەسى تۋرالى اڭگىمە قوزعاپ, ايماقتىق قاۋىپسىزدىك, مادەني باي­لانىس, پارلامەنتارالىق قاتىناس ماسەلەلەرىنە توقتالدى.

 

ايحان شارىپ

بولىسۋ:

پىكىر جازۋ


*