ايتارلىقتاي استىق جينالدى

1358
0
بولىسۋ:

مەملەكەت باسشىسى نۇرسۇلتان نازارباەۆ پرەمەر-مينيستردىڭ ورىنباسارى – اۋىل شارۋاشىلىعى مينيسترى اسقار مىرزاحمەتوۆتى قابىلدادى. بۇل تۋرالى اقوردانىڭ باسپاسوز قىزمەتى حابارلادى.

كەزدەسۋدە ەلىمىزدىڭ اگروونەركاسىپتىك كە­شەنىن دامىتۋ باعدارلاماسى ارقىلى اتقارىلعان جۇمىستاردىڭ ارالىق ناتي­جەلەرى جانە ونى ودان ارى ىسكە اسىرۋ جو­نىندەگى جوسپارلار تال­قىلاندى.
نۇرسۇلتان نازارباەۆ ەلىمىزدىڭ بارلىق ديقاندارىن استىق جيناۋ ناۋقانىنىڭ تابىستى اياقتالۋىمەن قۇتتىقتادى.
– جاز ايلارىنىڭ باسىنداعى كۇردەلى جاع­دايعا قاراماستان, اۋىل ەڭبەككەرلەرى ايتار­لىقتاي كولەمدە استىق جينادى. ىشكى قاجەتتىلىكتى قاناعاتتاندىرۋعا جانە ونىمىمىزدى ەكسپورتقا شىعارۋعا مۇمكىندىك بار. جالپى, بارلىق مالىمەتتەر وڭ قارقىندى كورسەتىپ وتىر, – دەدى قازاقستان پرەزيدەنتى.
مەملەكەت باسشىسى اۋىل شارۋاشىلى­عى­نىڭ ەل ەكونوميكاسىنداعى ماڭىزدى رولىنە توق­تالىپ, وسى سالاعا بولىنگەن قارجىنى پايدا­لانۋدىڭ تيىمدىلىگى تومەن ەكەنىن اتاپ وتتى.
– اگرارلىق سەكتور ەكونوميكامىزدىڭ قوزعاۋشى كۇشى بولىپ سانالادى. وعان مەملەكەت كوپ قارجى قۇيىپ جاتىر. ونىڭ تيىستى قايتارىمى بولۋعا تيىس ەدى, بىراق وكىنىشكە قاراي, ولاي بولماي وتىر, – دەدى نۇرسۇلتان نازارباەۆ.
سونىمەن بىرگە, قازاقستان پرەزيدەنتى بيىل­عى استىق جيناۋ ناۋقانى جوعارى قارقىنمەن جۇرگىزىلگەنىن ايتتى.
– بيىل 21,7 ميلليون توننا استىق جينالىپ, ورتاشا ونىمدىلىك گەكتارىنا 14,2 تسەنتنەردەن بولدى. بۇل بىلتىرعى جىلمەن سالىستىرعاندا كوبىرەك. بەلگى­لەنگەن جوسپارعا سايكەس, بىز تۇتىنۋشىلىق كووپەراتسييانى دامىتۋمەن, تۇقىمدىق قوردى جاقسارتۋمەن جانە مال شارۋا­شىلىعىنىڭ ونىمدىلىگىن ارتتىرۋمەن اينالىس­تىق, – دەدى ەلباسى.
نۇرسۇلتان نازارباەۆ اۋىل شارۋا­شىلىعى ونىمدىلىگىنىڭ كولەمىن ەلىمىزدىڭ عىلىمي الەۋەتىن پايدالانا وتىرىپ ارتتىرۋ قاجەتتىگىنە نازار اۋداردى.
اسقار مىرزاحمەتوۆ قازاقستان پرەزي­دەنتىنە اگروونەركاسىپتىك كەشەننىڭ مەم­لەكەتتىك باعدارلاماسى اياسىندا اۋىل شارۋاشىلىعىنىڭ 12 باسىم باعىتىن ودان ارى دامىتۋدىڭ ارنايى كارتالارىن ازىرلەۋ بارىسى جونىندە باياندادى.
سوڭىندا مەملەكەت باسشىسى بىرقاتار ناقتى تاپسىرمالار بەردى.


مەملەكەت باسشىسى نۇرسۇلتان نازارباەۆتىڭ استىق جيناۋ ناۋقانىنىڭ تابىستى اياقتالۋىنا بايلانىستى قۇتتىقتاۋ سوزى

قۇرمەتتى اۋىل ەڭبەككەرلەرى!

استىق جيناۋ – ديقاندار ۇشىن عانا ەمەس, بۇكىل ەلىمىز ۇشىن اي­تۋلى ناۋقاننىڭ بىرى. ەگىن ورۋ ناتيجەلەرى مەملە­كەتتەگى ازىق-تۇلىك قاۋىپسىزدىگى دەڭگەيىن جانە قوعامداعى الەۋمەتتىك-ەكونومي­كالىق تۇراقتىلىقتى ايقىن­داي­دى. سىزدەردىڭ ماڭداي تەرلە­رىڭىزدىڭ ارقاسىندا قازاقستان وزىنىڭ جەتەكشى استىق دەرجاۆاسى ەكەنىن تاعى دا دالەلدەدى.
21 ميلليون توننادان اسا اس­تىق جينالدى. سونىڭ ۇشتەن ەكى­سىنەن استامى الەمدىك ستاندارت­تارعا ساي كەلەتىن جوعارى ساپالى ونىمگە جاتادى. مايلى داقىلدار ەگىلەتىن ەگىستىك القابى ايتار­لىق­تاي كوبەيدى. جالپى, استىق جيناۋ ناۋقانىنىڭ قورىتىندىسى ەلى­مىزدىڭ اگروونەركاسىپ كەشەنىنىڭ الەۋەتى زور ەكەنىن كورسەتىپ وتىر.
بۇگىندە مەملەكەت اۋىل شارۋا­شى­لىعى سالاسىن جۇيەلى تۇردە جەتىلدىرۋگە جانە ارتاراپتان­دىرۋعا باعىتتالعان ساياسات جۇر­گىزۋدە. ونى ارى قاراي ىلگەرىلەتۋدىڭ ماڭىزدى شارتى – قايتا وڭدەلگەن ونىم شىعارۋعا كوشۋ. قازاقستان الەمدەگى ەكسپورتتىق اۋىل شارۋا­شىلىعى ونىمدەرىن شىعاراتىن ىرى ەلدىڭ بىرى بولۋى تيىس.
بىز حالقىمىزدىڭ ال-اۋقاتىن جاقسارتۋ جولىنداعى اۋىل ەڭبەك­كەرلەرىنىڭ ەڭبەگىن جوعارى باعا­لايمىز. سىزدەردى ەگىن ورۋ ناۋ­قانىنىڭ تابىستى اياقتالۋىمەن قۇتتىقتايمىن! بارشاڭىزعا زور دەنساۋلىق جانە وتانىمىزدى ودان ارى وركەندەتۋ جولىندا تولا­عاي تابىس تىلەيمىن!

بولىسۋ:

پىكىر جازۋ


*