جەڭىمپازدار انىقتالدى

969
0
بولىسۋ:

Like LATIN in Qazaqstan حالىقارالىق فوتو-بايقاۋى مارەسىنە جەتىپ, جەڭىمپازدار انىقتالدى. لاتىن الىپبيىنە كوشۋدى قولداۋ بايقاۋى بارىسىندا 25 000 لايك جينالىپ, 300-دەن استام فوتوجازبا جارييالاندى. 

«قازاقستان – 2050» قوزعا­لى­سىنىڭ باستاماسىمەن #LikeLatin­InQazaqstan اتتى حالىقارالىق فوتوبايقاۋى facebook جانە instagram الەۋمەتتىك جەلىلەرىندە وتكەن ەدى. قازاق تىلىن كيريل­ليتسادان لاتىن تىلىنە كوشىرۋدى قول­داۋعا باعىتتالعان ناۋقان 15 قىركۇيەكتەن باستاپ, 9 قازانعا دەيىن جالعاستى, 10 قازاندا قورى­تىندى جاسالدى. ۇش جۇزدەن استام سۋرەتتىڭ ىشىنەن نازيرا بيرمان, ناتا رۋدەنكو مەن جاميلا سار­سەنبايدىڭ فوتولارى ۇزدىك تا­نىلدى. ەڭ كرەاتيۆتى فوتوسۋرەت­تەردىڭ اۆتورلارىنا 3 ۋلترا-زا­ماناۋي ەكشن-كامەرالار بەرىلەتىن بولدى.

ناتا رۋدەنكونىڭ سۋرەتىنەن QAZAQ tili دەگەن جازۋى بار ناندى ەكى بالانىڭ ەكى جاعىنان تىستەپ تۇرعانىن كورۋگە بولسا, نازيرا بيرماننىڭ سۋرەتىندە Ruhani zhangiru دەپ جازىلعان ارى سونىڭ سيمۆولى جانە تۋ ۇستاعان سابي بەينەلەنگەن. جاميلا سار­سەن­بايدىڭ فوتوسىندا كوپشىلىك اراسىندا شۋ تۋعىزعان «سابىز» سوزى لاتىن تىلىندە جازىلىپ, كوكونىس­تەر تىزىلگەن.
بىر اي ىشىندە بايقاۋعا قازاق­ستاننىڭ بارلىق وڭىرىنەن, سون­داي-اق سينگاپۋر, رەسەي, اقش, ۇلىبريتانييا, يزرايل, فران­تسييا, نورۆەگييادان قاتىسقان قان­داستارىمىز بارلىعى 300-دەن استام فوتوسۋرەت جارييالاعان جانە 25 000 لايك جينادى. بايقاۋدىڭ باستى شارتى قازاق تى­لىندە لاتىن ارىپتەرىمەن جازىل­عان جازۋ. ستۋدەنتتەر مەن وقۋ­شىلار بىلىم بەرۋ مەكەمەلەرىنىڭ قابىرعالارىندا قىزىقتى سۋرەت­تەر مەن قولمەن جاسالعان پلاكات­تار ۇشىن وبرازدى پايدالانا وتى­رىپ, ارنايى شىعارماشىلىق كوزقاراستى كورسەتتى. لاتىن الىپ­بيىنە كوشۋدى قولدايمىز دەگەن ويمەن وز بالالارىنا پاتريوتتىق كوستيۋمدەرىن كيگىزگەن بەلسەندى ۇي شارۋاسىنداعى ايەلدەر دە قا­تىسىپتى.
فوتوبايقاۋعا قاتىسۋ ۇشىن الەۋمەتتىك جەلىلەردىڭ پاي­دالانۋشىلارى #LikeLatinIn­Qazaqstan حەشتەگى بار فوتو­سۋرەت­تەردى پاراقشالارىندا ورنالاس­تىردى جانە 3 دوسىنا شاقىرتۋ جىبەردى. نەگىزگى سوزدەرگە: Qazaq tili, Qazaqstan, Qazaq eli, Qazaq جانە QZ اببرەۆياتۋراسى جاتادى.
بيىلعى جىلى مەملەكەت باس­شىسى «بولاشاققا باعدار: رۋحاني جاڭعىرۋ» ماقالاسىندا قازاق تىلىن كيريلل الىپبيىنەن لاتىن الىپ­بيىنە اۋىستىرۋ قاجەتتىلىگى تۋرالى جارييالاعان بولاتىن. بۇگىندە لاتىن الىپبيى كوپتەگەن الەمدىك تىلدەردىڭ گرافيكالىق نەگىزىنە اينالدى. ول الدىڭعى قاتارلى بىلىم الەمىنە, عىلىمي جەتىستىكتەرگە, تەحنولوگييالىق پروگرەسكە جانە ادامداردىڭ تسيفر­لىق قارىم-قاتىناسىنا تەرەزە بولدى.
ايتا كەتەيىك, فوتوبايقاۋدىڭ جەڭىمپازدارىن قوزعالىس كەڭەسى­نىڭ مۇشەلەرى, استانا قالا­سىنىڭ ازاماتتىق كەڭەسىنىڭ بەل­سەندىلەرى, شاقىرىلعان قوناقتار مەن قو­عام­دىق قايراتكەرلەر انىق­تادى.

نۇرسۇلۋ مىرزاحمەت

بولىسۋ:

پىكىر جازۋ


*