Жеңімпаздар анықталды

913
0
Бөлісу:

Like LATIN in Qazaqstan халықаралық фото-байқауы мәресіне жетіп, жеңімпаздар анықталды. Латын әліпбиіне көшуді қолдау байқауы барысында 25 000 лайк жиналып, 300-ден астам фотожазба жарияланды. 

«Қазақстан – 2050» қозға­лы­сының бастамасымен #LikeLatin­InQazaqstan атты халықаралық фотобайқауы facebook және instagram әлеуметтік желілерінде өткен еді. Қазақ тілін кирил­лицадан латын тіліне көшіруді қол­дауға бағытталған науқан 15 қыркүйектен бастап, 9 қазанға дейін жалғасты, 10 қазанда қоры­тынды жасалды. Үш жүзден астам суреттің ішінен Нәзира Бирман, Ната Руденко мен Жәмила Сар­сенбайдың фотолары үздік та­нылды. Ең креативті фотосурет­тердің авторларына 3 ультра-за­манауи экшн-камералар берілетін болды.

Ната Руденконың суретінен QAZAQ tili деген жазуы бар нанды екі баланың екі жағынан тістеп тұрғанын көруге болса, Нәзира Бирманның суретінде Ruhani zhangiru деп жазылған әрі соның символы және ту ұстаған сәби бейнеленген. Жәмила Сар­сен­байдың фотосында көпшілік арасында шу туғызған «сәбіз» сөзі латын тілінде жазылып, көкөніс­тер тізілген.
Бір ай ішінде байқауға Қазақ­станның барлық өңірінен, сон­дай-ақ Сингапур, Ресей, АҚШ, Ұлыбритания, Израиль, Фран­ция, Норвегиядан қатысқан қан­дастарымыз барлығы 300-ден астам фотосурет жариялаған және 25 000 лайк жинады. Байқаудың басты шарты қазақ ті­лінде латын әріптерімен жазыл­ған жазу. Студенттер мен оқу­шылар білім беру мекемелерінің қабырғаларында қызықты сурет­тер мен қолмен жасалған плакат­тар үшін образды пайдалана оты­рып, арнайы шығармашылық көзқарасты көрсетті. Латын әліп­биіне көшуді қолдаймыз деген оймен өз балаларына патриоттық костюмдерін кигізген белсенді үй шаруасындағы әйелдер де қа­тысыпты.
Фотобайқауға қатысу үшін әлеуметтік желілердің пай­даланушылары #LikeLatinIn­Qazaqstan хэштегі бар фото­сурет­терді парақшаларында орналас­тырды және 3 досына шақырту жіберді. Негізгі сөздерге: Qazaq tili, Qazaqstan, Qazaq eli, Qazaq және QZ аббревиатурасы жатады.
Биылғы жылы Мемлекет бас­шысы «Болашаққа бағдар: рухани жаңғыру» мақаласында қазақ тілін кирилл әліпбиінен латын әліп­биіне ауыстыру қажеттілігі туралы жариялаған болатын. Бүгінде латын әліпбиі көптеген әлемдік тілдердің графикалық негізіне айналды. Ол алдыңғы қатарлы білім әлеміне, ғылыми жетістіктерге, технологиялық прогреске және адамдардың цифр­лық қарым-қатынасына терезе болды.
Айта кетейік, фотобайқаудың жеңімпаздарын Қозғалыс кеңесі­нің мүшелері, Астана қала­сының азаматтық кеңесінің бел­сенділері, шақырылған қонақтар мен қо­ғам­дық қайраткерлер анық­тады.

Нұрсұлу МЫРЗАХМЕТ

Бөлісу:

Пікір жазу


*