جوندەلەتىن جولدار قاتارى ۇلعايماق

913
0
بولىسۋ:

ماجىلىس باسشىسى نۇرلان نىعماتۋليننىڭ توراعالىعىمەن وتكەن پالاتا بيۋروسىنىڭ كەشەگى وتىرىسىندا الداعى اپتاداعى جالپى وتىرىستا قارالاتىن ماسەلەلەر ايقىندالىپ, كۇن تارتىبىنىڭ جوباسى قۇپتالدى.

سونىمەن, ماجىلىس دە­پۋتاتتارىنىڭ كەزەكتى جيى­نىندا حالىق قالاۋلىلارىنا تۇرعىن ۇي قاتىناستارى بويىنشا قول­دانىستاعى زاڭ­نا­ماعا تۇزەتۋلەردى بىرىن­شى وقىلىمدا قاراۋ ۇسى­نىلماق.
سونىمەن قاتار پالاتا تال­قىلاۋىنا پارلامەنتتىڭ قابىلداۋىنا جاتاتىن حا­لىقارالىق قۇجات – قا­زاقستان مەن ازييا دامۋ بانكى اراسىنداعى ماڭعىستاۋ وبلىسىنداعى اۆتوجولدى رە­كونسترۋكتسييالاۋعا قارىز الۋ تۋرالى كەلىسىمگە تۇزەتۋلەرگە قاتىستى كەلىسىم حاتىن راتي­فيكاتسييالايتىن زاڭ جوباسى شىعارىلاتىن بولادى.
بۇل قۇجاتتا ۇسىنىلعان تۇزەتۋلەر بويىنشا «جەتىباي – جاڭاوزەن» اۆتو­جولىنىڭ قوسىمشا ۋچاسكەسىن قوسۋ كوز­دەلىپ وتىر. بۇل رەسەي جانە تۇركىمەنستان ەلدەرىمەن قاتىناس جاساۋ­داعى قا­زاق­ستان­نىڭ ترانزيتتىك الەۋەتىن ارتتىرۋعا مۇمكىندىك بەرمەك.
جالپى, وتىرىستىڭ كۇن تارتىبىنىڭ جوباسى سونداي-اق مەنشىك قۇقىعىن قورعاۋدى كۇشەيتۋ جانە تورەلىك-ا­ربي­تراج ماسەلەلەرى, سونى­مەن بىرگە, مەملەكەتتىك فۋنك­تسييا­لاردى باسەكەلەستىك ورتاعا بەرۋ ماسەلەلەرىنە قاتىستى زاڭ جوبالارىنان تۇرادى. ولار بويىنشا دەپۋتاتتار ماجىلىستىڭ بەيىندى كومي­تەت­تەرىنە قورىتىندى ازىرلەۋ مەرزىمدەرىن بەلگىلەپ بەرەدى.

 

ايحان شارىپ 

بولىسۋ:

پىكىر جازۋ


*