مەملەكەت باسشىسى كوڭىل ايتتى

925
0
بولىسۋ:

ەلباسى نۇرسۇلتان نازارباەۆ ۇزاقباي قارامانوۆتىڭ قايتىس بولۋىنا بايلانىستى تۋعان-تۋىسقاندارى مەن جاقىندارىنا كوڭىل ايتۋ جەدەلحاتىن جولدادى.
جەدەلحاتتا قازاقستان پرەزيدەنتىنىڭ كورنەكتى مەملەكەت جانە قوعام قايراتكەرى ۇزاقباي قارامانوۆتىڭ دۇنيەدەن وتكەنى تۋرالى حاباردى زور كۇيزەلىسپەن قابىلداعانى ايتىلعان.
«ۇزاقباي قارامانۇلى بۇكىل عۇمىرىن حالقى مەن تۋعان ەلىنىڭ وسىپ-وركەندەۋىنە ارنادى. ول وزىنىڭ زور ۇيىمداستىرۋشىلىق قابىلەتى مەن قوعامداعى بەدەلىنىڭ ارقاسىندا كوپتەگەن جوعارى لاۋازىمدى مەملەكەتتىك قىزمەتتە بولىپ, وزىنە جۇكتەلگەن مىندەتتەردىڭ بارلىعىن ابىرويمەن اتقارا بىلدى» دەلىنگەن جەدەلحاتتا.
مەملەكەت باسشىسى قازاقستاندىقتار ونىڭ ەسىمى مەن ەل الدىنداعى ەڭبەگىن اردايىم ەستە ساقتايتىنىن اتاپ وتتى.

بولىسۋ:

پىكىر جازۋ


*