جەتىسۋدىڭ وركەندەۋىنە جوعارى باعا بەردى

1295
0
بولىسۋ:

مەملەكەت باسشىسى الماتى وبلىسىنا جاساعان بۇل جولعى جۇمىس ساپارىن وزىنىڭ كىندىك قانى تامعان قاراساي اۋدانىنا ارنادى. جالپى, جەتىسۋ جەرىندە جاڭالىقتار مەن جاقسىلىقتار جەتەرلىك. سونىڭ ىشىندە وبلىستاعى ەڭ ىرى ارى ىرگەلى اۋدانداردىڭ بىرى قاراسايدا حالىقتىڭ كوكەيىندەگىنى دوپ باسقان وڭ قادامدار بارشىلىق. ەلباسىنىڭ قازاقستان حالقىنا ارناعان بيىلعى جولداۋى مەن «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعانداردى باسشىلىققا الىپ, باعدار تۇتقان جەر ۇيىعى جەتىسۋداعى جارقىن ىستەر ەلباسى تاراپىنان لايىقتى باعاسىن الدى.

تۋعان جەرىنىڭ تابالدىرىعىن اتتاسىمەن نۇرسۇلتان ابىشۇلى ات باسىن بىردەن وسىدان بىراز بۇرىن عانا اشىل­عان «باتىر بابالار» مەموريالىنا بۇردى. وبلىس اكىمى اماندىق باتالوۆ اسا مارتەبەلى قوناققا مادەني كەشەننىڭ قۇرىلىمىن ەگجەي-تەگجەيلى تانىستىرعاننان كەيىن, مەموريال ىشىن ارالاپ كورۋدى ۇسىندى. وبلىستىق مادەنيەت, مۇراعات جانە قۇجاتتاما باسقارماسىنىڭ باسشىسى اقان ابدۋاليەۆ سىرتقى پىشىنى دە رۋحانييات ورداسى ەكەنىن بىلدىرەتىن ەرەكشە مۋزەيدىڭ ىشىندەگى ەكس­پوناتتار مەن كورمەلەر ەلىمىزدىڭ سوناۋ ساق داۋى­رىنەن باس­تالاتىن, بۇگىنگە دەيىن تاريحىن قامتيتىنىن جەت­كىزدى.
كورگەنىنە كوڭىلى تولعان مەملەكەت باسشىسى وسىن­دا وزىمەن جۇزدەسۋگە كەلگەن جەتىسۋ وڭىرىنىڭ زييالى قاۋىم وكىلدەرىمەن ەمەن-جارقىن اڭگىمەلەستى.
– سىزدىڭ جارقىن باستاماڭىزبەن ومىرگە جولداما العان «بولاشاققا باعدار: رۋحاني جاڭعىرۋ» باعدارلا­ماسىن جەتىسۋلىقتار تايلى-تۇيا­عى قالماي قولداۋدا. ماقالا جارييالانعان كەزدەن باستاپ «تۋعان جەرگە تۋىڭدى تىك» جوباسى اياسىندا 90-نان استام يگىلىكتى ىس جۇ­زەگە اسىرىلدى. سونىڭ بىرى – بۇگىن وزىڭىز اتباسىن ار­نايى بۇرعان «باتىر با­با­لار» مەموريالى, – دەدى جەرلەستەرىنىڭ اتىنان سوز العان حالىقارالىق «الاش» ادەبي سىيلى­عىنىڭ يەگەرى, الماتى وبلىستىق «جەتىسۋ» گازە­تىنىڭ باس رەداكتورى امىرە ارىن.
قازاقستان حالقى اسسامبلەياسىنىڭ مۇ­شەسى ناتاليا حومەنكو, الماتى وبلىسى مەن جامبىل اۋدانىنىڭ قۇرمەتتى ازا­ماتى, جامبىل اۋداندىق ماسليحاتىنىڭ دەپۋتاتى ارى قوعامدىق كەڭەستىڭ توراعاسى اسكەربەك اباەۆ ەلىمىزدە حالىقتىڭ تۇر­مىس-تىرشىلىگى بارىنشا جاق­سارىپ, بىلىم, مەديتسينا سىندى سالالاردىڭ ماسەلەلەرى وڭ شەشىمىن تاۋىپ وتىرعانىن, جولداردىڭ جوندەلىپ جاتقانىن ايتىپ, ەلباسىعا ەلىنىڭ العىسىن بىلدىردى.
– تالدىقورعانعا دەيىنگى جولمەن تا­لاي جۇرىپ ەدىم. قازىرگى كەزدەگى جاع­دايى­نىڭ جاقسارعانىن ەستىپ, بىلىپ وتىرمىن. الداعى كەزدە تالدىقورعاننان وسكەمەنگە دەيىن­گى جول دا وسىلاي كۇردەلى جوندەۋدەن وتكىزىلەدى.
وزدەرىڭىز دە ەستىپ جاتقان بولارسىزدار, وسىنىڭ ال­دىن­دا عانا الماتىدا ۇلكەن جيىن بولىپ, وڭىردىڭ وركەن­دەۋى جايىن تالقىلادىق. بىراز نارسە ايتىلدى. وبلىستىڭ اكىمى اماندىق باتالوۆ جاقسى جۇمىس ىستەپ جاتىر. ونىڭ باسشىلىعىمەن اتقارىلعان ىستەرگە مەنىڭ كوڭىلىم تولادى. بۇ­رىن اقساڭقىراپ تۇرعان بىراز شارۋانىڭ باسى قايىرىلدى. باسقانى ايتپاعاندا, سوڭعى جىلدارى جەتىسۋ قانت قىزىلشاسى وندىرىسىنىڭ جوعالا باستاعان داڭقى قايتا ورالدى. تالدى­قورعاندى دا وسىدان بىراز جىل بۇرىن­عىمەن سالىستىرا المايسىڭ, كورىكتەنىپ, كەڭەيە تۇسكەن. وڭىردىڭ دامۋىنا بۇگىنگە دەيىن سالىنعان جانە الداعى كەزدە قۇرىلىسى قولعا الىناتىن جولداردىڭ ىقپالى زور ەكەنى سوزسىز. الماتى اينالىپ وتەتىن جولدىڭ شارۋاسى دا ىڭعايلانىپ قالدى. الداعى كەزدە الماتى قالاسى مەن الماتى وبلىسى وز الدارىنا جەكە-جەكە دامي بەرمەك, – دەگەن مەملەكەت باسشىسى الماتى وبلىسىنىڭ دال قازىرگى كەزدەگى دامۋ قارقىنىنا جوعارى باعا بەردى.
سونداي-اق پرەزيدەنت اۋدانداعى دە­نەشىنىقتىرۋ جانە ساۋىقتىرۋ كەشەنىنىڭ قۇرىلىسىنىڭ تۇسىنا دا ايالدادى. بۇل نىساننىڭ قۇرىلىسى دا جەكە قاراجات ەسەبىنەن جۇرگىزىلۋدە. دەنەشىنىقتىرۋ جانە ساۋىقتىرۋ كەشەنىندە بوكس جانە كۇرەس زالدارى, جۇزۋ باسسەينى, تەننيس كورتى, جاتتىعۋ جانە امبەباپ سپورت زالدارى, 1000 ورىندىق ستاديونى بار فۋت­بول الاڭى, سونداي-اق مە­ديتسينالىق كا­بينەت پەن كافە ورنالاساتىن بولادى.
جەتىسۋ جەرىن تاماشالاعان ەلباسى الماتى قالاسى مەن الماتى وبلىسىنا جۇمىس ساپارىنىڭ قورىتىندىسى بويىنشا مالىمدەمە جاسادى.
– الماتى قالاسى اكىمدىگى جۇرتشىلىقپەن بىرلەسىپ, ينفراقۇرىلىمدى جۇيەلى تۇردە جاقسارتۋعا, تۇرعىندار­دىڭ جايلى ومىر سۇرۋى ۇشىن جاعداي جاساۋعا باعىتتالعان جۇمىستاردى تابىستى اتقارىپ جاتقانىن اتاپ وتكىم كەلەدى, – دەدى ەلباسى.
بۇدان بولەك, ەلباسى الماتى وبلىسىندا دا كوپ جۇ­مىستاردىڭ اتقارىلىپ جاتقانىن اتاپ وتتى. سونىڭ ىشىن­دە, وڭىردىڭ الەۋمەتتىك-ەكونوميكالىق دامۋى وزىق قار­قىن­مەن جۇزەگە اسىرىلۋدا. بۇل اسىرەسە اۋىل شارۋاشى­لىعى, قۇرىلىس, كولىك-ترانزيت سالالارىندا ايقىن بايقالۋدا.

بولات اباعان,
الماتى وبلىسى

بولىسۋ:

پىكىر جازۋ


*