سەناتورلار «قورعاس» ورتالىعىندا بولدى

834
0
بولىسۋ:

پارلامەنت سەناتىنىڭ 2017 جىلعا ارنالعان نەگىزگى شارالار جوسپارىنا سايكەس, پالاتانىڭ سەناتور داريعا نازارباەۆا باسشىلىق ەتەتىن حالىقارالىق قاتىناستار, قورعانىس جانە قاۋىپسىزدىك كوميتەتى الماتى قالاسى مەن الماتى وبلىسىندا مەملەكەتتىك شەكارانى قورعاۋ ماسەلەلەرى بويىنشا كوشپەلى وتىرىس وتكىزدى.

كوشپەلى وتىرىس اياسىندا دەپۋتاتتار «قورعاس» حالىقارالىق شەكارالىق ىن­تىماقتاستىق ورتالىعىندا بولىپ, ونىڭ قازاقستان جانە قىتاي بولىگىنىڭ جۇ­مىسىمەن تانىستى. سەناتورلارعا ورت­ا­لىقتىڭ جەكەلەگەن جوبالارى تانىس­تىرىل­دى, سونداي-اق ولار ورتالىق اۋما­عىندا ىسكە اسىرعان ينۆەستيتسييالىق جوبالار تۋرالى حاباردار ەتىلدى.
ودان باسقا, كوميتەت مۇشەلەرى ساپار بارىسىندا «شىعىس» ايماقتىق باسقار­ما­سىنىڭ «قورعاس» شەكارا زاستاۆاسىندا جانە جاركەنت شەكارا وتريادىندا بولدى. دەپۋتاتتار تەحنيكالىق جابدىق­تالۋ جانە جاۋىنگەرلىك كەزەكشىلىكتى ۇيىم­داستىرۋ بارىسىمەن, سونداي-اق جەكە قۇرامنىڭ تۇرمىس جاعدايىمەن دە تانىستى.
بولىمشە باسشىسى ر.رامازانوۆ دە­پۋتات­تارعا وتريادتىڭ كۇندەلىكتى جاۋىن­گەر­لىك قىزمەتى, سونداي-اق جاۋاپتى بولىك­تىڭ قازىرگى جاعدايى تۋرالى باياندادى.

ەرىك ەردەنوۆ

بولىسۋ:

پىكىر جازۋ


*