سانامىزدى جاڭعىرتۋ – قوعام ۇشىن ماڭىزدى

1141
0
بولىسۋ:

جامبىل وبلىسىنا ىسساپارمەن كەلگەن ەلباسى نۇرسۇلتان نازارباەۆ الدىمەن, «كونە تاراز» تاريحي-مادەني ورتالىعىنداعى دوستىق ۇيىنە باردى. قازاقستان حالقى اسسامبلەياسى ورنالاسقان دوستىق ۇيىنىڭ جاڭا عيماراتىن ارالاپ كورگەن پرەزيدەنت جامبىل وبلىسىنىڭ ەتنومادەني بىرلەستىكتەرىنىڭ وكىلدەرىمەن اڭگىمەلەستى.

– مەن سىزدەرگە وزبەكستان مەن تۇركىمەنستانداعى سا­­پار­لارىمنان سوڭ كەلىپ وتىرمىن. بىزدىڭ كەز­دەسۋ­لەرى­مىز بەن ۋاعدالاستىقتارىمىزدىڭ ناتيجەسىندە, وسى­عان دەيىن بولعان كەدەرگىلەردىڭ بارلىعى الىنىپ تاس­تالدى. بۇ­گىندە جاقىن كورشىلەرىمىزبەن تيىمدى ىن­تىماقتاسۋ ۇشىن بارلىق جاعداي جاسالعان, – دەدى پرە­زيدەنت. سون­داي-اق ەلباسى «بولاشاققا باعدار: رۋحاني جاڭ­عىرۋ» ماقالاسىنىڭ وزەكتى تۇستارىنا ەرەكشە توقتالدى.
– سانامىزدى جاڭعىرتۋ – قوعام ۇشىن قاي كەز­دە­گى­دەن وتكىر ماسەلە بولىپ تۇر. اقپاراتتىق-تسيفرلىق زا­مان­دا بىر ورىندا تۇرۋعا بولمايدى, بۇگىنگى تالاپتار مەن جاعدايعا سايكەس جەتىلىپ, وزگەرىپ وتىرۋ قاجەت. ادام­دارمەن بىرگە بۇكىل قوعام دا باسەكەگە قابىلەتتى بولۋ­عا تيىس, – دەپ تۇيىندەدى مەملەكەت باسشىسى. نۇرسۇلتان نازارباەۆ قازاقستان حالقى اسسامبلەياسىنىڭ بىرەگەيلىگىنە جانە مەملەكەتتىك تىلىمىزدىڭ لاتىن الىپبيىنە كوشۋىنىڭ ماڭىزدىلىعىنا نازار اۋداردى. «مەن تۇراقتىلىق پەن حالقىمىزدىڭ بىرلىگى دامۋى­مىز­دىڭ كەپىلى بولىپ سانالاتىنىن اردايىم ايتىپ جۇرە­مىن. لاتىن الىپبيىنە وتۋ ماسەلەسىن دۇرىس تۇسىنگەن جون. تىل حالقىمىزدى ودان ارى بىرىكتىرۋ ۇشىن جەتە­لەۋ­گە تيىس» دەپ قورىتىندىلادى قازاقستان پرەزيدەنتى. سوڭىن­دا ەلباسى «كونە تاراز» تاريحي-ارحەولوگييالىق سايا­باعىنىڭ اۋماعىندا جۇرگىزىلىپ جاتقان ارحەو­لو­گييالىق قازبا جۇمىستارى بارىسىندا تابىلعان ەكس­پوناتتاردى كوردى. ايتا كەتەرلىگى, وبلىس ورتالىعىنداعى دوس­تىق ۇيىندە بۇگىندە 175 قوعامدىق كەلىسىم كەڭەسى,
27 انالار كەڭەسى, 12 اقساقالدار كەڭەسى, 12 مەدياتسييا كا­بي­نەتى, قازاقستان حالقى اسسامبلەياسى كافەدراسى, عى­لىمي-ساراپتامالىق توپ, قولونەر شەبەرلەرىنىڭ كلۋ­بى جانە «اق جەلكەن» جاستار بىرلەستىگى جۇمىس ىستەيدى.
سونىمەن قاتار مەملەكەت باسشىسى وبلىستاعى جۇ­مىس ساپارى كەزىندە «كازۋپاكترەيد» زاۋىتىندا بولدى. كاسىپورىن قۇرىلىس ماتەريالدارىن شىعارۋمەن اينالىسادى. «كازۋپاكترەيد» جشس-ى باسشىسى نۇرلان الجانقۇلوۆ ەلباسىن گيپس جانە گيپسوكارتون ون­دىرەتىن كاسىپورىننىڭ جۇمىسىمەن تانىستىردى. كا­سىپورىن يندۋستريالدى-يننوۆاتسييالىق دامۋ باعدار­لاماسى شەڭبەرىندە ىسكە قوسىلعان. جوبانىڭ قۇنى 1 725,0 ملن تەڭگە. جوبانىڭ جىلدىق قۋاتتىلىعى – 150,0 مىڭ تون­نا. كاسىپورىندا 75 ادام جۇمىس ىستەيدى. 2017 جىل­دىڭ قاڭ­تار-تامىز ارالىعىندا وبلىس بويىنشا ونەر­كاسىپ ونى­مىنىڭ كولەمى 226,9 ملرد تەڭگەنى قۇراپ (2016 جىل – 225,4 ملرد تەڭگە), وتكەن جىلدىڭ تيىستى كە­­­زەڭى­مەن سا­لىس­تىرعاندا ناقتى كولەم يندەكسى 100,6 پايىزدى قۇرا­­دى.
يندۋسترييالاندىرۋ باعدارلاماسىنىڭ ەكىنشى بەس­جىلدىعىندا وبلىستا جالپى قۇنى 557,2 ملرد تەڭگەنى قۇرايتىن 34 ينۆەستيتسييالىق جوبا جۇزەگە اسىرىلۋدا. جوبالاردى ىسكە اسىرۋ بارىسىندا قۇرىلىس جۇمىستارى كەزەڭىندە 6500 جانە ىسكە قوسىلۋ كەزەڭىندە 5900 جاڭا جۇمىس ورىننىڭ اشىلۋى جوسپارلانۋدا. كازىرگى تاڭدا قۇنى 35,8 ملرد تەڭگەنى قۇرايتىن 20 ينۆەستيتسييالىق جوبا ىسكە اسىرىلىپ, 1215 جاڭا جۇمىس ورنى اشىلدى. بيىل­عى جىلى سوماسى 17,3 ميلليارد تەڭگە بولاتىن 13 جوبا جۇزەگە اسىرىلىپ, 1400 جاڭا جۇمىس ورنى اشىل­دى. وعان قوسا, رەسەيلىك «ەۆروحيم» كومپانيياسىمەن اۋ­قىمدى ينۆەستجوبانى جۇزەگە اسىرۋدى جالعاستىرۋدا.
جالپى, وبلىستا يندۋستريالداندىرۋ كارتاسى ايا­سىندا 53 كاسىپورىن اشىلىپ, وعان 159 ميلليارد تەڭگە ينۆەستيتسييا تارتىلعان. ناتيجەسىندە, 6200 جاڭا جۇمىس ورنى اشىلدى. ەلباسى تۇرلى مەملەكەتتىك جوبالار مەن باعدارلامالاردى ىسكە اسىرۋ ناتيجەسىندە جامبىل وب­لىسى قۋاتتى يندۋسترييالىق وڭىرگە جانە ەلىمىزدىڭ حي­مييا ونەركاسىبىنىڭ ورتالىعىنا اينالۋعا تيىس ەكەنىن اتاپ وتتى. سوڭىندا ەلباسى «قازۋپاكترەيد» جشس-نىڭ جۇمىس­شىلارىمەن جانە باسشىلىعىمەن اڭگىمەلەسىپ, ەڭبەكتەرىنە تابىس تىلەدى.
سونىمەن قاتار پرەزيدەنت تاراز قالاسىنداعى اي­شا بيبى كوشەسىندەگى جول وتكەلىندەگى قۇرىلىس جۇ­مىس­تارىمەن تانىستى. جالپى, قۇنى 1 917,311 ميلليون تەڭگەنى قۇرايتىن جوبانى ىسكە اسىرۋعا 2016 جىلى رەسپۋبليكالىق بيۋدجەتتەن 1 119,0 ميلليون تەڭگە, 2017 جىلى وبلىستىق بيۋدجەتتەن 709,1 ميلليون تەڭگە بو­لىندى. قايتا جاڭعىرتۋدان وتكەن جول وتكەلى پايدالانۋعا بەرىلىپ, قالانىڭ تەمىر جولدىڭ ارعى بەتىندەگى بولىگىمەن قاتىناسۋ وڭتايلانا تۇستى. جالپى, جامبىل وبلىسى­نىڭ اۋماعىمەن جالپى ۇزىندىعى 1237 شاقىرىم بو­لاتىن رەسپۋبليكالىق ماڭىزى بار اۆتوموبيل جولى وتەدى. سونىمەن بىرگە, وڭىردە جالپى ۇزىندىعى 495 شا­قىرىم­دى قۇرايتىن «باتىس ەۋروپا-باتىس قىتاي» حا­لىقارا­لىق ترانزيتتى دالىزىنىڭ قايتا جاڭارتۋ جۇ­مىستارى دا اياقتالدى. حالىقارالىق اۆتوجولدى جاڭ­عىرتۋ جۇمىس­تارى كەزىندە 22 كوپىر, 15 جول وتكەلدەرى, 643 سۋ وتكىزۋ قۇبىرى, 11 كولىكتىك جولايرىعى سالىندى. قا­­زىرگى تاڭدا «با­تىس ەۋروپا-باتىس قىتاي» اۆتو­جولى­مەن تاۋلىگىنە 7 500 كولىك وتەدى. سول سەكىلدى, وبلىس اۋما­عىن­داعى رەس­پۋبليكالىق مانى بار «مەركى-شۋ-بۋرىل­باي­تال» اۆتو­جولىنا قايتا جاڭعىرتۋ جۇمىستارى جۇر­گىزى­لىپ جاتىر. اتاپ ايتقاندا, «مەركى-شۋ-بۋرىل­باي­تال» اۆتوموبيل جولىنىڭ 7-273 شاقىرىمى ارا­لى­عىنداعى جولداردى ساپاسىنا قاراي ى جانە ىى ساناتتى ەتىپ قايتا جاڭعىرتۋ­دان وتكىزۋ جوسپارلانۋدا. ايتا كەتەرلىگى اعىمداعى بيىل قاڭتار-شىلدەدە وبلىس كو­لىك­تەرىمەن (كوم­مەرتسييالىق تاسىمالداۋمەن اينالى­سا­تىن ۇيىمدار مەن كاسىپكەرلەر تاسىعان جۇك كولەمىن باعا­لاۋدى ەسەپكە العاندا) 49419,6 مىڭ توننا جۇك تا­سى­مالداندى, بىل­تىرعى جىلدىڭ سايكەس كەزەڭىمەن سالىس­تىرعاندا ونىڭ كولەمى 5,3 پايىزعا كوبەيدى.

 

ەرمان ابديەۆ

جامبىل وبلىسى

بولىسۋ:

پىكىر جازۋ


*