قازاق-وزبەك قاتىناسى جاقسارا تۇسەدى

1209
0
بولىسۋ:

نۇرلان نىعماتۋليننىڭ توراعالىعىمەن ماجىلىس بيۋروسىنىڭ وتىرىسى وتىپ, وندا پالاتانىڭ الداعى جالپى وتىرىسىندا قارالاتىن ماسەلەلەر ايقىندالدى. جيىننىڭ كۇن تارتىبى جوباسىنا سايكەس, قالاۋلىلار راتيفيكاتسييالىق زاڭ جوبالارىن قارايدى دەپ كۇتىلۋدە.

اتاپ ايتقاندا, پالاتا تالقى­لاۋىنا قازاقستان مەن وزبەكستان اراسىنداعى حالىقارالىق اۆتوموبيل قاتىناسى تۋرالى كەلىسىمگە تۇ­زەتۋ­لەر شىعارىلماق. ونداعى جاڭا­شىلدىقتار ەكى ەل اراسىنداعى جولاۋ­شىلار تاسىمالىن جۇزەگە اسىرۋ ۇشىن قاجەتتى قۇقىقتىق نەگىزدى تۇزۋگە, سونداي-اق قازاقستان مەن وزبەكستان اراسىنداعى ىسكەرلىك بايلانىستاردى تەرەڭدەتۋگە جانە ساۋدا-ەكونومي­كالىق ىنتىماقتاستىقتى بەلسەندى دامىتۋعا باعىتتالادى.
وسى قاتاردا حالىقارالىق اۆتومو­بيل تاسىمالى تۋرالى قازاقستان مەن نورۆەگييا اراسىنداعى كەلىسىم دە قالاۋلىلار تالقى­سىنا تارتىلادى.
سونداي-اق كۇن تارتىبى جوباسىنا سايكەس, پالاتا وزىنىڭ بەيىندى كوميتەتتەرىنە بىرقاتار جاڭا زاڭ جوبالارى بويىنشا قورىتىندى ازىرلەۋ مەرزىمدەرىن بەلگىلەپ بەرۋى قاجەت. بۇلاردىڭ اراسىندا ۇجىمدىق قاۋىپسىزدىك شارت ۇيىمى شەڭبەرىندەگى قۇپييا اقپاراتتىڭ ساقتالۋىن وزارا قامتاماسىز ەتۋ تۋرالى كەلىسىمگە تۇزەتۋ ەنگىزەتىن راتيفيكاتسييالىق اكتى, سونىمەن بىرگە, ازىق-تۇلىكتىك قاۋىپسىزدىك بويىنشا يسلام ۇيىمى مەن قازاقستان اراسىنداعى شتاب-پاتەر تۋرالى كەلىسىم بار.
بۇدان بولەك بيۋرو وتىرىسىندا 2017 جىلعى 21-22 قىركۇيەك ارا­لىعىندا سولتۇستىك قازاقستان وبلىسىندا ماجىلىستىڭ اگرارلىق ماسەلەلەر جونىندەگى كوميتەتىنىڭ كوشپەلى وتىرىسىن وتكىزۋ ماسەلەسى قارالدى.

ەرىك ەردەنوۆ

بولىسۋ:

پىكىر جازۋ


*