جىلىجايدى دامىتۋعا ىنتالى

1152
0
بولىسۋ:

الماتى وبلىسى اكىمدىگىنىڭ قولداۋىمەن قازاقستانداعى نيدەرلاندى كورولدىگى ەلشىلىگىنىڭ ۇيىمداستىرۋى­مەن تالدىقورعاندا بولعان رەسمي كەزدەسۋدە نەگىزىنەن ەكى ەل اراسىنداعى اۋىل­شارۋا­­شىلىعى سالاسىنىڭ ىنتىماقتاستىعى جونىندە سوز بولدى. نيدەرلاندى كورولدىگى ەلشىلىگىنىڭ الماتى قالاسىنداعى كەڭسەسىنىڭ باسشىسى ۆ.روگگەنكامپ باستاعان شەتەلدىك دەلەگاتسييانى قابىلداعان الماتى وبلىسى اكىمىنىڭ ورىنباسارى س.بەسكەمپىروۆ وزىنىڭ كىرىسپە سوزىندە وبلىستاعى اۋىل شارۋاشى­لىعى سالاسىنداعى باسىم­دىق­قا يە باعىتتاردىڭ بۇگىنگى جاي-كۇيى مەن الداعى كەزگە ارنالعان دامۋ جوسپارىن ورتاعا سالدى.
– الماتى وبلىسى – اگرارلىق-يندۋسترييالىق وڭىر. ەلىمىزدەگى اۋىل شارۋاشىلىعى ونىمدەرىنىڭ 17 پايىزى وسى وبلىستا وسىرىلىپ, وندىرىلەدى. ايماقتا 8 ميلليون گەكتار اۋىل شارۋاشىلىعى ال­قاپتارى بولسا, سونىڭ ىشىندەگى 950 مىڭ گەكتارعا اۋىل شارۋا­شىلىعى داقىلدارى ەگىلەدى. ونىڭ اراسىندا داندى داقىلدار, جەمىس-جيدەك, كوكونىس, قانت قى­زىلشاسى, مايبۇرشاق جانە تاعى باسقالار بار. ناقتى ايتقاندا, وڭىردە وسەتىن داقىلدار مەن كوكونىس جانە جەمىستەردىڭ بار­لىعى قامتىلعان. بيىلدان باس­-تاپ جاڭعاق وسىرۋدى قولعا الدىق. ەكى مىڭ گەكتاردان استام القاپ­قا جاڭعاق جايقالتۋ ويدا بار. جىلىجاي شارۋاشىلىعىنا كە­لەر بولساق, قازىرگى كەزدە وبلىستا 80 گەكتار جىلىجاي جۇمىس ىستەپ تۇر. جىل سوڭىنا دەيىن تاعى 38 گەكتار جىلىجاي پايدالانۋعا بەرىلەدى. نەگىزىنەن ولاردا قييار مەن قىزاناق جانە دامدەۋىش شوپتەر وسىرەمىز. بۇگىنگى كۇنى جىلى­­جاي شارۋاشىلىعىن دا­مىتۋ – بىزدەگى ەڭ وزەكتى ماسەلە­-نىڭ بىرى جانە وبلىس اكىمىنىڭ قاتاڭ باقىلاۋىندا. وسى باعىتتا سىزدەرمەن ىنتىماقتاستىق ورنا­تۋعا دايىنبىز. سونىمەن بىرگە
سۇت وندىرىسى سالاسىندا دا بىر­لەس­كەن جوبالار جۇزەگە اسىرساق جا­مان بولماس ەدى. وزدەرىڭىز دە باي­قاعان بولارسىزدار, وبلىستا مال, ونىڭ ىشىندە سۇت شارۋاشىلىعىن دامىتۋعا قاجەتتى جەم-شوپ قورى جەتكىلىكتى, – دەگەن وبلىس اكىمى ورىنباسارىنىڭ حابارلاماسىن مۇقييات تىڭداعان گوللاندييالىق دەلەگاتسييا اتىنان نيدەرلاندى كورولدىگى ەلشىلىگىنىڭ الماتى قالاسىنداعى كەڭسەسىنىڭ باسشىسى ۆ.روگگەنكامپ سوز كەزەگىن الدى.
– بىزدى تالدىقورعاندا قا­بىلداۋعا ۋاقىت تاپقاندارىڭىز ۇشىن العىسىمدى جەتكىزگىم كە­-لەدى. بۇعان دەيىن دە بىرنەشە رەت تالدىقورعاندا بولعان ەدىم. بۇل جولعى ساپارىمدا وبلىس ورتا­لى­عىنىڭ سوڭعى جىلدارى سونشا­لىقتى دامىپ كەتكەنىن كورىپ, تاڭ­عالدىم. بىز سىزدەرمەن ەكى جاققا دا تيىمدى بولاتىن ىنتى­ماقتاس­تىق ورناتۋعا ىنتالىمىز جانە قۋا­نىشتىمىز, – دەدى شەتەلدىك رەسمي قوناق.
سونان سوڭ نەگىزىن گول­لان­­دييالىق اۋىل شارۋاشىلىعى كوم­پانييالارى قۇرايتىن دەلەگاتسييا مۇشەلەرىن تانىستىردى. جىلى­جايلارعا ارنالعان مەتالدى­قۇ­رىلعىلار جاساۋعا, جىلىجايلار سالۋعا, تۇقىمدار مەن گۇلدەردىڭ باداناسىن وندىرۋگە, تۇرلى جاب­دىقتار مەن جارىق بەرۋ تەحني­كالارىن جانە جىلىجايعا قا­جەتتى تاعى باسقا دۇنيەلەردى شى­عارۋعا مامانداندىرىلعان كوم­پانييالار وز ونىمدەرىن ناسيحات­-تاپ قالۋعا تىرىستى.
شەتەلدىكتەر تاراپىنان قويىلعان ساۋالدارعا تيىسىنشە جاۋاپ قايتارعان الماتى وبلىسى اكىمىنىڭ ورىنباسارى كەزدەسۋدى قورىتىندىلاۋ كەزىندە جەتىسۋ جەرىنىڭ وزارا ىنتىماقتاستىققا اردايىم اشىق ەكەنىن تاعى قاي­تالاي مالىمدەدى. وبلىستا قو­لايلى ينۆەستيتسييالىق احۋال قا­لىپتاسقان جانە بارلىق جاع­دايلار جاسالعان. الماتى جانە تالدىقورعان ايماعىندا جىلى­جايلاردى قوسا العانداعى دايىن وندىرىستەردى ورنالاستىرۋعا ار­نالعان, قاجەتتى ينفراقۇرى­لىم­دارمەن قامتاماسىز ەتىلگەن ار­نايى يندۋسترييالىق ايماقتار قالىپتاستىرىلعان. گوللان­دييا­لىق ينۆەستورلار قىزىعۋشىلىق تانىتىپ جاتسا, اكىمدىك تاراپى­نان بارلىق قولداۋ جاسالادى.
وبلىستىق اكىمدىكتەگى رەسمي جۇزدەسۋدەن كەيىن «كوكتەم گراند» قوناقۇيىندە ۇيىمداستىرىلعان سەمينارعا جينالعان وبلىستاعى اۋىل شارۋاشىلىعى سالاسىندا ەڭبەك ەتىپ جۇرگەن جۇزدەن استام كومپانييانىڭ جانە گوللان­دييا­لىقتار تاراپىنان كەلگەن 14 كوم­پانييانىڭ وكىلى قاتىسقان سە­ميناردا ەكىجاقتى ىنتىماقتاس­تىقتى نىعايتۋدىڭ جولدارىن قاراستىرۋ جانە كەلىسىمگە كەلۋ جاراسىمدى جالعاسىن تاپتى.
بولات اباعان,
الماتى وبلىسى

بولىسۋ:

پىكىر جازۋ


*