جان جادىراتقان جاھاندىق كورمە

1161
0
بولىسۋ:

دۇيىم جۇرتتىڭ نازارىن اۋدارتقان, جاڭا تەحنولوگييا جەتىستىكتەرىن بىر ورتاعا جيناعان, قازاقستان جۇرتشىلىعى اسىعا كۇتكەن جىلدىڭ باستى وقيعاسىنا اينالعان EXPO – 2017 كورمەسى 10 قىركۇيەكتە سالتاناتتى تۇردە جابىلادى.

«بولاشاق ەنەرگيياسى» تاقى­رىبىن ارقاۋ ەتكەن كورمە ەلىمىزگە عىلىمي جاڭالىقتاردىڭ دەندەپ ەنىپ, ەكونوميكا سالاسىندا ور­كەن­دەۋ بايقالعانى جاسىرىن ەمەس. ۇش ايعا سوزىلعان كورمەنى تا­ما­شالاعان عالامنىڭ تۇكپىر-تۇكپىرىنەن كەلگەن مەيماندار استانانى ەۋرازييا جۇرەگىندەگى سۇلۋ شاھارعا بالاپ, كورمەگە تام­سانعانىن جاسىرمادى. ماڭىزى جاعىنان دۇنيەجۇزىلىك ەكونو­ميكالىق فورۋمدارمەن, ال تۋريس­تىك تارتىمدىلىعى بويىنشا ەڭ تانىمال الەمدىك دەڭگەيدەگى سپورت­تىق جارىستارمەن سالىس­تىرۋعا تۇرارلىق جاhاندىق اۋ­قىمداعى وقيعانىڭ استانا تورىن­دە وتۋى ەلىمىز جايىندا جاڭا كوز­قا­راستار, ويلار قالىپتاس­تىرعانى انىق. ايتۋلى شاراعا الەمنىڭ 115 ەلىنەن جانە 22 حالىقارالىق ۇيىم­نان كەلگەن قا­تىسۋشىلار بولاشاق ەنەر­گيياسى سالاسىنداعى جاڭا تەح­نولو­گييالاردى ۇسىندى.
قازاقستان ۇشىن بۇل كورمە ۇلكەن جاڭا بەلەس بولدى. بىر جا­عىنان, كورمە تۋريستىك الەۋەتى­مىزدى كوتەرىپ, بارلىق سالاداعى ەكونو­ميكالىق قارىم-قاتىناس­تا­رىمىزدى نىعايتا تۇسكەنى اڭعا­رىلدى. ماسەلەن, وسى ۋاقىت ىشىن­دە تاۋار اينالىمى 20 پا­يىزعا وسسە, ويىن-ساۋىق جانە ساۋدا ورتالىقتارىنا بارۋ جيىلىگى ەكى ەسەگە ارتتى. تۋريزمدە دە جان­دانۋ بايقالدى. تۋريستىك ورتا­لىق­تارعا جۇگىنىپ, قىزمەت ساتىپ الۋشىلار قاتارى 78 پايىزعا ارتتى. اۋە رەيستەرى 1,3 پايىزعا ارتىپ, حەلسينكي, بۋداپەشت, ۆارشاۆا سىندى قالالارعا جاڭا رەيستەر اشىلدى. كۇنىنە 7 مىڭ ادام اۋە قاتىناسىمەن, 16 مىڭ ادام پويىزبەن كەلۋدە.
كورمە الاڭىندا كوزدىڭ جاۋىن العان «نۇر الەم» شارى قالا كوركىن ودان بەتەر اجارلان­دىرا تۇستى. ەڭ تانىمال كورمە پا­ۆيلون­­­­دارى قاتارىنا ەگيپەت, افريكا, تۇركييا, تايلاند, ازىر­بايجان, وزبەكستان, ۇندىستان, رە­سەي, جاپونييا جانە ساۋد ارا­بيياسىنىڭ الاڭدارى كىردى. نەگى­زىندە, كەلۋشىلەر سانى 2 ميل­ليون ادام, ال پاۆيلونداردى ارالاۋ جيىلىگى 5 ميلليون ادام بولادى دەگەن بولجام جاسالعان بولاتىن. الايدا كورمەنىڭ جابىلۋىنا 37 كۇن قالعاندا بۇل كورسەتكىشتەردى دە ەڭسەردىك.
ەلباسى EXPO – 2017 كورمە­سىندە تانىستىرىلعان جوبالارعا جوعارى باعا بەرىپ, بۇل وزگە ەل­دەردەن تىڭ تەحنولوگييالاردى ۇي­رە­نەتىن ۇلكەن تاجىريبە الاڭى بول­عانىن باسا ايتتى. تاعى بىر ايتا كەتەرلىگى, EXPO – 2017 نىساندارى كور­مەدەن كەيىن دە قولدانىسقا بە­رىلە­دى. قازىردىڭ وزىندە حالىق­ارا­لىق بانكتەر, بۇقارالىق اق­پا­رات قۇ­رالدارى وسى جەردەن وز كەڭ­سەلەرىن اشۋعا قىزىعۋشىلىق تانىتۋدا.

اقبوتا يسلامبەك

بولىسۋ:

پىكىر جازۋ


*