قازاقستان وز تاڭداۋىن جاسادى

1586
1
بولىسۋ:

قازاقستان پرەزيدەنتى ماگاتە-نىڭ تومەن بايىتىلعان ۋران بانكىنىڭ اشىلۋ راسىمىنە قاتىستى. راسىم بارىسىندا قازاقستان پرەزيدەنتى ماگاتە-نىڭ باس ديرەكتورى يۋ.امانوعا ۇلبى مەتاللۋرگييا زاۋىتىنىڭ اۋماعىندا ورنالاسقان تومەن بايىتىلعان ۋران بانكىنىڭ سيمۆولدىق كىلتىن تابىس ەتتى.

مەملەكەت باسشىسى قۇتتىقتاۋ سوزىندە بۇگىنگى شارانىڭ قازاقستان مەن بۇكىلالەمدىك قوعامداستىق ۇشىن ماڭىزى زور ەكەنىن اتاپ وتتى.
نۇرسۇلتان نازارباەۆ تاۋەلسىزدىك جىلدارىندا قازاقستان الەمنىڭ يادرولىق قارۋى بار تورتىنشى ەلىنەن ونى تاراتپاۋ جاعىنان جاھاندىق كوشباسشى مەملەكەتكە اينالعانعا دەيىنگى قارقىندى دامۋ جولىنان وتكەنىن ايتتى.
– وسى كۇنى, 1991 جىلعى 29 تامىزدا, مە­نىڭ جارلىعىممەن الەمدەگى ىرى پولي­گون – سەمەي يادرولىق سىناق پوليگونى جابىلدى. بۇگىندە بۇكىل الەم 29 تامىزدى يادرولىق سىناقتارعا قارسى حالىقارالىق ىس-قيمىل كۇنى رەتىندە اتاپ وتەدى. قازاقستاندا قۋاتتى يادرولىق قارۋدىڭ بولۋى تاعى بىر ماسەلە بولدى. قازاقستان ىس-ارەكەتى ارقىلى يادرولىق ارسەنال پروبلەماسىمەن بەتپە-بەت كەلگەن باسقا دا ەلدەرگە جول كورسەتتى, – دەدى مەملەكەت باسشىسى.
نۇرسۇلتان نازارباەۆ قازاقستان ماگاتە-گە تومەن بايىتىلعان ۋران بانكىن ورنالاستىرۋعا مۇمكىندىك بەرىپ, يادرولىق وتىندى تاراتپاۋ جونىندەگى رەجيمدى نىعايتۋعا جانە ونى قاۋىپسىز جەتكىزۋدىڭ بىرەگەي تەتىگىن قالىپتاستىرۋعا ەلەۋلى ۇلەس قوسقانىن ايتتى.
– تومەن بايىتىلعان ۋران بانكى ماگاتە-نىڭ تولىق باقىلاۋىمەن جۇمىس ىستەپ, رەسمي تۇردە ونىڭ زاڭدى مەنشىگىندە بولاتىنىن اتاپ وتەمىن. سوندىقتان ماگاتە باسشىلىعىنا جانە بانك دونورلارىنا وسى ماڭىزدى جوباعا زور ۇلەس قوسقانى ۇشىن ريزاشىلىق بىلدىرە­مىن, – دەدى قازاقستان پرەزيدەنتى.
مەملەكەت باسشىسى يادرولىق ەنەرگە­تيكانى دامىتۋدىڭ وزەكتىلىگىنە نازار اۋدارىپ, ونى ارى قاراي جاڭعىرتۋدىڭ پەرسپەكتيۆالارىنا توقتالدى.
– بىز – ىرى ۋران وندىرىسىمەن اينا­لىساتىن ەلمىز جانە الەمدىك ەنەرگەتيكادا ماڭىزدى رول اتقارۋعا ازىرمىز. سونداي-اق قازاقستان جاھاندىق «جاسىل» ترەند ارناسىندا تۇر. سوندىقتان بىز استانادا بولاشاقتىڭ ەنەرگيياسىنا ارنالعان حالىقارالىق EXPO كورمەسىن وتكىزىپ جاتىرمىز, – دەدى نۇرسۇلتان نازارباەۆ.
بۇدان بولەك قازاقستان پرەزيدەنتى جاھاندىق پروبلەمالار جونىندەگى پا­گۋوش عالىمدار قوزعالىسىنىڭ 62-سەس­سيياسىنا قاتىسۋشىلاردى وسى قوزعا­لىستىڭ 60 جىلدىق مەرەيتويىمەن قۇت­تىقتادى.
مەملەكەت باسشىسى يادرولىق قارۋدىڭ تارالۋ ماسەلەلەرىنە جانە ادامزات ۇشىن ونى قولدانۋدىڭ قاۋىپتى سالدارلارىنا توقتالدى.
قازاقستان پرەزيدەنتى نەگىزگى يادرولىق دەرجاۆالار اراسىنداعى سەنىم دەڭگەيىنىڭ تومەن ەكەنىن, سونىڭ ناتيجەسىندە, الەم­دىك قوعامداستىقتا جاھاندىق يادرولىق قاۋىپ­سىزدىك ماسەلەلەرى بويىنشا بىرلىكتىڭ بول­ماي وتىرعانىن ايتتى.
– قازاقستان وز تاڭداۋىن جاسادى. بىز يادرولىق قارۋسىزدانۋ مەن جاھاندىق يادرو­لىق قاۋىپسىزدىكتى دايەكتى تۇردە جاق­تايمىز. بۇل رەتتە بىز يادرولىق قاۋىپسىزدىك تەك امبەباپ ارى ەشكىمدى كەمسىتپەيتىن بولۋى كەرەك دەپ ەسەپتەيمىز. 190-عا جۋىق ەلدى بىرىكتىرەتىن G-GLOBAL باستاماسى وسىعان باعىتتالعان, – دەدى مەملەكەت باسشىسى.
نۇرسۇلتان نازارباەۆ اقش پەن رەسەي اراسىنداعى سانكتسييالىق قارسىلىقتىڭ كۇشەيۋىنە بايلانىستى الاڭداۋشىلىق بىلدىرىپ, ساۋدا-ەكونوميكالىق شيەلەنىس­تەردىڭ كۇش قولدانۋعا ۇلاسۋىن بولدىر­ماۋدىڭ ماڭىزدىلىعىن اتاپ وتتى.
– ححى عاسىرداعى تۇراقتىلىق پەن يادرولىق قاۋىپسىزدىك, ەڭ الدىمەن, رەسمي يادرولىق دەرجاۆالارعا بايلانىستى بو­لادى. ادامزات ۇشىن ولاردىڭ اراسىنداعى قارىم-قاتىناستىڭ ماڭىزى وتە زور. كورەي حالىق دەموكراتييالىق رەسپۋب­ليكاسىنا قاتىستى احۋالعا كەلسەك, بىز بۇۇ قاۋىپسىزدىك كەڭەسىنىڭ 2371-قارارىن تاباندى تۇردە قولدايمىز, – دەدى قازاقستان پرەزيدەنتى.
مەملەكەت باسشىسى حالىقارالىق قارىم-قاتىناستارداعى ساياسي سەنىم مەن جۇيەلى ديالوگتى قالپىنا كەلتىرۋ قاجەت­تىگىن اتاپ وتىپ, قازاقستاننىڭ الەمدىك پروبلەمالاردى شەشۋدەگى ۇلەسى جونىندە ايتتى.
– بىز بىتىمگەرلىك باعىتتى ودان ارى قولداپ, جالعاستىرۋعا دايىنبىز. اتاپ ايتقاندا, قازاقستان ۋكراينانىڭ وڭتۇس­تىك-شىعىسىنداعى داعدارىستى رەتتەۋ جونىندەگى ديالوگقا ىقپال ەتۋگە ازىر. بىز تاراپتاردى قاقتىعىستى ەڭسەرۋ جولىن تابۋعا شاقىرامىز, – دەدى ەلباسى.
قازاقستان پرەزيدەنتى قالىپتاسقان جاھاندىق احۋالدى ەسكەرە وتىرىپ, يادرو­لىق قاۋىپسىزدىكتىڭ جەكەلەگەن ماسەلەلەرىن شەشۋ ماقساتىمەن بىرقاتار يدەيالار ۇسىندى.
سونىمەن بىرگە, نۇرسۇلتان نازارباەۆ ىس جۇزىندەگى بارلىق يادرولىق مەملەكەتتىڭ مارتەبەسىن زاڭداستىرىپ, يادرولىق قارۋى بار ەلدەردىڭ سامميتىن وتكىزۋدى ۇسىندى.
بۇدان بولەك قازاقستان پرەزيدەنتى يادرولىق تەحنولوگييالارى بار, بىراق يادرو­لىق سىناقتارعا جاپپاي تىيىم سالۋ تۋرالى شارتقا قول قويماعان نەمەسە راتيفيكاتسييالاماعان بىرنەشە ەلدەردى اتاپ وتىپ, ولاردىڭ كوشباسشىلارىن كە­شەۋىلدەمەي وسى شارتقا قوسىلۋعا شا­قىردى.
نۇرسۇلتان نازارباەۆ يادرولىق قارۋعا قارسى قوزعالىس ماسەلەسى بويىنشا بار­لىق جاھاندىق باستامالاردى بىرىكتىرۋدى ۇسىنىپ, قازاقستاننىڭ يادرولىق قاۋىپ­سىزدىك جونىندەگى جاھاندىق سامميتتى جاڭارتۋ ۇدەرىسىنە باستاماشى بولۋعا جانە ونىڭ وتىرىسىن استانادا وتكىزۋگە ازىر ەكەنىن ايتتى.
– مەن بۇۇ باس اسسامبلەياسىنىڭ 70-سەسسيياسىندا ۇيىمنىڭ 100 جىلدى­عىندا يادرولىق قارۋسىز بولۋ تۋرالى باس­تاما كوتەردىم. وندا باياندالعان بارلىق تار­ماقتار الەمنىڭ بۇۇ-نىڭ 100 جىل­دىعىن يادرولىق قارۋسىز قارسى الۋىنا باعىت­تالعان. بىز ۇلگى كورسەتە وتىرىپ, يادرولىق قارۋعا ۇمتىلعان ەلدەردى بۇل قاۋىپتى جولدان شىعۋعا شاقىرامىز, – دەدى قازاق­ستان پرەزيدەنتى.
سوڭىندا مەملەكەت باسشىسى جاھان­دىق يادرولىق قاۋىپسىزدىكتى ساقتاۋدىڭ قا­جەت ەكەنىن ايتىپ, قازاقستاندا اشىلعان تومەن بايىتىلعان ۋران بانكى تەك بەيبىت اتومعا عانا ارنالاتىنىن اتاپ وتتى.

بولىسۋ:

1 پىكىر جازىلعان

  1. RosieImilt 28 قازان, 2017 at 10:57 جاۋاپ

    Hello friends!
    I am an official representative of private company which deals with all kinds of written work (essay, coursework, dissertation, presentation, report, etc) in short time.
    We are ready to offer a free accomplishment of written work hoping for further cooperation and honest feedback about our service.
    This offer has limited quantities!!!
    Details on our website: >>> top-essay.work

پىكىر جازۋ


*