قازاقستان پرەزيدەنتى ن.نازارباەۆتىڭ كونستيتۋتسييا كۇنىنە وراي قۇتتىقتاۋى

1595
0
بولىسۋ:

قىمباتتى وتانداستار!

بارشاڭىزدى حالقىمىز ۇشىن ماڭىزى زور مەرەكە – كونستيتۋتسييا كۇنىمەن قۇتتىقتايمىن!
وسىدان 22 جىل بۇرىن جالپىحالىقتىق رەفەرەندۋمدا قابىلدانعان اتا زاڭىمىز قازاقستان رەسپۋبليكاسىنىڭ زايىرلى, قۇقىقتىق جانە بىرتۇتاس مەملەكەت رەتىندەگى بازالىق نەگىزىن قالادى.
كونستيتۋتسييا تاۋەلسىزدىگىمىزدىڭ بەرىك تىرەگىنە, تابىستى دامۋىمىزدىڭ جانە قازاقستاننىڭ حالىقارالىق دەڭگەيدەگى بيىك بەدەلىنىڭ كەپىلىنە اينالدى.
ول ەلىمىزدىڭ باستى قۇندىلىقتارى رەتىندە قوعامدىق-ساياسي بىرلىكتى, كەلىسىم مەن تۇراقتىلىقتى قالىپتاستىردى.
ساياسي جۇيەنىڭ تيىمدىلىگىن ارتتىرۋ جانە مەملەكەتتىگىمىزدىڭ مىزعى­ماس­تىعىن قامتاماسىز ەتۋ باعىتىندا ەلىمىزدە جۇرگىزىلگەن كونستي­تۋتسييالىق رەفورما جاڭا جاھاندىق وزگەرىستەرگە جاۋاپ بەرەدى.
كونستيتۋتسييامىز قازاقستاننىڭ الەمنىڭ وزىق 30 ەلىنىڭ قاتارىنا قوسىلۋى جولىندا جاڭعىرۋ ۇدەرىسىن ودان ارى ىسكە اسىرۋدىڭ, دەموكرا­تييالىق باستامالارىمىزدى نىعايتۋدىڭ, ازاماتتاردىڭ ال-اۋقاتىن كوتەرۋدىڭ جانە قوعامدى بىرىكتىرۋدىڭ ماڭىزدى فاكتورى بولىپ سانالادى.
بارشا قازاقستاندىقتارعا شىن كوڭىلدەن بەيبىت ومىر, تابىس جانە قۇت-بەرەكە تىلەيمىن!

بولىسۋ:

پىكىر جازۋ


*