ەۋروپالىق ۇيىم باسشىسىمەن كەزدەستى

1204
0
بولىسۋ:

سەنات توراعاسى قاسىم-جومارت توقاەۆ اۋسترييا پارلامەنتى فەدەرالدىق جينالىسى ۇلتتىق كەڭەسىنىڭ دەپۋتاتى, ەقىۇ پارلامەنتتىك اسسامبلەياسىنىڭ توراعاسى كريستين مۋتتونەنمەن كەزدەستى.

قاسىم-جومارت كەمەلۇلى ك.مۋتتونەندى ەقىۇ پار­لامەنتتىك اسسامبلەياسىنىڭ توراعاسىنىڭ جوعارى لاۋازى­مىنا قايتا سايلانۋىمەن قۇت­تىقتاپ, وعان تابىستار تىلەدى. سپيكەر قازاقستان ۇشىن پاگۋوش كونفەرەنتسيياسىنىڭ قاتىسۋشىلارىن قابىلداۋ ۇلكەن مارتەبە ەكەنىن اتاپ وتتى.
– بىزدىڭ ەلىمىز جاھاندىق يادرولىق قارۋسىزدانۋ قوزعالى­سىنىڭ كوشباسشىسى رەتىندە الەم نازارىندا. قازاقستان رەسپۋبليكاسىنىڭ پرەزيدەنتى ن.نازارباەۆتىڭ يادرولىق قارۋدى تاراتپاۋ تارتىبىن نىعايتۋ جونىندەگى اۋقىمدى باستامالارى الەمدىك تۇراقتىلىق, تارتىپ پەن قاۋىپسىزدىككە ماڭىزدى ۇلەس قوسادى, – دەدى ق.توقاەۆ.
ەقىۇ پارلامەنتتىك اسسام­بلەيا­سىنىڭ توراعاسى استانادا وتكەن كەزدەسۋلەرى تۋرالى سەنات باسشىسىن حاباردار ەتتى. ك.مۋتتونەن باس پروكۋراتۋرادا, دىن ىستەرى جانە ازاماتتىق قوعام مينيسترلىگىندە بولىپ, پىكىر الماسقان. ونىڭ ايتۋىنشا, قازاقستان مەملەكەتتىڭ زايىرلى پرينتسيپتەرىن نىعايتۋدا, كون­فەس­سيياارالىق ديالوگتى دامى­تۋدا, ازاماتتاردىڭ قۇقىقتارى مەن بوستاندىقتارىن قورعاۋدا قوماقتى تابىستارعا قول جەت­كىزگەن.
پارلامەنتشىلەر حالىقارا­لىق كۇن تارتىبىندەگى وزەكتى ماسەلەلەردى تالقىلادى. ونىڭ ىشىندە, جاقىندا ەقىۇ پا قۇرعان تەرروريزمگە قارسى كۇرەس جونىندەگى كوميتەت اياسىنداعى ىنتىماقتاستىقتىڭ كەلەشەگى دە بار.

بولىسۋ:

پىكىر جازۋ


*