شۆەيتسارييا پرەزيدەنتىمەن كەزدەستى

1171
0
بولىسۋ:

مەملەكەت باسشىسى نۇرسۇلتان نازارباەۆ اقوردادا شۆەيتسارييا كونفەدەراتسيياسىنىڭ پرەزيدەنتى دوريس لويتحاردپەن كەزدەستى. ەلباسى EXPO – 2017 حالىقارالىق مامانداندىرىلعان كورمەسى اياسىندا شۆەيتسارييا ۇلتتىق كۇنىنىڭ اشىلۋىنا قاتىسقانى ۇشىن دوريس لويتحارد حانىمعا ريزاشىلىعىن بىلدىردى.

مەملەكەت باسشىسى شۆەي­تسارييا پرەزيدەنتىنىڭ استاناعا بىرىنشى رەت ساپار جاساپ وتىرعا­نىن ايتتى.
– جۋىردا 1 تامىزدا شۆەي­تسارييادا ۇلتتىق مەرەكە – كون­فەدەراتسييانىڭ قۇرىلعان كۇنى اتاپ وتىلدى. سىزدى وسى سالتاناتپەن قۇتتىقتايمىن. سىز بۇگىن EXPO – 2017 كورمەسىندەگى ەلىڭىزدىڭ ۇلتتىق كۇنىن اشتىڭىز. سىزگە ۇنادى دەگەن ۇمىتتەمىن. سىزدىڭ EXPO – 2017-عا ساپارىڭىز بىز ۇشىن وتە ماڭىزدى, – دەدى قا­زاقستان پرەزيدەنتى.
نۇرسۇلتان نازارباەۆ ەكى ەل اراسىنداعى قالىپتاسقان ىنتى­ماق­تاستى اتاپ كورسەتتى جانە ەكى­جاقتى ەكونوميكالىق ھام ساياسي قارىم-قاتىناستاردىڭ ارى قاراي تەرەڭدەي تۇسەتىنىنە سەنىم بىلدىردى.
– شۆەيتسارييا قازاقستاننىڭ ەۋروپاداعى وتە ماڭىزدى سەرىك­تەسى. بىز وسى قاتىناستارىمىزدى قادىر تۇتامىز جانە ولاردى ودان ارى دامىتقىمىز كەلەدى. ەلدەرىمىز اراسىندا تاۋار اينالىمى وسۋدە. بىز ەلدەگى شۆەيتسارييالىق بيز­نەستىڭ قاتىسىمىنىڭ كەڭەيۋىنە مۇددە­لىمىز. قازىر قازاقستاندا 300 كا­سىپورىن جۇمىس جاسايدى. ولاردىڭ سانى بۇدان دا كوپ بولا الادى. سىزدىڭ ساپارىڭىز بىزدىڭ ەكونوميكالىق جانە ساياسي قا­تىناستىڭ ارى قاراي تەرەڭدەۋىنە سەپتەسەرىنە ۇمىت بىلدىرەمىن, – دەدى قازاقستان پرەزيدەنتى.
ەلباسى شۆەيتسارييا كونفە­دەراتسيياسى پرەزيدەنتىنە قازاق­ستان­داعى ساپارى كەزىندە تاما­شا­لاي الاتىن استاناداعى ار­حي­تەك­تۋرالىق قۇرىلىستار, ساۋلەت تۋىن­دىلارى تۋرالى اڭگىمەلەپ بەردى.
– سوڭعى ون بەس جىل ىشىندە تۇر­عىزىلعان قالاعا بىرىنشى ساپا­رىڭىز سىز ۇشىن قىزىقتى بولدى دەگەن ويدامىن. EXPO وبەكتى­لەرىن بىز 3 جىل ىشىندە جاساپ شىق­تىق. وسىندا, استانادا كوپ­تەگەن بىرەگەي جوبالار جۇزەگە اسى­رىلدى, ولاردىڭ الەمدە تەڭدەسى جوق. ماسەلەن, اتاقتى ساۋلەتشى نورمان فوستەردىڭ بىرەگەي پيراميداسى بوي كوتەردى, – دەدى نۇرسۇلتان نازارباەۆ.
قازاقستان پرەزيدەنتى سونداي-اق كورمە كەشەنىندەگى سفەرا پى­شىندەس «نۇر الەمدى», «حان شاتىر» ساۋدا جانە ويىن-ساۋىق ورتالىعىنىڭ عيماراتىن, «نۇرلى جول» جاڭا ۆوكزالىن, «استانا وپەرا» وپەرا جانە بالەت تەاترى مەن باسقا دا نىسانداردى اتاپ وتتى.
وز كەزەگىندە دوريس لويتحارد ەلباسىعا وسى كەزدەسۋ ۇشىن ال­عىسىن بىلدىردى جانە قازاقستان پرەزيدەنتىن EXPO – 2017 كور­مەسىن تابىستى ۇيىمداستىرۋىمەن قۇتتىقتادى.
– شىنىندا دا, «نۇر الەم» سفەراسى كەرەمەت قايران قال­دى­رادى. مەنىڭشە, كورمە كەشەنىندە ورىن تەبەتىن «استانا» حا­لىقارالىق قارجى ورتالىعى وتە جاقسى دامۋ پەرسپەكتيۆاسىنا يە. سونداي-اق مەن قارىم-قاتىناس­تاردى تەرەڭدەتۋ بويىنشا بىزدىڭ بيزنەس تاراپىنان ۇلكەن قىزى­عۋشىلىق بارىن راستايمىن, – دەدى شۆەيتسارييا كونفەدەرا­تسيياسىنىڭ پرەزيدەنتى.
وسى كۇنى لويتحارد حانىم ەلور­­داداعى ەحرو – 2017 جا­ھان­دىق كورمەسىندە وز ەلىنىڭ ۇلتتىق كۇنىنىڭ اشىلۋ سالتاناتىنا قا­تىسقان بولاتىن. سونداعى سوزىندە ول EXPO – 2017 كورمەسىنە ارقاۋ بولعان «بولاشاق ەنەر­گيياسى» بۇكىل الەمنىڭ ورنىقتى كەلەشە­گىنىڭ ىرگەتاسىن قۇرايتى­نىن قاداپ ايتتى.
لويتحارد حانىمنىڭ ساپارى قازاقستان مەن شۆەيتسارييا ارا­سىنداعى ديپلوماتييالىق قاتى­ناستاردىڭ ورناۋىنىڭ 25 جىل­دىعى اياسىندا وتىپ وتىر. اتاپ وتەر جايت, شۆەيتسارييا – جاسىل ەكونوميكانى دامىتۋعا دەن قويىپ, 2050 جىلعا دەيىنگى «ەنەر­گەتيكالىق ستراتەگييا» قابىلداعان مەملەكەت. ونىڭ تاجىريبەسى جانە جاڭا تەحنولوگييالارى قازاق ەلى ۇشىن قۇندى.

ەلدوس سەنباي

بولىسۋ:

پىكىر جازۋ


*