«نۇرلى جەر» – دامۋدىڭ جاڭا سەرپىنى

1317
0
بولىسۋ:

قر پرەمەر-مينيسترىنىڭ بىرىنشى ورىنباسارى اسقار مامين جۇمىس ساپارىمەن اقتوبە وبلىسىندا بولىپ, وندىرىستىك كاسىپورىندار مەن كولىك كەشەندەرىن, الەۋمەتتىك نىساندارىن ارالادى. «نۇرلى جەر» تۇرعىن ۇي باعدارلاماسىنىڭ جۇزەگە اسىرىلۋ بارىسىمەن تانىسىپ, اتالعان باعدارلامانىڭ ەل ايماقتارىندا جۇزەگە اسۋى بويىنشا جينالىس وتكىزدى.

ساپار بارىسىندا اسقار مامين «نۇرلى جەر» باعدارلاماسى بويىنشا سالىنىپ جاتقان قولجەتىمدى نەسيەلىك ۇيلەردىڭ قۇرىلىسىمەن تانىستى. وبلىس اكىمى بەردىبەك ساپارباەۆ «نۇر اقتوبە» تۇرعىن ۇي ماسسيۆىندە بوي كوتەرىپ جاتقان ۇيلەردىڭ ساپاسى مەن جوبالىق شەشىمدەرىنىڭ ەرەكشەلىكتەرىن اتاپ وتتى.
تۇرعىن ۇي ماسسيۆىنىڭ شاعىن اۋداندارىندا 2017-2018 جىلدارى 423 قولجەتىمدى ۇي سالۋ جوسپارلانىپ وتىر. بيىل جالپى كولەمى 25 مىڭ شارشى مەتردى قۇرايتىن 194 ۇي پايدالانۋعا بەرىلەدى.
سونىمەن قاتار «تاۋنحاۋس» تۇرىندەگى 60 ۇي سالىنۋدا. ونداعى 53,3 مىڭ شارشى مەتردى قۇرايتىن 22 ۇي بيىل پايدالانۋعا بەرىلەدى. نىسانداردى 2017 جىلى پايدالانۋعا بەرۋ وبلىستاعى 1 000 وتباسىنى باسپانامەن قامتاماسىز ەتۋگە مۇمكىندىك بەرەدى.
مۇنداعى قۇرىلىس ماتەريال­دارىنىڭ 85 پايىزى وتاندىق ونىم.
الەۋەتى جوعارى كاسىپورىنداردىڭ بىرى – «اقتوبە مۇناي جابدىقتارى زاۋىتى» جشس-دا ا.مامينگە ەسەپ بەرۋ كەزىندە مۇناي-گاز قون­دىرعىلارى مەن قۇبىرلاردىڭ وندىرىلىپ جاتقاندىعىن ايتىلىپ, دايىن ونىمنىڭ ۇلگىلەرى كورسەتىلدى.
قر پرەمەر-مينيسترىنىڭ بىرىنشى ورىنباسارى اقتوبە رەلس-ارقالىق زاۋىتىنىڭ جۇمىسىمەن تانىستى. بۇل كاسىپورىن ەاەو اۋماعىندا ۇزىندىعى 120 مەترگە دەيىنگى تەرموبەرىك رەلستەردى شىعاراتىن جالعىز وندىرۋشى بولىپ تابىلادى. 2017 جىلدىڭ سوڭىنا دەيىن زاۋىت 100 مىڭ توننا رەلس شىعارادى.
اقتوبەدە «اگرس 300» اۆتومات­تان­دىرىلعان گاز تاراتۋ ستانتسيياسى سالىنعان. ول گاز تاراتۋ كولەمىن ايتارلىقتاي ۇلعايتۋعا مۇمكىندىك بەرەدى. بۇل نىساندى ارالاۋ بارىسىندا ا.مامينگە ايماقتاعى ەلدى مەكەندەردى گازبەن جابدىقتاۋدا قولدانىلىپ جاتقان شارالار تۋرالى حاباردار ەتتى. وبلىس اكىمىنىڭ ايتۋى بويىنشا, سوڭعى ەكى جىلدا اقتوبە وبلىسىن گازداندىرۋ دەڭگەيى 60 پايىزدان 87 پايىزعا دەيىن وسكەن.
اقتوبە قالاسىنىڭ وڭتۇستىك اينالىم اۆتوماگيسترالىن قايتا جاڭ­عىرتۋ جەرگىلىكتى جولدار جەلىسىن­دەگى كولىك ينفراقۇرىلىمىن دامىتۋدىڭ ماڭىزدى جوباسى بولىپ تابىلادى. اتالعان جوبانى جۇزەگە اسىرۋ قالاداعى بارلىق ترانزيتتىك كولىكتى شىعارۋعا, رەسپۋبليكالىق ماڭىزدى جولداردى توعىستىرۋعا جانە باتىس ەۋروپا – باتىس قىتاي حالىقارالىق كولىك دالىزىنە شىعۋعا مۇمكىندىك بەرەدى.
قر پرەمەر-مينيسترىنىڭ بىرىن­شى ورىنباسارى اقتوبە قالاسىنىڭ وڭتۇستىك اينالىم جولى مەن اقتوبە – ورسك اۆتوجولىن قايتا جاڭارتۋ جۇمىستارىمەن تانىستى.
سونىمەن قاتار ا.مامين جالپى كولەمى 9,5 گەكتاردى قۇرايتىن «گرين حاۋس قازاقستان» جىلىجاي كەشەنىندە بولدى. ونىڭ جوبالىق قۋاتى – جىلىنا 6 مىڭ توننا كوكونىستى قۇرايدى. جوبانىڭ جۇزەگە اسۋى وبلىستى كوكونىسپەن تولىقتاي قامتاماسىز ەتىپ, ارتىلعان ونىمدى رەسەيگە ەكسپورتتاۋعا مۇمكىندىك بەرىپ وتىر.
اقتوبە وبلىسىندا مەملەكەتتىك-جەكەشەلىك ارىپتەستىك مەحانيزمىن پايدالانىپ الەۋمەتتىك سالانى دامىتۋعا ەرەكشە نازار بولىنەدى. ول وبلىس بيۋدجەتىن ۇنەمدەۋگە مول مۇمكىندىك بەرەدى.
ا.مامين جۇمىس ساپارى بارى­سىندا «وليمپ» جاڭا حوككەي مودۋ­لىندە, سونىمەن قاتار قازاقستاندا بۇرىن بولماعان جەتىم بالالارعا ارنالعان «مەيىرىم» الەۋمەتتىك ۇيىندە بولدى. سونداي-اق جاستار سارايىنىڭ, «كوز جارعى» زاماناۋي وفتالمولوگييالىق ورتالى­عىنىڭ, اۋىلدىق جەرلەردەگى دارىندى بالا­لاردى قونىستاندىرۋعا ارنال­عان ينتەرناتى بار «سىمبات» جەكەمەنشىك مەكتەبىنىڭ قۇرىلىس بارىسىمەن تانىستى. جاقىن ارادا شىعارماشىلىق اكادەميياسىن اشۋ جوسپاردا بار.
ساپار قورىتىندىسى بويىنشا قر پرەمەر-مينيسترىنىڭ بىرىنشى ورىنباسارى «نۇرلى جەر» تۇرعىن ۇي قۇرىلىسى باعدارلاماسىنىڭ جۇزەگە اسىرىلۋى بويىنشا جينالىس وتكىزدى.
جينالىسقا مەملەكەتتىك ورگان­دار باسشىلارى, استانا جانە الماتى قالالارىنىڭ اكىمدەرى, وبلىس اكىمدەرى, ۇبح, ۇلتتىق كومپانييالار مەن قۇرىلىس ۇيىمدارىنىڭ باسشى­لارى قاتىستى.
– مەملەكەت باسشىسىنىڭ تاپ­­سىر­ماسىمەن بىز «نۇرلى جەر» باعدار­لاماسىن جۇزەگە اسىرۋعا كىرىسەمىز. باعدارلاما ەلىمىزدەگى تۇرعىن ۇي قۇرىلىسىن دامىتۋعا, تۇرعىنداردى باسپانامەن قامتاما­سىز ەتۋگە باعىتتالعان, – دەدى قر پرەمەر-مينيسترىنىڭ بىرىنشى ورىنباسارى.
ينۆەستيتسييالار جانە دامۋ ۆيتسە-مينيسترى ر.سكليار مالىمدەگەندەي, «نۇرلى جەر» باعدارلاماسى اياسىندا بيىل 10,2 ملن شارشى مەتردەن استام باسپانا (99 مىڭ پاتەر) پايدالانۋعا بەرىلەدى. اعىمداعى جىلدىڭ 7 ايى ىشىندە 6,2 ملن شارشى مەتر باسپانا پايدالانۋعا بەرىلدى. ول 2016 جىلدىڭ سايكەس كەزەڭىمەن سالىستىرعاندا 8,2 پايىزعا جوعارى كورسەتكىشتى كورسەتەدى.
جينالىستا «تۇرعىن ۇي قۇرى­لىس جيناق بانكى» اق باسقارما توراعاسى ل.يبراگيموۆا, «بايتەرەك دەۆەلوپمەنت» اق باسشىسى م.قۇداي­بەرگەنوۆ, سولتۇستىك-قازاقستان وبىلىسى, قاراعاندى, پاۆلودار وبلىس­تارىنىڭ جانە استانا قالا­سىنىڭ اكىمى «نۇرلى جەر» باعدارلاماسىنىڭ جۇزەگە اسىرىلۋى تۋرالى باياندادى.
جۇمىس ساپارىن قورىتىندىلاي كەلە ا.مامين اقتوبە وبلىسىنىڭ دامۋىندا وڭ ديناميكانىڭ بارىن ايتتى.
– بىزدىڭ اقتوبەدە جينالىس وتكىزۋىمىز تەگىن ەمەس. مۇندا «نۇرلى جەر» باعدارلاماسى ساتتى جۇزەگە اسى­رىلۋدا. بۇگىنگى جينالىسقا بارلىق وبلىس اكىمدەرىنىڭ ورىنباسارلارى قاتىسىپ وتىر. سىزدەرگە تۇرعىن ۇي قۇرى­لىسى باعدارلاماسىن جۇزەگە اسىرۋ بارىسىندا اقتوبە وبلىسىنىڭ وڭتايلى تاجىريبەسىن قولدانۋ كەرەك. «نۇرلى جەر» باعدارلاماسىن بەلسەندى ارى ساپالى جۇزەگە اسىرۋ عانا تۇرعىنداردى قولجەتىمدى باسپا­نامەن قامتاماسىز ەتۋگە, قۇرىلىس سالاسىن جانە ەلىمىزدىڭ الەۋمەتتىك-ەكونوميكالىق جاعدايىن دامىتا تۇسۋگە جول اشادى».
ا.ساعىندىقوۆا

بولىسۋ:

پىكىر جازۋ


*