حقكو-دا كەزەك نەگە كوپ?

1383
0
بولىسۋ:

بۇل سۇراققا بۇگىن «ازاماتتارعا ارنالعان ۇكىمەت» مەملەكەتتىك كورپوراتسيياسى جۇمىسىن باق وكىلدەرىنە تانىستىرۋعا ارنالعان باسپاسوز كونفەرەنتسيياسىندا قر اقپارات جانە كوممۋنيكاتسييالار مينيسترى داۋرەن اباەۆ جاۋاپ بەردى.
– حالىققا قىزمەت كورسەتۋ ور­تا­لىق­تارىندا ىلعي كەزەك كوپ بولادى. وعان مەملە­كەتتىك كور­پوراتسييالار دا, ورتا­لىقتاعى قىزمەتكەرلەر دە كىنالى ەمەس. بار احۋال اقپاراتتىق جۇيەلەردە. ار اقپاراتتىق جۇيە مەملەكەتتىك ورگاندارعا تيەسىلى. ار جىل سايىن ار ورگان وز جۇيەسىن جۇرگىزەدى. وسى جىل ىشىندە جۇيە, جالپى العاندا, 35 ساعاتقا توقتاپ قالعان. ەگەر اقپاراتتىق جۇيە 5 مينۋتقا بولسىن توقتاپ قالسا كەزەك جينالعان ۇستىنە جينالا بەرەدى. وسىدان كەلەدى دە مەملەكەتتىك كور­پوراتسييالار جاماناتتى بولادى. اقپاراتتىق جۇيەلەردى ىلعي جاڭارتىپ وتىرۋ كەرەك. جىلدىڭ سوڭىنا قاراي بازالىق اقپاراتتىق جۇيەلەردى جاڭارتۋدى جوسپارلاپ وتىرمىز, – دەدى مينيستر.
سونىمەن قاتار داۋرەن اباەۆ كەلەر جىلى قازاقستانعا بىرىڭعاي انىقتاما جۇيەسى ەنگىزىلەتىنىن دە ايتتى.
– ازاماتتار ۇشىن تەلەفونعا شۇق­شيىپ ار مەملەكەتتىك ورگاننىڭ تەلەفون نومىرىن ىزدەگەنشە, بىر نومىرگە عانا حابارلاسىپ, ارى قاراي قاجەت جەرىنە قوسىلعان جەڭىلىرەك. بىز قازىر 1414 نومىرىنە بارلىق سەنىم تەلەفوندارىنىڭ نومىرىن جيناپ جاتىرمىز. وسى نومىرگە قوڭىراۋ شالساڭىز, وپەراتور سىز­گە قاجەت ورگاندى بىلگەن سوڭ سىز­دىڭ قوڭىراۋىڭىزدى بىلىم جا­نە عىلىم مينيسترلىگىمەن, ىش­كى ىستەر مينيسترلىگى, باس پروكۋ­را­تۋ­را, دەنساۋلىق ساقتاۋ مينيستر­لىكتەرىنىڭ call-تسەنترلەرىنە جىبەرەدى. ازاماتتارعا تەك بىر نومىردى عانا جاتتاپ العان وڭاي, – دەپ اقپارات بەردى مينيستر.
باسپاسوز كونفەرەنتسيياسىنان بۇرىن «ازاماتتارعا ارنالعان ۇكىمەت» مەملەكەتتىك كورپوراتسيياسى جۋرناليستەر مەن قوعام وكىلدەرى ۇشىن مەملەكەتتىك كورپوراتسييانىڭ فرونت-وفيستەرى بويىنشا باسپا­سوز تۋرىن وتكىزدى. وندا باق وكىلدەرى حالىققا قىزمەت كورسەتۋ ورتالىقتارىنداعى جۇمىسپەن تانىستى.
«ازاماتتارعا ارنالعان ۇكىمەت» مەملەكەتتىك كورپوراتسيياسى باس­قارماسىنىڭ توراعاسى ابى­لايحان وسپانوۆ 2016 جىلدىڭ قورى­تىن­دىسىن باياندادى. ول ازا­ماتتاردىڭ 2015 جىلعا قارا­عان­دا 2016 جىلى مەلەكەتتىك قىز­مەت كورسەتۋ ساپاسىنا كوڭىلى تولىڭ­قىرايتىنىن ايتادى.
جۋرناليستەر حالىقتىڭ كەي قۇ­جاتتارعا اسا مۇقتاج بولىپ قالاتىنىن, سول ۋا­قىت دەمالىس كۇنىنە تۇسىپ قالسا, تىپتى قي­­نا­لا­تىنىن العا تارتىپ, جەكسەنبى كۇ­نىن­دە دە ورتالىقتىڭ جۇمىس ىستەۋىنە ۇسى­نىس
جاسا­دى. مينيستر داۋرەن اباەۆ بۇل قىز­مەتكەرلەرگە اۋىر بولىپ كەتەتىنىن ايتتى.
– ورتالىق قىزمەتكەرلەرى تاڭعى 9-دان كەشكى 8-گە دەيىن جۇ­مىس ىستەيدى. قازاقستاندا ەشبىر مەكەمە قىزمەتكەرلەرى سونشا ۋاقىت جۇمىستا وتىرمايدى. ونىڭ ۇستىنە ولاردىڭ جالاقىسى ەلدەگى ورتاشا جالاقىدان دا از, – دەپ جاۋاپ بەردى مينيستر.

كوركەم ومىرالى

بولىسۋ:

پىكىر جازۋ


*