«التىن بەلگى» يەگەرلەرىنىڭ جەڭىلدىگى جويىلادى

1466
0
بولىسۋ:

بىلىم جانە عىلىم مينيسترلىگى عيماراتىنىڭ جانىنا بىرقاتار تالاپكەرلەردىڭ اتا-انالارى جينالىپ, مەملەكەتتىك بىلىم گرانتتارىن بولۋگە قاتىستى تۇسىندىرۋدى سۇراعان بولاتىن. وسىعان وراي بعم بيىلعى گرانت بويىنشا سۇراقتارعا قوسىمشا تۇسىندىرۋ جۇرگىزۋدى ۇيعاردى.

ازاماتتار مەن اقپارات قۇرال­دا­رىنىڭ سۇراقتارىنا ۆەدومستۆونىڭ جوعارى جانە جوعارى وقۋ ورنىنان كەيىنگى بىلىم دەپارتامەنتىنىڭ ديرەكتورى گۇلزات كوبەنوۆا جاۋاپ بەردى.
– كەز كەلگەن اتا-انا مەن تالاپكەر بىلىم گرانتىنان ۇمىتتى ەكەنى تۇسىنىكتى. بيىلعى جىلى مينيسترلىك باكالاۆريات بويىنشا گرانت سانىن تاعى 6 مىڭعا وسىرۋگە قول جەتكىزدى. الايدا تاڭداۋ بارىسىندا ار تالاپكەر ارتۇرلى ماماندىق بويىنشا بولىنەتىن گرانتتار سانى دا ارباسقا بولاتىنىن ەسكەرگەنى جون. ناتيجەسىندە, ار ماماندىق بويىنشا بىلىم گرانتىن الۋ ۇشىن قاجەتتى بال دەڭگەيى دە بىركەلكى بولمايدى. نەگىزى, بۇل جاعداي – وسى جىلى ورىن العان جاڭالىق ەمەس. بىلتىر دا, الدىڭعى جى­لى دا وسىلاي بولعان. سول سەبەپ­تى تالاپكەرلەر قانداي مامان­دىق­قا باسەكە دەڭگەيى قانداي بولا­تىنىن بىلۋلەرى ۇشىن ار ماماندىق بويىنشا بولىنەتىن گرانتتار كولەمى جىل سايىن ۇبت وتكىزىلگەنگە دەيىن انىقتالادى, – دەدى گ.كوبەنوۆا.
ماماندىق تاڭداۋ تالاپكەرلەر مەن ولاردىڭ اتا-انالارىنىڭ دەربەس تاڭداۋى بولىپ تابىلادى. ونى مەملەكەت تاڭا المايدى. بۇل رەتتە الى كۇنگە اتا-انالار مەن جاستاردىڭ تاڭداۋى كوبىنە زاڭ­گەرلىككە, قارجىگەرلىككە, سونداي-اق ەكونوميكالىق ماماندىقتارعا تۇسەدى ەكەن. ولارعا مەملەكەت از گرانت بولەدى, تيىسىنشە, بىر ورىنعا تالاساتىن تالاپكەرلەر سانى دا كوپ بولادى. بۇل ول ماماندىق بويىن­شا مەملەكەتتىك بىلىم گرانتىن الۋ ۇشىن قاجەتتى بال سانىن كوتەرىپ جىبەرەدى.
مۇنىڭ سىرتىندا, مي­نيس­تر­لىكتىڭ تۇسىندىرۋىنشە, تالاپ­كەرلەردىڭ كوبى ناقتى بىر تانىمال جوعارعى وقۋ ورنىن تاڭدايدى. سالدارىنان گرانت الۋ ۇشىن قاجەتتى ۇبت ۇپايلارى تەك ارتۇرلى ماماندىقتار بويىنشا عانا ەمەس, سونداي-اق ناقتى بىر جوو-عا قاراي دا قاتتى وزگەشەلەنەدى.
– سونىمەن قاتار اتا-انالار وسى گرانتتار سانى اياسىندا اۋىل جاس­تا­رىنا, سونداي-اق جوو-عا تۇسۋ كەزىندە جەڭىلدىكتەردى پايدالاناتىن باسقا دا ساناتتاعى ادامدارعا كۆوتالار قاراس­تىرىل­عانىن دا ەسكەرۋگە تيىس. بۇل ساناتتاعى تۇلعالار ۇبت-دان العان ۇپايلارى سانىنىڭ تومەن بولعانىنا قاراماستان, گرانت يەگەرى اتانادى,– دەدى بعم وكىلى.
ول «التىن بەلگى» يەگەرلەرىنىڭ دە ارتىقشىلىعى, بىراق بۇل ار­تىقشىلىق الدا جويىلاتىنىن جارييالادى.
– «التىن بەلگى» يەگەرلەرى قولدانىستاعى زاڭعا سايكەس, جەڭىلدىك الاتىن ساناتقا جا­تادى. ايتكەنمەن, مينيسترلىك ولاردىڭ ۇبت بالدارىن وزگە تالاپكەرلەردىكىمەن تەڭەستىرەتىن زاڭ جوباسىن ەنگىزدى. بىراق ول الى قابىلدانعان جوق. جاڭا زاڭ كۇزدە قابىلدانادى دەپ كۇتىپ وتىرمىز, سوندا «التىن بەلگى» يەگەرلەرىنە بەرىلەتىن جەڭىلدىكتەر جويىلىپ, باسقالارمەن تەڭ دارەجەدە قاراستىرىلادى, – دەدى گۇلزات كوبەنوۆا.
ۇلتتىق تەستىلەۋ ورتالىعى كەشە قوعامدىق قابىلداۋ بول­مەسىن اشقان. ول ۇبت ناتي­جەلەرىن تۇسىندىرۋ ۇشىن ار اتا-انانى قابىلداۋعا دايىن ەكەن. بۇعان قوسا, اتا-انالار مەن تالاپكەرلەرگە قازىرگى ۋاقىتتا استاناداعى قاۋىرت جەلىنىڭ
+7 (7172) 69-50-76, 69-52-61 نومىر­لەرىنە قوڭىراۋ شالىپ, قاجەتتى اقپارات الۋىنا بولادى.
– بىلىم جانە عىلىم مينيستر­لىگى اسا جوعارى بال العان, بىراق گرانتقا ىلىكپەگەن تالاپكەرلەرگە جوو-لاردىڭ وز گرانتتارىن بولۋىنە ۇسىنىس جاسايدى. سونى­مەن قاتار, مينيسترلىك بيىل ار وبلىس اكىمدەرىنىڭ دە تول گرانتتارىن بولۋى مۇمكىندىگىنە قول جەتكىزدى. الداعى 2 اپتا ىشىندە اكىمدىكتەرمەن وسى باعىتتا جۇمىس جاساۋدى باستايمىز. بىردە-بىر تالاپكەر نازاردان تىس قالمايدى, – دەپ ۋادە ەتتى بعم جوعارى جانە جوعارى وقۋ ورنىنان كەيىنگى بىلىم دەپارتامەنتىنىڭ ديرەكتورى گ.كوبەنوۆا.

ەلدوس سەنباي

بولىسۋ:

پىكىر جازۋ


*