لومبارديمەن كەزدەستى

1416
0
بولىسۋ:

سەنات توراعاسى قاسىم-جومارت توقاەۆ شۆەيتسارييا فەدەرالدىق جينالىسىنداعى قازاقستان – شۆەيتسارييا دوستىق توبىنىڭ تەڭ توراعاسى فيليپپو لومبارديدى قابىلدادى. توراعا قازاقستان شۆەيتسارييانى ەۋروپاداعى ماڭىزدى ارىپتەس رەتىندە قاراستىراتىنىن, ەلدەرىمىز اراسىندا سىندارلى ساياسي ۇنقاتىسۋ قالىپتاسقانىن اتاپ وتتى. توراعانىڭ پىكىرىنشە, پرەزيدەنت ن.نازارباەۆتىڭ شۆەيتسارييا باسشىسىمەن الداعى كەلىسسوزدەرىنىڭ ەكى ەل اراسىنداعى ىنتىماقتاستىقتى ورىستەتۋدە ماڭىزى زور.
تاراپتار پارلامەنتارالىق ىنتىماق­تاستى تەرەڭدەتۋدىڭ كەلەشەگىن تالقىلادى. ق.توقاەۆ ف.لومبارديدى سەنات ساي­لاۋىنىڭ ناتيجەلەرىمەن تانىستىرىپ, ونىڭ بارىسىندا پارلامەنتتىڭ جوعارى پالاتاسىنا 16 دەپۋتات سايلانعانى ايتىلدى. سايلاۋدى بايقاۋعا حالىقارالىق جانە وتاندىق 518 بايقاۋشى, ەلىمىزدەگى جانە شەتەلدىك بۇقارالىق اقپارات قۇرالدارىنىڭ 244 وكىلى قاتىستى.
جۇزدەسۋشىلەر حالىقارالىق كۇن تارتىبىن, ساۋدا-ەكونوميكالىق جانە گۋماني­تارلىق ىنتىماقتاستىق ماسەلە­لەرىن تالقىلادى.
سەنات توراعاسى ورتالىق ازيياداعى سۋعا قاتىستى جوبالاردى قولداعانى ۇشىن شۆەيتساريياعا ريزاشىلىعىن بىلدىردى. وسىعان بايلانىستى ق.توقاەۆ
EXPO – 2017 حالىقارالىق كورمەسى اياسىندا سۋ رەسۋرستارى جونىندەگى بىرلەسىپ ۇيىم­داستىرىلعان ايماقتىق كونفەرەن­تسييانىڭ ماڭىزدىلىعىنا توقتالدى. «شارا ورتالىق ازيياداعى سۋ رەسۋرستارى جونىن­دەگى ۇنقاتىسۋلاردى ينستيتۋتتان­دىرۋ مۇمكىندىكتەرىن زەردەلەۋ ۇشىن ەرەكشە الاڭ بولدى», – دەپ اتاپ وتتى سەنات باسشىسى.
اڭگىمە بارىسىندا قازاقستان مەن شۆەيتسارييا ايماقتارىنىڭ ىنتىماق­تاستىعىن دامىتۋدىڭ كەلەشەگى دە تالقىلاندى. الماتى وبلىسى مەن تيچينو كانتونى اراسىندا قول قويىلعان وزارا تۇسىنىستىك تۋرالى مەموراندۋم ەكى مەم­لەكەت اراسىندا دوستىق قاتىناستاردى دامىتۋ ۇشىن وڭ ىقپال ەتەدى.

ەرشات ازىرەت

بولىسۋ:

پىكىر جازۋ


*